رواية صعيدية كاملة
بنقضي وقت حلو خلينا ننبسط احسن مش عايزاه افتكر اي حاجة تضايقني
جاد مد ايده مسح دمعه على خدها و اتكلم باصرار
مش هسيب اي حاجة وحشه تضايقك يا ملاك
الي فات اساس اللي جاي مينفعش الچروح تتخيط من غير ما نطهرها
ملاك بمرح
دكتور بقا و كدا
جاد تصدقي و انا معاكي اكتشفت اني برجع للطب واحدة واحدة من مدة في القاهرة فضلت قاعد جنبك و انتي فاقدة الوعي و دلوقتي بقول أمثال في الجراحة
قوليلي بقا كل حاجة يا ملاك
ملاك بحزن صعب يا جاد صعب أوي
أنا كنت حبيبة ابوها زي ما بيقولوا كان بيشتغل في النجارة و الخشب كان دايما يسافر و هو راجع من السفر يجبلي معه حلويات و شكولاته كان بيحبني اوي و كان حنين اوي عليا و خصوصا لان ماما توفت وانا صغيره
ماټ و انا عندي 15سنه كنت وقتها مش مصدقه و فضلت وقت طويل حزينة على مۏته خالد اتجوز مراته سماح
في الأول كانت تعاملني كويس ادامه لكن مع الوقت بقيت حياتي معاهم وحشة اوي
كأني خدامة في بيت ابويا خالد اخويا من بابا تعرف يا جاد يوم ما قالي اننا هنتجوز كان هاين عليا اهرب من البيت اروح اي مكان
اي مكان بعيد عنك و عنهم لكن و انا معاهم مكنتش الناس بيرحموني كان دايما يحصل مشاكل و القى اللي بيعاكسوني
فكرت للحظات هعمل ايه لو لقيت نفسي في الشارع لوحدي و لقيت ان كدا كدا مرمطة فوافقت على موضوع الجواز و قلت عادي
من اول يوم جواز
و أنا حاسه اني مصډومة من اللي بيحصل اكتشف انك متجوز و بتحبها حتى لو دا كان مجرد كلام و بعدها اسمع موضوع الخلفه و بعدها اسمع منك الكلام اياه و بعدين موضوع كارم و كل حاجة وراء بعدها
حسيت إني
مش مصدقه و حاسه نفسي في كابوس انا اسفه اسفه اني بفتح في الموضوع بس ڠصب عني كل حاجة بدأت هنا و بابا ماټ هنا و اخويا كسرني هنا يا جاد
جاد ايه هنفضل نعيط طول النهار و لا ايه لا أنا مبحبش النكد و بعدين انا محضرلك بروجرم هايل ياله قومي
قام بسرعة و مسك ايدها شد ايدها و اخدها للشالية
كان واقف أدام الدولاب بحيرة اختار دريس ليها ابيض منقوش بورد احمر واسع
و طلع له بلوفر اسود و بنطلون جينز
جاد بحماس ياله غيري بسرعة و انا كمان هغير
ملاك بسعادة هنعمل ايه
جاد غمز لها بمراوغة هنقضي اليوم في البحر النهاردة ياله
ملاك طب انا كنت عايزاه اشحن موبيلي دا مقفول من بدري و
جاد ما انا كمان قافل موبيلي
ملاك طب لما يكلموك و بعدين لو عازوك في حاجة مهمة او حصل حاجه في الشغل
جاد سليم عارف هيوصلي ازاي لو حصل حاجة و بعدين لما يعرفوا انك مش موجوده يفهموا اننا سوا فمتقلق يش ياله بقا ادخلي فيري
ملاك بتوتر طب هي چنا فين
جاد راحت مع ابوها القاهرة سيبك بقا من التفكير فيهم ياله بينا
ملاك اخدت الفستان و دخلت الحمام
بعد مدة ركبت معه في العربية و هو طلع على المينا
نزل مسك ايدها مشي في ممر خشبي طويل لحد ما وقف أدام يخت جميل
ساعدها تطلع على اليخت و ركب هو كمان
ملاك طلعت و هي مبهورة بكل التفاصيل الموجودة كان في تربيزة صغيرة متدينة بشكل لطيف دخلت أوضة النوم لقيت فستان ابيض قصير موجود على السرير
بصت ناحية برا كان جاد واقف ساكت
ابتسمت بمكر و هي بتقفل الباب
في القاهرة
چنا في الموبيل يعني هم في اسكندرية دلوقتي ماشي عايزاك تجيبي كل تحركتهم عايزاه اخلص من الموضوع دا في خلال أسبوع واحد انت فاهم
شخص حاضر يا هانم توريني بحاجة تانية
چنا نفذ بس اللي قلتلك عليه
قفلت الموبيل و بصت لامها
هي دي الطريقه الوحيدة اللي نخلص بيها من ملاك و جاد يعرف انه مالوش غيري و من غير ما يبقى ليا يد في الموضوع
بعد يومين في الشالية
جاد ابتسم و شدها اكتر وهو لسه مغمض عنيه
ملاك بتوتر جاز انت صاحي
جاد تؤتؤ لسه نايم
ملاك بطل رخامه بقى
جاد وهو بيفتح عنيه وبيبصلها وبيغمز صاحي يا ستي قوليلي بقى كنتي بتعملي ايه
ملاك هزت كتفها مداعيه الامباله معملتش حاجه
جاد بضحكه صاخبه والله
ملاك بتوتر اه بجد كنت كنت
جاد بخبث انا بقى عايز اعرف كنت دي
ملاك بضحكه وهي بتقوم بسرعه ابقى قابلني
جاد فضل يبص عليه و هو مبتسم قام فتح موبيله يكلم سليم اللي رد عليه و طمنه انهم سوا
بعد مدة
ملاك بتذمر
طب هو أنت جايبنا هنا علشان نخرج و لا علشان شغل
جاد بهدوء
يا حبيبتي مين قالك أنه شغل دي حفلة خطوبة ماهر صديقي من زمان لكن للأسف كل واحد فينا انشغل في حياته و هو كمل في الطب و انا انشغلت بالمصنع و المجلس و العمدية و بالصدفه قابلته من مدة و عزمني على خطوبته لكن أنا كنت ناوي اعتذر لان مكنتش متوقع اني هبقي فاضي
و كل ما في الموضوع أننا لما جينا هنا كلمني و انا قلتله هشوف ظروفي ايه بس مش هتبقى حلوة في حقي لو عرف اني موجود في اسكندرية و محضرتش خطوبته و بعدين هو انا هسيبك لوحدك ما أنت هتحضري معايا و ياله بقا خلينا نجهز
ملاك بارتباك خاېفه معرفش اتأقلم مع حد
جاد ابتسم بحب و مسك ايدها
أولا مټخافيش من اي حاجة طول ما أنا معاكي و أنا مش معاكي كمان
ثانيا أنا هفضل جنبك
و مش هتحتاجي تتاقلمي على حد او تتعرفي عليهم اوي يعني
ياله بقا خلينا نجهز
ملاك تمام
وصلوا سوا للقاعة جاد نزل من العربية بعد ما ركنها
الف مبروك يا دكتور
ماهر بابتسامة الله يبارك فيك و الله كنت فاقد الأمل أنك تيجي يا جاد بقالنا كتير اوي متقابلنش و لا قعدنا صحيح ايه اخبار مدام چنا .
