امي تتعبني قصص من الحياه

أنا مراهقة و اتعب أو أكون عيانة عن قصد. أنا عندي 14 سنة وهاكمل 15 قريب وأصغر واحدة في العيلة وبعيده فالسن جدا عن أخواتي الكبار. ماما هي اللي بتحكم البيت كله وبابا مش واخد باله من أي حاجة ماما مسيطرة على كل حاجة في حياتي من لبسي للأكل لحد تليفوني اللي بتحتفظ بيه عندها بالليل وكمان هي اللي بتديني كل ادويتي.
أنا عندي أخت ماتت وانا بيبي تقريبا كانت عيانة ومفيش أي حد في العيلة اتكلم عنها. وكمان عندي أخت كبيرة شوفتها مرة واحده بس في حياتي .
ماما قالتلي من وأنا عندي 5 سنين إني عيانة وبدأت تديني ادويتي من بدري وقالتلي عندي مشاكل في التنفس والهضم ولازم آخد الادوية كل يوم عشان ما اتعبش. كان عندي جهاز استنشاق وباخد دواء وكمان نظام أكل

محدد. المرة الوحيدة اللي اتعبت فيها جامد كانت في حفلة عيد ميلاد وماما وقتها سمحتلي آكل أي حاجة واتعبت وراحت المستشفى والحمد لله اتحسنت هناك. و السنة اللي فاتت جالي التهاب رئوي جامد أوي وماما حاولت تعالجه في البيت وأنا كنت خلاص على وشك أموت بس الحمد لله اتحسنت لما نقالوني المستشفى.
المهم أنا فعلا كنت بتعب جامد وبحس بضيق في التنفس كتير 
في اجازة الشتاء اللي فات روحت أنا وعيلتنا وعيلة صاحبتي في رحلة تزلج وفي اللحظة الأخيرة قررت عيلة صاحبتي تقعد كام يوم زيادة وأهلي رجعوا عشان بابا كان لازم يشتغل. صاحبتي و عيلتها عرضوا عليا أقعد معاهم ووالدة صاحبتي وعدت إنها هتراعي نظام أكلي وتديني ادويتي وكانت متساهلة أكتر من ماما. أنا ومع صاحبتي جربنا كل حاجة واكلت كل حاجة أنا ماخدتش الادوية وفوجئت إني كنت أحسن من الطبيعي ومفيش أي وجع في بطني وده كان أول مرة حسيت فيها إن حاجة غريبة بتحصل.
لما رجعت البيت عند ماما بدأت أتعب تاني على طول. أول أسبوعين كنت مش قادرة آكل حاجة ومقدرتش اروح المدرسه تقريبا أول شهر دراسي كامل. لما رجعت المدرسة قلت لصاحبتي وهي ضحكت وقالت ممكن ماما عاملاك زي بتتعبك عشان الأهتمام كنت بضحك بس حسيت إن الموضوع مش هزار. 
بعد شوية الأمور اتوضحت. الادوية اللي كنت باخدها كانت يا مكملات عشبية بتسبب أعراض معينة واللي كانوا سبب إنها تدخل ماما في مشاكل. أنا تعبت جامد جدا واضطروا يحولوني لمستشفى أطفال في المدينة وفحصوا كل حاجة. ماما كانت معايا طول الوقت ومابتخليش حد يسألني أي حاجة بس لما لاحظوا فجوات في تاريخي الطبي اشكوا وطلعوها وحطوا حراسة في غرفتي وجابوا حدمن الخدمه المجتمعيه . 
بقى صحتي تتحسن من غير ماما ولما حكيت لهم شكوكى قرروا ان حماية الأطفال لازم تدخل . بابا اختار يقف مع ماما لكن أختي الكبيرة اتدخلت علشاني وبدأت تهتم بيا. لسه في المستشفى لأن كليتي محتاجة تتعالج وعندي مشاكل في سكر الدم بسبب الادوية اللي كنت باخدها وضررها اللي حصل. 
اختي الكبيرة طيبة جدا وبتراعي كل احتياجاتي واللي فالخدمه المجتمعيه قالولي إني أختار وأنا مش متأكدة دلوقتي. أكيد مش هقدر أعيش معاها تاني قبل ما أتم 18 ومش متأكدة إني عايزة أصلا. 
الحياة اتغيرت جامد بس الحمد لله دلوقتي بأمان
تمت