كاملة
اختبار الحمل كامله
شفتها قبل كده
بصيت لها ببطء
يعني إيه؟
قالت وهي عينيها مليانة رعب
من حوالي أسبوعين صحيت بالليل لقيت حد واقف عند باب الأوضة نفس الشعر نفس الوقفة افتكرت إني بحلم غطيت وشي وكملت نوم
قعدت جنبي ومسكَت راسي بإيديها
إحنا مش لوحدنا في البيت
فضلنا اليوم ده كله قاعدين ساكتين لا عارفين نهرب ولا عارفين نفضل
بس اللي حصل بعد كده كان النهاية
تاني يوم قررنا نسيب البيت أيًا كان التمن
كنا بنلم هدومنا بسرعة
وأنا داخل آخد الشنطة من أوضة النوم
سمعت صوت جاي من الحمام
صوت أنفاس تقيلة
وقفت مكاني قلبي هيقف
بصيت ناحية الباب كان مفتوح نص فتحة
وقبل ما أقرب
سمعت صوت ست نفس الصوت اللي سمعته في الفيديو بس المرة دي واضح
قالت
سيبها هي ليا
رجعت لورا بسرعة وجرّيت على ندى
امشي! حالًا!
مسكتها ونزلنا على السلم
وأنا بفتح باب الشقة
سمعنا صوت حاجة بتجري وراينا جوه البيت بسرعة غير آدمية
خرجنا وقفلت
نزلنا الشارع وقفنا في نص الطريق
نبص لبعض
أحياء بس مش فاهمين إحنا نجينا من إيه
عدّت أيام واستقرينا في شقة تانية
كل حاجة بدأت تهدى
ندى بطلت تعيط وأنا حاولت أنسى
لحد ما
في يوم كنت برمي الزبالة
لقيت كيس صغير واقع على الأرض
كيس أسود
مفتوح نص فتحة
ومن جواه حاجة باينة
إيدي اترعشت بس فتحته
وكان جواه
اختبار حمل
بخطين وردي
رفعت عيني ببطء
لقيت ندى واقفة في البلكونة
بتبصلي
وبتحط إيدها على بطنها
وبتبتسم ابتسامة مش بتاعتها
فضلت واقف مكاني الكيس في إيدي وقلبي بيدق بطريقة غريبة مش خوف بس
إحساس تقيل كأن في حاجة بتضغط على صدري من جوه
بصيت لندى تاني
كانت لسه واقفة نفس الابتسامة بس المرة دي عينيها كانت ثابتة عليّ بشكل مرعب من غير رمش من غير أي تعبير إنساني
قولت بصوت مبحوح ندى؟
ما ردتش
بس إيدها اتحركت على بطنها ببطء وكأنها بتحس بحاجة جواها
خطوة وخطوة
إنتي كويسة؟!
قربت منها
وهنا حصلت الحاجة اللي عمري ما هنساها طول حياتي
ندى بصتلي وابتسامتها وسعت بشكل مش طبيعي لدرجة إن شفايفها اتمدت زيادة عن المفروض
وقالت بصوتين صوتها وصوت تاني معاه أعمق أخشن
اتأخرت
رجعت لورا غصب عني
اتأخرت على إيه؟!
ضحكت ضحكة خفيفة بس وراها صدى تقيل
وقالت هي دخلت البيت بدري
بس الجسم كان لسه فاضي
جسمي كله سقع
إيه اللي بتقوليه ده؟!
قربت خطوة وبطنها اتحركت
مش حركة طبيعية
كأن في حاجة بتزق من جوه بشكل واضح
اتجمدت في مكاني
أنا شيلت الرحم قولتها وأنا بتهته
ابتسمت وقالت إحنا رجّعناه
صرخت إحنا مين؟؟!
فجأة النور قطع
البيت غرق في ضلمة كاملة
وسمعت الصوت تاني نفس الصوت اللي في الحمام بس المرة دي حواليا من كل اتجاه
إحنا اللي بنلاقي الأماكن الفاضية البيوت والأجسام
حاولت أجري بس رجلي ما كانتش شايلاني
وبنزرع
نور
الكاميرا اشتغلت
وشوفت في الشاشة
مش ندى بس
وراها
نفس الست
الشعر الطويل نازل على وشها
بس المرة دي وشها كان ظاهر
وماكانش
وش إنسان
عيون سودا بالكامل
وفمها مفتوح بشكل مش طبيعي
وبتبصلي
ندى قربت مني خالص لدرجة إني حسيت بنفسها
وهمست هو عايزك تشوف
وفجأة
إيدها مسكت إيدي وحطتها على بطنها
حاولت أسحب بس كانت ماسكة بقوة غريبة
وحسيت
بحاجة بتتحرك جوا
مش نبض
مش طفل
حاجة بتزحف
بتخبط
كأنها عايزة تطلع
صرخت بأعلى صوتي
ودفعتها بعيد
وقعت على الأرض بس ضحكت
ضحكت بشكل هستيري
وقالت خلاص بقيت عارف ومش هينفع تمشي دلوقتي
النور رجع فجأة
وبصيت حواليّا
الشقة مش شقتنا
الجدران قديمة مكسورة
ريحة عفن
وباب الشقة مش موجود
مجرد ممر طويل مظلم
بصيت لندى
كانت واقفة بس مش لوحدها
وراها نفس الكيان
وحاطط إيده على كتفها
وقال بصوت واضح
دلوقتي الدور عليك
ومن ساعتها
محدش
بس في العمارة دي
كل فترة
حد جديد بينقل
وبعدها بكام يوم
الناس بتلاقي
في زبالة الحمام
اختبار حمل
بخطين وردي
تمت