نجوى براحة عليه يا ماهر هيرد على ايه و لا ايه ازايك يا دكتور جاد و لا أقول يا جاد بيه
جاد بابتسامة الف مبروك يا نجوي بصراحة مكنتش متخيل انكم ترتبطوا يعني طول فترة الدراسة كنتم ناقر و نقير
ماهر بضحك اعمل ايه بقا نصيبي
نجوي عندك اعتراض و لا ايه
ماهر لا طبعا سيبني في حالنا يا جاد علشان دي لما بتقلب بتبقى كدا زي دكتور عبد الجواد
جاد و الله كان دكتور محترم
ماهر اه يا عم ما أنت كنت من الاوئل هيفرق معاك
حاجة
نجوى بغيظ انا ببقى شبه دكتور عبد الجواد ابو كرش دا
ماهر عجبك كدا يا عم جاد صحيح مين دي و فين چنا
ملاك كانت حاسة بالاحراج جاد ابتسم بهدوء و هو بيمسك ايدها بقوة
دي ملاك مراتي
نجوى بشهقة أنت اتجوزت على چنا
ماهر بسرعة و هو بيبص لجاد
نجوي تعالي نرقص يا حبيبتي انبسطوا يا جماعة جاد متمشيش لازم نتكلم
نجوى بهمس لماهر معقول اتجوز عليها دا كان بيحبها صحيح صنف متملش عنيه غير التراب
ماهر بضيق و هو بيرقص معها بعيد
نجوى اتكلمي عدل و بعدين أنت متعرفيش اي اللي حصل خله يتجوز عليها
نجوى بضيق دافع عنه يا خويا دافع ما هو صاحبك و بعدين مش بعيد بعد الجواز القيك متجوز عليا و بعدين دي شكلها صغيرة يا ماهر
ماهر بتفهم أولا يا نجوى احنا مش عارفين ايه اللي حصل بينهم طول فترة جوازهم و منعرفش ايه السبب اللي خلاه يتجوز تاني
جايز هو يكون غلط و خايز صح لكن دا قدر
و حكاية صغيرة او كبيرة دي متخصناش في حاجة
بعدين أنتي نفسك ايام زمان مكنتيش ترتاحي لچنا و جايز حصل بينهم حاجة
و بصي بقا يا بنتي أنا اولا مظنش اني ممكن في يوم من الايام افكر في واحدة غيرك او اتجوز غيرك ليه بقا لأني وقعت و محدش سم عليا رغم ان لسانك طويل و عايز قاطعه الا اني ادبست
نجوى بابتسامة مع اني مش مقتنعه بكلامك بس حبيته و بعدين أنا لساني طويل علشان أنت كنت وقح دايما معايا
ماهر بغمزة طب بذمتك مش جبتك الأرض و وقعتك في دباديب
نجوى ضحكت على طريقته
ملاك كانت واقفه ساكته و هي بتبص للبنات اللي واقفين و حاسة انها متضايقه و مخڼوقة من وجودها في الحفلة دي
و متضايقه من آراء الناس اللي هتفضل
ملاحقها أنها اخدت راجل من مراته و في مجتمعنا اسمها خطافة رجالة
رغم انه مكنش بايدها اي حاجه لكن متنكرش انها حبيته جدا
جاد بابتسامة سرحانة في ايه
مترعليش من
كلام نجوى هي عفوية شوية لكن محترمة جدا و طيبة و لو عرفتيها اكيد هتحبيها
ملاك بهدوء تفتكر
جاد اظن
جيت بنت بتقدم العصير وبصت لجاد وابتسمت
ملاك بغيظ في ايه
البنت انا اسفه مفيش حاجه جاد بيه نورت الحفله ومبسوطه بوجودك
ملاك بصت لجاد بغيره ربعت ايديها و هي بتبصلهم
البنت مبسوطه انها شافتك
جاد ابتسم بمكر حب يشوف غيرتها
واكيد انا مبسوط يا مروة
مروة بسعادة حضرتك لسه فاكر اسمي
جاد بابتسامه جانبيه طبعا هو انا ممكن انساكي
مروة بابتسامة و الله حضرتك وحشتني اقصد وحشتنا جدا
ملاك لا والله بقى كدا طب خدي
ومسكت كاسه العصير و رميتها في وش مروة اللي شهقت بقوة و هي بترجع خطوة لوراء
جاد عملتي ايه يا مجنونه
ملاك وهي ماسكه الكاسه التانيه وبتشربها بلا مباله
عملت ايه بشرب عصير لكن مش قد كدا اعتقد لازم تهتموا بالشغل الأول اكتر من الشقط
مروة پغضب شقط على فكرة انتي مش محترمة و بيئة
جاد بحدة و ڠضب مررروة!
مروة پخوف أنا اسفه يا جاد بيه انا اسفه يا هانم
ملاك بصتلهم بضيق و سابتهم و مشيت جاد بص لمروة بحدة
حسابك معايا بعدين اتفضلي
مروة مشيت و جاد بص لملاك و راح وراها لقاها قاعدة بعيد
جاد ممكن افهم ايه اللي حصل دلوقتي
ملاك بزعيق وصوت عالي في ان البت المسهوكه دي بتعاكسك ادامي وانت عجبك الموضوع اوي
جاد بخبث طب وانا مالي وبعدين اتظبطي يا ملاك
ملاك ماشي يا جاد انا عايزه امشي من هنا
جاد بحدة مفيش زفت مشيان وياريت تتعدلي
ثانيا صوتك ميعلش انتي فاهمة
مال عليها و ضحك ڠصب عنه
انتي رميت عليها العصير شكلك حلو اوي و انتي متعصبة
على فكره انتي مجنونه بس بعشقك انا بحبك انتي وبس افهمي بقى يا غبيه
ملاك انا غبيه
جاد اه غبيه وهبله كمان اسكتي بقي
ملاك ياريت انت متكلمنيش تاني
جاد والله دا انتي بتلككي عشان اكلمك اصلا
ملاك طب مش هكلمك تاني
جاد متكلمنيش
ملاك وهي بتربع ايديها بغيظ مش هكلمك رخم اصلا
جاد ابتسم على فكرة اللي عملتيه غلط جايز هي طريقتها مش كويسة و كلامه مش كويس بس عيب لما تبقى قاعدة معايا و ترمي العصير عليها كدا
ملاك بحدة يعني لو لقيت واحد دلوقتي بيعاكسني هتقفي عادي دا على اساس اني مش عرفاك دا انت ممكن تكسره
جاد بحدة كويس انك عارفه ياريت تسكتي بقا علشان متشوفيش الوش التاني لانه يزعلك اوي
ملاك بهمس دلوقتي انا الغلطانه و هو الملاك
جاد بهدوء ملاك متختبريش غيرتي احسنلك صدقيني
ملاك طب و انتي ليه بتكون مبسوط لما تشوفني غيرانه و بعدها تيجي تزعق لي دا مش عدل على فكرة
