كاملة وممتعه
فاتورة الندالة
المحتويات
المرة دي جسمي كله متكسر وروحي هي اللي كانت بتنزف فعلاً.
بصيت حواليا ملقيتوش موجود.. قمت وأنا بتحامل على نفسي وبحاول أقف، رحت الصالة لقيته قاعد بكل برود بياكل وفاتح التليفزيون، بصيتله بغضب كبير وكره حقيقي. رد بمنتهى البرود كل ده نوم؟ يلا قدامك ساعتين وتنزلي شغلك.. خلصي عشان متتأخريش. كان خلاص فاض بيا ومكنتش قادرة أستحمل، قلت بتعب وغضب هو إنت إيه بالظبط؟ بجد مش بتحس ولا بني آدم أصلاً؟ قام وقف وقرب مني وأنا بترعش من الرعب،
خايفة لأن جسمي مش مستحمل ضرب تاني.. قرب مني وطبطب على وشي وقال بهدوء وابتسامة بقت مقرفة بالنسبالي هعتبرك مقلتيش حاجة يا فاتن، وهتنزلي الشغل عشان إنتي مش حمل العلقة اللي خديتيها إمبارح.. ويلا يا حبيبتي اسمعي الكلام. بصيتله بذهول وقلت وأنا بعيط مش هسمع الكلام ومش هروح الشغل ولا هعيش مع واحد زيك ساعة كمان.. أنا هلم هدومي وأروح بيت أهلي وورقة طلاقي منك توصلي. كنت لسه همشي لقيت قعد بأريحية وقال
طلاق مش هطلق يا فاتن.. عايزة تروحي لأهلك روحي، بس هتبقي زي البيت الوقف.. ده طبعاً غير السمعة اللي هطلعها عليكي وإنتي سايبة البيت بعد الجواز ب 8 شهور بس!
بصيتله وأنا
بصلي بجفاء وقال إنتي اللي مش بتسمعي الكلام وحابة تشوفي الوش التاني.. فعادي يعني، ده موجود وده موجود وعلى حسب اللي تحبيه. لساني عجز عن الكلام من بشاعة اللي بسمعه، قلت بمحاولة أخيرة بس ده مش إنت، ولا دي أخلاقك اللي شوفتها قبل الجواز! رد بزعيق
بقولك إيه متوجعيش دماغي.. اللي عندي قلته واللي عندك اعمليه، أنا مبحبش الرغي الكتير.
دخلت الأوضة وأنا بعيط.. أعمل إيه؟ ألم هدومي وأروح لأهلي وهو يسوء سمعتي؟
ولا أفضل في الجحيم ده خصوصاً بعد ما شفت جبروته وإنه ممكن يعمل أي حاجة؟ بعد تفكير طويل، قررت ألم هدومي في شنطة السفر، وقلت هحكي لأهلي كل حاجة، والي يحصل يحصل.. مهما كان رد فعلهم مش هيبقى ببشاعة العيشة معاه. شافني وأنا نازلة بالشنطة، وقف على الباب مربع إيديه وبيبتسم باستفزاز
براحتك.. بس مترجعيش تعيطي يا قطة. مردتش عليه ونزلت فعلاً ورحت بيت أهلي في شبرا. أول ما ماما فتحت وشافت منظري وأثر الضرب على وشي، بدأت تلطم وتنادي بابا.. وطلعت
ما قلنا من الأول مش مرتاحين.. عاجبك كدة؟ اللي حاربتينا وحاربتي الدنيا عشانه أهو هو اللي بيحاربك دلوقتي! كنت عارفة إني هسمع الكلام ده، بس وجعني أوي.. فعلاً، أصعب حاجة إن الشخص اللي كنتِ ساندة ضهرك بيه هو اللي يكسره.
اليوم خلص بعد كلام كتير ووعيد من بابا إنه هيجيب عمامي بكرة ويروحوا لمدحت.. دخلت أنام وأنا نفسي بس دماغي تصفى. تاني يوم الصبح صحيت مخضوضة على صوت ماما وهي بتصرخ، وأختي داخلة بتصحيني برعب فاتن قومي.. مدحت نشر صور مشاكلكم على الفيسبوك!
قمت وأنا مش مجمعة إنتي بتقولي إيه؟ فتحت موبايلها ووريتني صور فعلاً، بس نازلة من أكونت فيك.. بصيت والدموع في عيني إيه ده؟ ومين قالكم إن مدحت هو اللي نشرهم؟ ردت أختي بعصبية ما إنتي اللي قايلة إنه هددك انه يظهرك زوجه بتاعه مشاكل !
قعدت مكاني وحطيت وشي بين إيديا وأنا منهارة أعمل إيه دلوقتي! أختي قعدت تهدي فيا وقالت إن بابا راح لعمامي و يروحوله دلوقتي. فضلت بتوتر لحد ما دخلت ماما وهي منهارة وبصتلي بغضب..
رحت جنبها وأنا
بعد شوية جه بابا ومعاه عمامي، وشهم في الأرض من الحزن والخيبة.. ماما سألتهم عملتوا إيه؟ بابا رد بإحباط ملقيناهوش في الشقة أصلاً.. وصاحب البيت قال إنه عزل وخد كل حاجته وهرب. الكلام نزل على دماغي زي الصاعقة.. عمي قال بغضب يعني فص ملح وداب.. هرب عشان يكمل قذارته من غير ما حد يوصله.
بعد ساعتين عمامي مشيوا وبابا نزل معاهم.. قمت لبست ونزلت وقلت لماما إني رايحة لواحد زميلي في الشغل كان لمحلي قبل كدة إنه ممكن يساعدني في أي موقف صعب.. كنت ناوية أدوس على أي حاجة عشان أجيب حق كرامتي اللي اتهانت.
بعد شوية وقت وصلت الشغل اللي كنت فيه، دخلت وأنا قاصدة أروح ل زين زميلي في الشغل اللي وقف معايا قبل كدة. أول ما شاف وشي المتبهدل من أثار الضرب وملامحي التعبانة، قام وقف بصدمة
إيه ده يا فاتن؟ مالك؟ إيه اللي حصلك؟ كان صعبان عليا نفسي أوي، قلت بكسرة قبل ما أعيط تاني
متابعة القراءة