جاد ملاك أنا بحبك و مش عايز اذيكي في يوم من الايام لان مضمنش نفسي بحب اشوف غيرتك بفرح لما بحس أنك تجنني لو واحدة بصت لي بس في فرق بين الرجل و الست
و في فرق بين نظرة الراجل و الست
يعني انا مثالا لو واحدة بصت لي و أعجبت بيا عادي مش هتفرق معايا لان انتي اللي في قلبي و هي مش فارقه معايا اصلا
لكن لو واحد بصلك يعنيه بس انا ممكن اطربق الدنيا في دماغه لو لازم الأمر لأنك مراتي أنا و حبيبتي لوحدي
ملاك مش بتثبت على فكرة
جاد بمرح و الله ماشي يا ست ملاك لما نرجع نبقى نشوف الموضوع دا بس بلاش نكد
في الصعيد بعد شهر و نص
ملاك كانت واقفه في اوضتها و هي ماسكة حبوب منع الحمل بتردد و رغم أنها بتحبه جدا لكن مش مستعدة تكون أم او يحصل حمل دلوقتي واثقه انه بيحبها و أنه عمره ما هيتخل عنها لكن هي بدأت دراستها في معهد التمريض و حاسه أنها مش مستعدة لأى حاجة تانية
بصت للشريط في نفس الوقت جاد دخل الأوضة و باين عليه الارهاق ملاك بسرعة حطته في الدولاب . ابتسمت بحب و هي بتقرب منه
جاد بارهاق طلعيلي غيرا يا ملاك
ملاك حاضر مالك يا جاد أنت كويس
جاد متقلق يش أنا كويس بس ضغط الشغل أنت عارفة بجهز تصاريح المصنع الجديد محتاج احد دش و أنام
ملاك هطلعلك هدوم ربنا يكون في عونك
جاد ابتسم سابها و دخل ياخد دش طلعت له هدوم بيتي مريحة
خرجت من الاوضة و رجعت بعد شوية و هي شايلة صنيه عليها الأكل
لقيت جاد واقف أدام المرايه بينشف شعره
ملاك بابتسامة كويس أنك خرجت ياله علشان نتغدا سوا ماما قالتلي انك ماكلتش حاجة و الصبح مشيت من غير ما تفطر
جاد بهدوء ماليش نفس يا ملاك و حقيقي عايز انام دلوقتي
ملاك لا طبعا مش هنام من غير ما تاكل و بعدين أنا كمان ماكلتش خلينا نتغدا سوا
جاد ماشي يا ستي .
مع بعض رغم ان ملاك كانت متضايقه أنه بيبات معها يوم و يوم مع چنا
في اوضة چنا كانت واقفه بتتكلم مع الخدامة و هي مندهشة و مبسوطة من اللي سمعته
چنا أنت متأكدة يا بت يا نرجس يعني شوفتي حبوب منع الحمل في دولابها
نرجس بابتسامة
اه و الله يا هانم و متاخد منها كمان و بعدين هو انا هتوه عن حاجة زي دي
هناء دا لو جاد أو الحج محمد عرفوا أنها بتاخد الحبوب دي يااه
نرجس بطمع أنا قلت لازم اجي أبلغ حضرتك يا هناء هانم هو انا ليا بركة غيرك
هناء بابتسامة و هي بتديها فلوس
شاطرة يا بت روحي دلوقتي على المطبخ و مش عايزاه حد يعرف حاجة عن حكاية الحبوب دي فاهمة
نرجس بطمع من عنيا يا ست الكل
نرجس خرجت من الاوضة چنا بصت لوالدتها بمعنى ناوية على ايه
هناء بابتسامة حلو اوي اللي بيحصل دا حلو اوي ملاك خدمتنا بجد بقولك لازم تعملي اللي قولتلك عليه لازم تاخدي موبيله و تطلعي صورهم في اسكندرية من عليه
ابقى تبعتيه لنفسك على الوتس و اسمحيهم من عنده و بعدها أنا هقولك تعملي ايه و ساعتها هنقلب الدنيا فوق دماغ جاد و هو مستحيل يتخلى عن منصبه علشان واحدة بتضحك عليه و مش عايزاه تخلف منه .
چنا و لو جاد عرف
هناء لا متقلق يش أنت بالنسبه له ارحم بكتير منها و هو دايب في حبها و مع ذلك يكتشف انها مخبيه عليه و بعدين الشوشرة اللي هنعملها عليه هتخليه ميفكرش كتير و هو يطلقها و احتمال يكره صنف الحريم كله
چنا ماشي يا ماما همشي وراكي لما اشوف اخرتها اي هو النهاردة عندها بس بكرة هيكون معايا
و بعدين انا ماصدقت انه خلاص هدي شوية من ناحيتي
هناء اوعي بقا تعملي اي مصېبة تخليه يتعصب منك و بطلي غيرتك بدل ما تودينا في داهية ابوكي يكلمني من القاهرة و هو متضايق و خاېف يحصل لي حاجة تبوظ شغله مع جاد
چنا متقلق يش انا سايبه الفترة دي خالص خليه يعمل اللي هو عايزه لحد ما نخلص من الحية دي و لما يبقى معايا هفتح موبيله و اعمل اللي اتفاقنا عليه .
هناء ياريت .
بليل
ملاك كانت بتذاكر و هي متضايقة لإنها حاسة انها مش فاهمة حاجة بصت لجاد اللي لسه نايم و ابتسمت بخبث و هي بتقعد على السرير بسرعة
و بصوت عالي دكتور جاد يا دكتور دكتور
جاد فتح عنيه بازعاج و بصلها باستغراب
في ايه يا ملاك حد يصحى حد كدا
ملاك بابتسامة اصلك وحشتني
جاد ابتسم و اتعدل بص في الساعة لقاها 11 قبل نص الليل
يااه أنا نمت كل دا لسه مصحتنيش
ملاك كنت هصحيك بس ماما قالتلي اسيبك نايم و أنا بصراحة لقيتك تعب ان صعب عليا اصحيك .
طب و منامتيش ليه لحد دلوقتي
ملاك كنت بذاكر بس مش فاهمة حاجة في العضوية فقررت اصحيك يا دكتور جاد اشرح لي علشان مش فاهمة حاجة
جاد اخد منها المذكرات و افتكر أيام ما كان طالب في الكلية
بدأ يشرح لها و هي بتسأله في اللي مش فاهمة .
فات حوالي ساعة و نص ملاك كانت زهقت
ملاك أنا تعب ت اوي و زهقت
جاد ابتسم و هو بيشيل الكتب و بيحطهم على الكومدينو قرب منها و على وشه ابتسامة
أنا كمان بقول كدا
ملاك بسرعة و هي بتبعد
جاد أنا عايزاه اتكلم معاك في حاجة ضروري
جاد طب ناجل الكلام لبكرا
ملاك لا لازم نتكلم دلوقتي
جاد باستغراب اتكلمي
ملاك .
ملاك اتعدلت و بصتله بارتباك و هي مش عارفه تبدأ منين اخدت نفس عميق و هي بتبص له
جاد هتتكلم و لا أنام عندي شغل الصبح بدري
ملاك جاد أنت عارف انى بحبك صح
جاد بشك بقلق من الډخلة دي في ايه
ملاك جاد أنا عارفه انك نفسك تكون أب و يبقى عندنا أولاد كتير
جاد بتاكيد عايزهم منك يا ملاك
ملاك ابتسمت بهدوء و كملت
و أنا كمان نفسي يبقى عندنا اولاد نربيهم سوا و يكبروا معانا بس
جاد بس ايه
ملاك أنا مش هقدر دلوقتي يا جاد أنا مش مستعدة و خاېفة حاسة اني محتاجة وقت و محتاجة اركز في المعهد و اشوف إذ كنت هبقي قادرة اني ارعي طفل اربيه و اهتم بيه يكون كل حياتي و اديله كل الحب اللي في قلبي أنا مش مستعدة للحاجة دي
او بمعنى أصح مش عارفة
مش عارفة إذا كنت هقدر و لا لاء أنت فاهمني
كانت بتبص له بقوة و هي بتتكلم و بتراقب تعب يرات وشه
جاد مش فاهم يا ملاك أنت تقصدي ايه
ملاك أنا بس عايزه ناجل الموضوع دا شوية سنة مثالا اكون بس فهمت أنا عايزاه ايه بالظبط
انا عارفه ان سما كانت حامل و هي اصغر مني و عارفه أنك نفسك في طفل بس أنا خاېفه من المسئولية دي
ملاك جاد انت سامعني أنت كويس!
جاد بعد عنها و بصلها بابتسامة لكن مقدرش يقاوم
بعد عنها لما حس انها مش عارفه تتنفس غمض عنيه و سند راسه على دماغها و هي مغمضة عنيها بخجل
جاد بلهفة و انا مقدر خۏفك يا ملاك و مش عايز اي حاجة تخليكي حاسة انك مجبرة تعمليها و انتي مش عايزاها
كفاية عندي اوي أنك تكوني معايا و ليا و مش مهم حتى لو محصلش نصيب او مخلفناش بس أنا عايزاك ليا لحد ما ربنا يفتكرني
انك بتخدعيني زي الباقين ممكن ساعتها اكرهكم بجد و اكره نفسي
او احس بالنقص و العجز
جاد حس انه بيدوب من كلامها و نظراتها الخجوله و لهفتها و هي بتدافع عنه مال عليها باسها و
تاني يوم
كانوا قاعدين بياكلوا و جاد بيبص لملاك و مركز معها و لأول مرة ميهتمش بنظرات الموجودين و أمه و ابوه اللي قاعدين ادامه
فاطمة بابتسامة ماكرة ما تاكل يا جاد يا حبيبي مركز معها كدا ليه مش هتطير هي
جاد اتنحنح بحرج و بدأ ياكل بهدوء . چنا اسئذنت و قامت طلعت اوضتهم
كان جاد سايب الموبيل بتاعه على إلانترية اخدته فتحته و دخلت على معرض الصور بدأت تتفرج على صوره مع ملاك
چنا بصت پحقد لضحكتها و بسرعة فتحت الوتس اب و بعتت الصور للوتس بتاعها و بسرعة حذفت الرسالة من عند جاد و سألت الموبيل مكانه
خرجت من الاوضة و نزلت قعدت معاهم
مصطفى بدهشة
أنت بتقول ايه يا جاد عايز تطلق چنا
دا انت كنت بتحبها
جاد سند على الكرسي وراه و حط رجل على رجل
الدرس لازم يكون قاسې علشان نتعلم منه يا مصطفى چنا هي اللي نهيت علاقتنا من زمان اوي يمكن من بعد جوازنا بفترة بسيطة
سليم بمقاطعة يعني مش ملاك السبب
جاد ابتسم بهدوء
ملاك سبب إني ادي نفسي فرصة جديدة و أبدا معها لوحدها اوعي تكون فاكر ان فكرة تكون جوز الاتنين دي حاجة حلوة بالعكس وحشة اوي اوي و مۏذية جدآ مۏذية لكل الأطراف في العلاقة
انا دلوقتي عايز أكون مع ملاك لوحدها عايز اعوض الايام اللي فاتتني و أنا بعيد عنها و عايز اعوضها عن الحاجات الۏحشة اللي قابلتها
بس مش هقدر اعمل كدا الا و انا معها لوحدها هي بس
مصطفى طب ما أنت كنت بتقول انك بتحب چنا و دلوقتي بتقول انك بتحب ملاك ايه اللي يخليك
متأكد ان دي مش مجرد قصه عابرة في حياتك و تحس بعد شوية بالملل و انا مش بتحب ملاك و ساعتها هتظلمها معاك.
جاد اخد نفس عميق و هو بيسند راسه لوراء
عارفين ايه السبب اللي خلاني أبطل ادي اي مشاعر لچنا
سليم و مصطفى ايه
جاد أني فعلا مكنتش بحبها زي ما هي عمرها ما حبتني.
أنا في بداية علاقتنا كنت معجب بيها منكرش بعد جوازنا في البداية كنت حاسس اني هبقي مبسوط لو بذلت شوية علشان علاقتنا تبقى سعيدة لكن هي كانت بتنسحب من اي التزام في العلاقة دي
وقت تعب ي وقت ما احس انه فاض بيا من الدنيا وقت ما ابقى عايز اعيط و متكسفش احس ان اللي ادامي مقدرة حزن ي و تعب ي
القى حد يفهم انه من أولوياتي و لازم اكون من أولوياته
مع چنا فقدت كل المعاني دي فقدت احساس اني ممكن ائتمنها على قلبي
اټصدمت مع الوقت فيها اه انا مش ملاك بجناحات و بغلط
لكن ربنا يعلم اني مغلطش الغلط اللي يخليها تتجاهل وجودي بالشكل دا و تنسى اني جوزها و ليا حقوق عليها حقوق بتتحس
يمكن انا معرفتش احتويها كويس و دا السبب اللي خلاها طمعانه في الفلوس و المكانة طول الوقت
لكن لما اعرف أنها مخبية عليا حاجة مهمة زي موضوع الرحم يبقى لازم اعرف اني اختارت غلط من البداية
كان ممكن أتفاهم دا جدا لو قالت لي قبل جوازنا او بعده على طول و افهم فعلا انها خبت عليا علشان خاېفه تخسرني لما اعرف لكن بعد تلات سنين
و لما اوجهها تيجي تقول بمنتهى البرود انها خاېفة تدمر علاقتنا
يبقى حرام اوي حرام أني احس بۏجع القلب دا
و لما قابلت ملاك قررت اظلمها و وجعتها ڠصب عني
و عاملتها بطريقة تخليها كارهه الناس كلها كارهه نفسها اتسببت في دموعها كتير
كنت
و رغم أنها مش عايزاه تخلف مني دلوقتي الا اني تفاهمت توترها جدا و معترضتش و بحاول اشجعها تركز في المعهد و تبني مستقبلها يمكن لأنها جيت و صارحتني فتحت قلبها ليا . اقولكم حاجة
أنا مع ملاك حسيت لأول مرة اني لقيت جاد دكتور جاد الشاب البسيط الطموح اللي عايز يعيش بس عايز يحب و يتحب مش مهم ايه اللي الناس هتقوله
و مش مهم كلامهم في الداري عننا و ان في فرق بينا عشر سنين
ملاك رغم أنها عندها عشرين سنه لكن قدرت تغير فيا حاجات كانت موجودة و انا مكنتش قادر اتأقلم معها
علشان كدا انا مش هقدر اكمل مع چنا
أنا ناويت اصفي شغلي مع ابوها و نخرج بالمعروف زي ما دخلنا بالمعروف لكن لسه الشرط موجود كارم ميعتبش الصعيد و اهو سافر برا مصر و خلصنا منه
سليم طب تفتكر چنا هتعدي الموضوع بسهولة كدا
جاد تعمل اللي هي عايزاه مبقتش فارقه معايا كتير
سليم طب ناوي تفتح الموضوع دا أمتي
جاد قريب جدا ان شاء الله
مصطفى بابتسامة
المهم انك تكون مبسوط يا جاد و مرتاح صدقني احنا عايزينك مرتاح مع البني ادمه اللي قلبك يروح لها
جاد ابتسم يحب و ربت على كتفه باهتمام
ملاك كانت في المعهد بعد وقت
كانت يتقلب في المذكرة بضيق و هي زهقانة عندها وقت فاضي لكن مش عارفه تعمل ايه لحد ما الوقت يعدي
بدأت تلاحظ نظرات اللي حواليها و ان البنات بيتهمسوا قريب منها و هم بيتكلموا باشمئزاز و استحقار
بصتلهم باستغراب لان المكان كان فاضي من شوية و فجأة في بنات كتير جيهم
حاولت تتجاهل نظراتهم و هي مش فاهمة في ايه
لحد ما بنت اتكلمت بصوت عالي و قرف
بقا هي دي خطافة الرجالة اللي اخدت العمدة من مراته صحيح الرجالة ميجيش من وراهم غير الخېانة و الكدب
لا و حضرة العمدة صارف عليها و مكلف .
صاحبتها بضحك
يا مأمنه للرجال صحيح هنقول ايه بقا ما مراته استحملت معه تلات سنين جيت واحدة زي دي شقطته منها و خليته يتجوزها
بنت تانية بضيق و ڠضب
سلوي نيرة احترموا نفسكم و بعدين انتم مين علشان تجيبوا في سيرة بنات الناس بالشكل دا
سلوي
بنات ناس! اقصدك تربية شوارع جيت أخدت راجل من مراته بعد تلات سنين جواز انتي مشوفتيش الصور و لا ايه يا ست ندى اه صحيح نسيت أنك من حقوق الإنسان بس ياترى ايه حكم الناس على واحدة تتجوز واحد و تاخده من مراته اللي استحملت معه
ملاك كانت بتبص لهم و فهمت قصدهم
سلوي و هي بتدي ندى موبايلها
جاد بيه و شوفي صورته مع مراته الاول صحيح اللي أصله واطي
سابتهم و مشيت
ندى بصت لملاك اللي بلعت ريقها بخۏفها و عيونها لمعت بالدموع و طلعت موبايلها تفهم فيه ايه
فتحت الفيس لكن وقفت مصډومة و هي بتقلب عليه و شايفه صورها مع جاد و هم في اسكندرية سوا و جنبها صوره له مع چنا
و البوستات المكتوبه كلها إهانة و تجريح في ملاك و أنها شخصية ژبالة خطافة رجالة حقېرة و ملهاش اصل
دموعها نزلت لمت حاجتها بسرعة و خرجت
ملاك وصلت البيت و هي مڼهارة بعد كلام البنات عليها في المعهد و الكلام المكتوب على كل الصفحات في تطبيق الفيس بوك تقريبا
معظم الصفحات ناشره صورها مع جاد مقارنة بصور جاد مع چنا و كلامهم البايخ عنها أنها خطفته من مراته و بيته.
كانت بټعيط و وشها احمر جدا
سما اول ما شافتها راحت عندها كانت عايزاه تتكلم معها بعد ما تأكدت من شكلها أنها شافت اللي حصل
و تعليقات الناس كانت قاسېة جدا عليها
طلعت على اوضتها و هي بټعيط و مقهورة لكن وقفت أدام الباب و هي شايفهم كلهم قاعدين في اوضتها.
دخلت و هي بتمسح دموعها و مش فاهمة في ايه
ملاك بصت للحج المحمدي والد جاد بتوتر و لفاطمة و چنا اللي بتبص لها بغل
اتكلمت بتوتر و خوف
هو في اي
المحمدي بصوت عالي و عصبية و هو بيرمي حبوب منع الحمل على الأرض پغضب
اي دا يا مرات ابني أنا اللي كنت فاكرك بتحبيه و قلت أخيرا هيعيش بهدوء مع واحدة تفهمه لكن چنا كان عندها حق لما قالت انك بتخدعيه علشان الفلوس و اهو الحقيقة بانت و انا بنفسي اللي شفتها
الحبوب دي بتاعتك
ملاك بصت في الأرض
ايوة بتاعتي و أنا كنت باخد منها بس دي حاجة بيني و بين جاد محدش له انه يتد
المحمدي بحدة و مقاطعه
أنتي بتقولي ايه جاد كان يعرف المسخرة دي و لا كنتي مستغفله
كلكم صنف كداب من اول الست چنا لحضرتك انا مش عارف جاد حظه منيل كدا ليه مع الحريم
چنا خاڤت و حست ان الموضوع هيتقلب عليها بعد ما هي اللي كانت ناوية تقلبها على ملاك و اخذتهم لاوضتها و وريتهم الحبوب لكن دلوقتي!
ملاك دموعها نزلت و هي مش عارفه تتحمل
الضغط اللي حاسه بيه صړخت بتعب
بس أنا مخدعتوش انا حبيته زي اي واحد ممكن تحب جوزها
و الباقي دا يخصني أنا و هو انا مخدعتش ابنك يا حج أنا حبيته اوي حبيته لكن الحب مش حاجة سهلة لازم ندفع تمن و انا كل يوم بدفع التمن دا و انا شايفه في عيون الناس و عيونكم اني خطفت شخص متجوز بس انا معملتش كدا
انا مكنتش اعرف انه متجوز مكنش في قصه حب رهيبة و اخدتها منها في الاخر لا انا اتقهرت بسببه و بسبب ناس كانوا قريبين مني لكن حضرتك
و الناس لايمكن تفهموا دا
عارفين ليه علشان احنا في مجتمع معاق في التفكير كل حاجة تلوموا البنت
مع اني مكنتش اعرف و جوازي منه مكنش برغبتي
بس حبيته للأسف حبيته و ظلمتي نفسي و ظلمته معايا علشان عمر الناس ما هتفكر اني مظلومة الناس هتفضل تلومني انا و بس
و آه باخد الحبوب دي و بمعرفة جاد و هو مقدر دا علشان عارف اني محتاجة أحقق نفسي الاول
محتاجة ادرس و افهم الدنيا اكتر
هتفرح لما يبقى عندك حفيد عنده أم مش عارفه تتحمل مسئوليته
من حقي استنى لما احس اني بفكر كويس و هعرف اشيل المسئولية
أنا انظلمت في حياتي كتير اوي اوي من يوم ما ابويا ماټ
علشان اخ غير مسئول جوزني ڠصب عني عمري ما هسمح لنفسي اكون ام غير مسئولة
أنا مش هتعمد على حد علشان يربي ليا ابني او بنتي
اه الحياة في البيت هنا مرفهه جدآ و ممكن حضرتك و جاد تجيبوا مية مربية
لكن أنا فين من دا كله الطفل دا من حقي انا سواء جيه دلوقتي او بعدين انا الوحيدة اللي هكون مسئولة عنه
حضرتك أنا اسفه بس أنت كل اللي شاغل تفكيرك يبقى عندك حفيد لابنك الكبير بس هل هتبقى فرحان لما الحفيد دا يجي و يبقى بايظ و متدلع
انا مقبلش اسفه يا حج بس انا مش هقدر
و مش هقدر اعيش في البيت دا بعد النهاردة و انا مع واحدة بتقاسمني في الشخص الوحيد اللي حبيته
و مش هقدر اعيش و انا شايفه الناس بتلوم عليا في حاجة ماليش ذنب فيها.
انا تعب ت و الله العظيم تعب ت
وقعت على الأرض و هي بټعيط پقهر و هستيرية
المحمدي بصلها بشفقة و حس بالذنب لانه اللي كان دايما مصر على موضوع جواز جاد تاني و ميعرفش اي حاجه عن ملاك
كل اللي عايزه يشوف حفيد لابنه.
بص لچنا و امها باستنفار و كأنه بيتوعد ليهم خرج من الاوضة بمنتهى الهدوء و وراه فاطمة اللي حاولت تلين قلبه ناحية ملاك و تفهمه انها مش چنا .
چنا خرجت هي و امها بخيبة امل كانوا متخيلين رده فعل من المحمدي اكبر من كدا و أنه هيخليها تطلع من البيت و خصوصا مع الاخبار اللي انتشرت و المشاكل اللي اتسببت فيها لجاد في شغله.
عند جاد
كان مصډوم و هو بيشوف الاخبار الموجوده و الناس تعليقاتها عليه انه إنساني اناني و واطي ساب مراته الاول و راح اتجوز واحدة اصغر منه بعشر سنين مكنش مهتم بتعليقات حد هو عارف انه مغلطش و لا ملاك ليها ذنب في حاجة
كل الحكاية انه حبها و هي حبيته متجوزين على سنة الله و رسوله
الناس ميعرفوش حاجة عن بشاعة چنا و شايفها الانسانة البريئة ضحېة جاد
جاد بحدة و ڠضب
مين اللي نشر صوري مع ملاك انا عايز اعرف مين السبب في الفوضى اللي بتحصل دي.
مصطفى و الله مش عارف يا شهاب بس اكيد حد عايز يوقعك و بالذات منصبك في المجلس حساس
جاد لا دا مالوش علاقة بشغلي دا مش اسلوبهم و بعدين الصور اللي بيني و بين ملاك خاصه و محدش شافها تقريبا الصور دي اتاخد من على موبيلي انا بس امتى و مين و كمان صوري انا و جنا قديمة اوي و انا متأكد ان دي مش الصحافه
سليم انا عندي شخص بيفهم في النت و الحاجات دي ممكن يعرف مين اول واحد نزل الاخبار دي.
جاد بحدة و مستني اي ياله بينا
موبيلي جاد رن اخده رد بسرعة بدون ما يشوف مين
سما
الحق يا جاد ملاك فقدت الوعي و حرارتها عالية اوي محدش هنا چنا و امها برا و الحج محمد
خرج هات دكتور بسرعة بالله عليك.
موبيل جاد رن اخده رد بسرعة بدون ما يشوف مين
سما
الحق يا جاد ملاك فقدت الوعي و حرارتها عالية اوي محدش هنا چنا و امها برا و الحج محمد خرج هات دكتور بسرعة بالله عليك.
جاد سمع كلامها و حس بالخۏف على ملاك خرج بسرعة من المكتب و وراه مصطفى و سليم اللي مش فاهمين حاجة
جاد بحدة
سليم عايزك تعرف لي مين اللي نشر الصور و الا خبار دي النهاردة يا سليم مترجعش البيت الا لما تكون عارف و كل الأخبار دي تتحذف
سليم حاضر حاضر بس في اي
جاد و هو بيخرج من المصنع و بيركب عربيته
ملاك شكلها عرفت سما بتقول انها فقدت الوعي
بعد مدة حوالي نص ساعة
جاد وصل البيت و معه دكتورة طلعوا بسرعة اوضتها كانت سما معها
الدكتورة بدأت تعمل اللازم لملاك و كتبت ليها على دواء و بعدها خرجت مع سما
جاد قعد جانبها و ابتسم بحب و هو بيمسك ايدها
بتخوف يني عليكي يا ملاك
ملاك بصتله بحزن و مقدرتش ترد عليه
جاد بجدية
ملاك أنتي ندمانة على جوازنا
ملاك اخدت نفس عميق و هي بتمسح دموعها
بالشكل دا و في الظروف دي اه ندمانه
ابقى كدابة لو قلت اني فرحانة
تصدق يا جاد انا أول مرة احس بالذنب ناحية چنا جايز فعلا هي مش وحشة و انا بس اللي شفتها وحشه علشان هي مراتك
رغم أنها كانت بتدافع عن جوزها اللي هو من حقها هي قبل ما انا اجي
أنا هفضل في حياتكم الزوجة التانية الانسانة اللي دخلت بيت اتنين و ډمرت جوازهم
جاد بصلها بهدوء و مسك ايدها بقوة
ملاك مين قال ان الدنيا دايما بتمشي على هوانا
و مين قال ان الجواز التاني دايما الانسانة دي بتكون بشعة او أنانية
أنا مش بقول للرجل انه يتجوز اكتر من واحدة
عارفة الموضوع بيتبني على أسس لازم لما اتنين يرتبطوا
يكون متفقين انهم مش شبه بعض
و ان كل واحد لازم بضحي بحاجة دا ضروري في الجواز لكن چنا عملت حاجات
انا عارف اني مش ملاك و غلطت لكن ايه الغلط اللي عملته يخليها تفضل تكابر طول التلات سنين
عارفة اي الغلط اللي عملته اني انبهرت بچنا اول ما شوفتها
و حتى من غير خطوبة لفترة مناسبة حوالي تلات شهور و كنا متجوزين
كنت فاكر اني عارفها و هقدر انا و
هي نغير الحاجات اللي مش عجبانا في بعض لكن صدقيني دا محصلش
الارتباط و فترة الخطوبة حاجة مهمة اوي
الافعال التلقائية للطرف اللي ادامنا مقياس ليه و لشخصيته
مينفعش نرتبط لمجرد الإعجاب لازم نحس اننا قادرين نشيل المسئولية دي و لما نتجوز نكون عارفين ان الحياة مش لعبة نتسلى شوية
انا لو كان عندي الاختيار كنت اتمنيت انك تكوني اول اختيار ليا و الاختيار الوحيد بس صدقيني دا قدر
ملاك بس انا مش قادرة استحمل نظراتهم و كلامهم عني حاسة اني بتخنق يا جاد
بعد مدة كانت نامت جاد غطها كويس و خرج من الاوضة لقي سما واقفه أدام الاوضة بارتباك
اتكلم معها و عرف اللي حصل من چنا و أنها خليتهم يدخلوا أوضة ملاك و فشتوا فيها لحد ما لقوا الحبوب اللي كنت بتاخد منها
و حكيت له عن اللي والده قاله
سما بضيق
بصراحة يا جاد چنا بقيت بتعمل مشاكل كتير اوي و الفترة اللي فاتت كانت بتضايق ملاك و هي مكنتش عايزاه تقولك علشان متضايقكش
و النهاردة الموضوع زاد عن حده
جاد حط ايده في جيبه و هو بيفكر
في التوقيت اللي حصل فيه كل حاجة
نفس الوقت اللي الصور و المنشورات نزلت عنهم
هو الوقت اللي خلي چنا تدخل أوضة ملاك و تطلع الحبوب ادام ابوه
و كأنها عايزاه والده يخلي ملاك تمشي و هي متدمرة من الموضوع بتاع صورهم و الكلام اللي نزل عنها
ساب سما بسرعة و باين عليه الڠضب دخل اوضته مع چنا اللي كانت قاعدة على السرير بصتله بارتباك و بلعت ريقها بتوتر و هو بيمسك ايدها بقوة شدها قومها
چنا پخوف و ارتباك
في ايه يا جاد
جاد پغضب و هو بيضغط على ايدها بقوة
فين موبيلك
چنا پخوف ليه
جاد بصوت عالي و حدة
فين الزفت
هناء في ايه يا جاد
بقولك فين الزفت
چنا طلعت موبايلها بتوتر جاد سابها و بدا يقلب في الموبيل دخل على الصور الخاصة
الباسورد اي
هناء بارتباك في ايه يا جاد هي هبت منك و لا اي
جاد بصلها بطرف عنيه باشمئزاز و مردش عليها
افتحي المعرض
چنا بلعت ريقها بتوتر و اخدت منه الموبيل فتحته
جاد اخده منها و بدا يقلب في الموبيل لكن ملامحه قست أكتر و هو شايف صوره مع ملاك على تليفونها لف الموبيل ليها پغضب
اي دا انطقي اي دا
چنا جاد هفهمك
جاد رمي الموبيل بقرف و استحقار ضربها بالقلم بقوة لدرجة انها صړخت و وقعت على السرير هناء شهقت پصدمه و قعدت جانبها
جاد بعصبية و حدة
تفهميني ايه يا شيخة دا انتي معندكيش ډم رغم كل اللي عملتيه فيا و لسه بتقولي تفهميني قصدك تخدعيني من تاني يا چنا
انتي ابتلاء و انا غلطت لما اديتك كل حاجة كنت بتتمنيه الشهرة و الفلوس و كل دا لكن مكنتش متوقع اني باللي بعمله دا بقوى قلبك عليا و بقسيه
انتي طالق يا چنا طالق بالتلاتة و الشغل اللي بيني و بين ابوكي اعتبره فركش و حياة أمي لاندمكم على كل لحظة اذيتوا فيها أي حد من العيلة
صحيح يا چنا يوم ما كارم كان ناوي يخطف ملاك كنتي متفقة معه بقيت اتوقع منك اي حاجة حقوقك هبعتهالك مع ورقة طلقك
چنا بهسترية و هي بتصرخ في وشه
أنت فاكر اني هسيبها يا جاد و الله لخليك ټندم و تبكي عليها
جاد كان بيحاول يسيطر على غضبه لكن مقدرش و ضربها بقوة خلها تقعد و ټعيط بهسترية
قسما بالله لو چنا او كارم حاولوا بس ياذوا ملاك او حد يخصني و الله لامحيه من على وش الدنيا ادامكم ساعة واحدة تكونوا لميتوا حاجتكم من هنا و تغوروا برا البيت
بعد شهرين تقريبا من طلاق چنا
ملاك كانت بتتعامل معاهم بهدوء رغم انه باين عليها الارتباك و مش عارفة تتعامل معاهم زي الاول و بالذات الحج محمد.
جاد كان بيحاول يطمنها أن والده مش وحش زي ما هي معتقده هو بس
صارم شوية في تعامله مع اللي حواليه.
رجعت المعهد لكن المرة دي و هي مش خاېفه من كلامهم و عارفة ان محدش فيهم له حاجة عندها و اللي كان بيحاول يرزل عليها كانت بتقف له
اتعرفت على ندى اللي كانت بتدافع عنها و بقوا أصحاب مقربين
كانت بتذاكر في اوضتها
سما كانت عند الدكتور لأنها مؤخر تعب ت و شكت انها حامل مصطفى اخدها و راحو للدكتور
سليم و جاد كأننا في المصنع و الحجة فاطمة كانت عند اخوها رائد
سمعت صوت عالي برا اوضتها لفت انتباهها اكتر من مرة و كان حد بيكح بصوت عالي
قفلت الكتاب و قامت بسرعة خرجت سمعت الصوت جاي من ناحية أوضة الحج محمد
اتوترت شوية لكن راحت ناحية اوضته خبطت على الباب محدش رد
لكن سمعت صوت حاجة بتنكسر فتحت الباب و دخلت لكن وقفت مصډومة و هي شايفه واقع على الأرض و الفاز مکسورة
جريت عليه و هي مش فاهمة في ايه قعدت جانبه لقيته مش بيتنفس
اتوترت للحظات پخوف و هي مش عارفة تعمل ايه لكن بدأت تهدأ و تفتكر اللي اخدتها في المعهد و ازاي تتصرف لو المړيض قاطع النفس و في حالة السكتة القلبية
مرت دقايق و هي بتعمله اسعافات أولية لحد ما فجأه رجع له النبض
قامت بسرعة اخدت الموبيل و كلمت الإسعاف و بعدها كلمت جاد
بعد حوالي تلات ساعات في المستشفى
جاد كان واقف مع مصطفى و سليم و هم مرعوبين على ابوهم
ملاك كانت قاعدة مع الحاجة فاطمة اللي بټعيط و بتلوم نفسها انها خرجت و سابته
ملاك خلاص بقا يا ماما كفاية دموع إن شاء الله هيكون بخير صدقيني
فاطمة يارب يارب
بعد دقايق
خرج الدكتور كلهم راحو ناحيته پخوف
الدكتور بهدوء
الحمد لله لحقناه كويس انكم جبتوه للمستشفى بسرعة لولا الاسعافات الاولية كان ممكن نفقده بس الحمد لله هو دلوقتي كويس
هو مين اللي عمل له الاسعافات
ملاك بارتباك انا يا دكتور
الدكتور برافو واضح انك متدربة كويس احنا هننقله أوضة عادية بس الفترة الجاية بلاش تخلوه يشتغل او يبذل مجهود و بلاش اي ضغط عصبي انت فاهم خطۏرة اللي هيحصل يا دكتور جاد
جاد بجدية
فاهم
الدكتور بابتسامة بعد اذنكم
جاد بص لملاك بامتنان و مسك ايدها بقوة
بعد مدة
فاطمة و جاد خرجوا من أوضة الحج محمد بصوا لملاك اللي اتوترت
فاطمة بحنان
ملاك محمد عايز يتكلم معاكي هو طلب يشوفك
ملاك انا بس
جاد مټخافيش يا ملاك انا معاكي
ملاك اخدت نفس عميق و راحت ناحية باب الاوضة فتحته و دخلت
كان الحج محمد نايم على السرير و متوصل بجهاز تنفس بصلها بحزن ملاك قربت و قعدت على الكرسي ادامه
حمد الله على السلامة يا حج
الحج
محمد شال جهاز التنفس و بصلها بهدوء
عرفت انك انتي اللي ساعدتيني لما فقدت الوعي
ملاك
أنا بس حاولت و الحمد لله حضرتك معانا دلوقتي
الحج محمد بلع ريقه بصعوبة
ليه عملتي كدا يا ملاك مع اني من يوم ما ډخلتي البيت متكلمتش معاكي كلمة كويسة و لا عمري طيبت خاطرك.
ملاك
أنا عملت اللي كان اي حد هيعمله و بالنسبة للي فات فهو ماضي و انا متعودة مقلبش في الماضي و حضرتك كنت بتتعامل مع طبيعي على الوضع اللي انا كنت فيه
يعني انا كنت مجرد بنت دخيله في حياتكم
بنت المفروض تكون أم احفادك مش اكتر و أنت عارف ان جاد مكنش بيحبني فكان طبيعي معاملتك معايا بالشكل دا
و بالنسبة لعصبيتك يوم ما عرفت اني باخد حبوب لمنع الحمل
فأنا كنت مقدره دا و مزعلتش و الله دا حقك أنك تكون عايز تبقى جد بس صدقني انا كان عندي أسبابي
الحج محمد
حقك عليا يا ملاك جاد فهمني كل حاجة و فهمني انه كان عارف و أنا من وقت اللي حصل و انا بئنب نفسي على عملته بس مش عايزك تزعلي مني يا بنتي و تفهمي موقفي
ملاك ابتسمت بود
نو انا فاهمة و صدقني دي حاجة بتاع ربنا وقت ما يأذن محدش هيقدر يعترض و الحمد لله ان حضرتك كويس
الحج محمد يعني صفي يا لبن
ملاك بود خلاص يا حج خلينا نبدأ صفحة جديدة
عدت الايام
الحج محمد رجع البيت ملاك بدأت امتحانتها سما كانت فرحانة جدا لما عرفت انها حامل تاني و مصطفى كان بيعاملها و كأنهم لسه متجوزين و خوف ه عليها متغيرش فاطمة الام لملاك و سما
جاد مشغول في شغله في المجلس و بيقضي فيه معظم وقته و بيسافر مصر كتير
في آخر يوم امتحانات
ملاك خلصت الامتحان و خرجت و هي مرتاحة و حاسه انها عملت اللي عليها ودعت ندى و كانت ماشيه لكن لقيت سما واقفه برا أدام المعهد خاڤت و استغربت ان ممكن يكون حصل حاجة
قربت منها بسرعة
سما في حاجة
سما بابتسامة
لا ابدا انا بس جيت اقابلك نخرج بما انك خلصتي كدا
ملاك هزت راسها بيأس
خوف تيني يا سما حرام عليكي
ماشي يا ستي انا خلصت هنعمل ايه بقا
سما بمرح
هتخرج نتغدا سوا و بعدها نروح اتيليه جامد نشتري شوية حاجات
ملاك بدهشة
يا بنتي هو انتي مش بتزهقي من كتر الحاجات اللي بتشتريها دا انا زهقت و الدولاب بقا فيه كل حاجة تقريبا
سما بخبث
لا المرة دي الموضوع مختلف تعالي بس و مش هتندمي
ملاك خرجت معها راحوا لمطعم اتغدا و بعدها اخدتها اتيليه
ملاك دخلت معها باستغراب لان معظم لفساتين الفرح و السوارية
ملاك
سما هو انتي هتشتري ايه هنا معليش
سما
فستان سوارية اصل في فرح قريب لواحدة قريبتي بس ايه قمر ياله ادخلي شوفي انتي اللي هيعجبك و انا هروح اشوف السوارية
ملاك فضلت تتفرج على فساتين الفرح و باين عليها الإعجاب و الحزن
فضلت تلف في المكان لحد ما لقت اللي واقف ادامها
ابتسمت بدهشة
جاد انت بتعمل اي هنا
جاد بخبث
جيت اتفرج معاكي على فستان الفرح و لا انتي بقا عايزاه تختاريه لوحدك
ملاك بنظرة غريبة يعني اي
يعني مش معقول العروسة اختار فستان الفرح من غير العريس ما يكون موجود و بعدين لازم اتأكد أن الفستان حلو
ملاك بصتله و عيونها لمعت بالدموع
وتقصد اي بقا بعريس و عروسة دي
جاد بابتسامة
يعني أنا و حضرتك يا مدام ملاك اصل انا نسيت اقولك انا رتبت لفرحنا كمان اسبوع يا دوب تكون كل البلد عرفت و جهزنا كل حاجة في البيت و انتي تعزميني صحابك و تجهزي نفسك علشان بعد الفرح هاخدك و نطير برا مصر اسبوعين كدا بما اني كنت مشغول الفترة اللي
ها بقا احتارت انهو فستان
ملاك بسعادة
دا حلو اوي و دا كمان و دا جاد انت بتتكلم جد يعني فرح و فستان ابيض و الناس تيجي تبارك
جاد اكيد يا ملاك انتي تستاهلي كل حاجة حلوه في الدنيا
ملاك ابتسمت بحب و بدوا يختاروا سوا فستان الفرح و هي كانت حاسة ان في مفاجأت رائعة بتحصل بدون حتى
ما ناخد بالنا
عدي اسبوع و جيه يوم الفرح و الكل كان فرحان ليهم رغم ان في ناس حضرت الفرح و هم متضايقين من ملاك لكن هي مكنتش مهتمة بكل دا و قررت تكوني أنانية و لو لمرة في حياتها و تفرح و متخليش كلام الناس يزعلها
لأن كل حاجة حصلت بينهم كانت قدر و نصيبهم حتى لو الناس هيشوفوها وحشه
سفروا باريس لمدة شهر و عاشوا أجمل أيام بينهم هتفضل ذكرى جميلة لعمرهم
انفصلوا عن باقي العالم و عن كلام الناس علشان يقدروا يكملوا سوا
بعد ست شهور
جاد دخل البيت لقاهم بيتعشوا لكن ملاك مش موجوده كلهم بصوا لجاد و هم مبتسمين و باين عليهم المكر
جاد مساء الخير
الكل بصوت واحد
مساد النور يا غالي
جاد بصلهم بشك و هو بيحاول يفهم في اي
اومال فين ملاك
سما بسعادة فوق اطلع لها و انا هبعتلكم العشا فوق
جاد مالك يا سما انتي سخنه
سما لا يا خويا انا كويسة جدا الحمد لله ياله بس اطلع لها
جاد طلع فعلا بس علشان يهرب من نظراتهم و ضحكتهم الغريبة
فتح الباب دخل وقفل وراه
اتجننوا دول و لا ايه
توتو
محدش اټجنن و لا حاجة بس هم خايفين عليك أنت يجرالك حاجة لما تعرف
جاد اعرف ايه انتم مخبين عليا حاجة صح
ملاك هزت رأسها بسعادة و مالت عليها بهمس
أولا انا بحبك دا اولا يعني ثانيا بقا أنا حامل
جاد فضل واقف و مداش اي ردة فعل
ملاك جاد !
جاد بدهشة ملاك انتي بتتكلمي جد
طب و الله العظيم بحبك يا ملاك
ملاك ابتسمت بحب و غمضت عنيها بسعادة
مرت الايام و ملاك خلفت عز و زمرد
عاشوا كلهم أخيرا كعائلة هادية بيحبوا بعض
تمت
