سجينة الماضي بقلم هبة كاملة
المحتويات
السما على الأرض محدش هيجبرك تتزوجى ڠصب عنك
خيرية _ انتى بقى المتكلم الرسمى باسمها
حورية _ حد يجيب غيار لصدفة فين الحمام
هيام بدموع على ايدك الشمال والكل واقف مبلم حورية اخدتها ودخلتها الحمام شطفتها وغيرت هدومها وطلعت حد يجيب المرهم ده بسرعة
خيرية _ خلاص هناخد هيام لفاروق وشهد لبدرى
شادية _ كفاية كده انا مش عوزة ازوج بنات خليهم جنبى
منصور _ انا جيت يا أبلة
حورية _ هو فى صيدليه فى البلد هنا
منصور _ أيوة قربية من هنا
الحاج محمد_ خد هات المرهم ده
حورية_ والمضاد الحيوى ده كمان
خيرية _ انا مأشية يا أبويه وبالليل هاجيب فاروق علشان يحدد مين فيهم اللى هتكون مرأته
حورية _ ليه هو هيشترى معزة من السوق دى بنى ادمه ياحاجة
هيام _ ابعدى عنى بالله عليكى
حورية _ تعالى يا هبلة عوزة تموتى كافرة ليه ارفضى وقلبك جامد ابو ام الجهل اللى انتم فيه
الحاج محمد _ دى عوايد اتعودنا عليها اتربينا على كده من قديم الازل
حورية _ بمناسبة العوايد خلى حفيدك يطلقنى الا اقسم بالله ارفع عليه قضية خلع والناس هتشاور عليه وتقول المخلوع اهو
خيرية _ ما انتى بنت البندر ناقصك رباية لو مش هتقدرو تعلموها الادب اخلى قناوى زوجى يعلمها الادب
حورية _ ماشى ياحاجة هاتى
الحاج قناوى يعلمنى الادب ولا اجى معاكى لعنده كان علمك الأصول ومن بديهات الاصول ان الزواج مش بالعافيه الزواج يكون بالرضا والقبول يا حاجه وانت كمان يا حاج محمد حرام عليكم هم مش غنم تاخذ الواحده تحطها في الزريبه وخلاص ده بني ادمه عالم الجهل معشش في مخها وخرجت وفي ايدها صدفه
الكل ضحك
شادية _ ابعدى عن بناتى ياخيرية علشان نفضل نحترم بعض
خيرية _ ورث بنتك يغطى على الاحترام ابنى اولى بيها مش احسن ما حد غريب يتزوجها ويلهف الورث
حورية _ تعالى ادهنلك جسمك بالمرهم
صدفة خرجت معاها ساكته
خيرية _ انت ازاى تعطيها شقة زى رجاله البيت دى تتحبس لحد ما تطيع الأوامر دى بنت ناشز
حورية وهى على الباب خارجة_ والله لو عليه مكنت عوزة اعرف حد فيكم ولا اعيش هنا بس نصيبى كده يا حاجة خيرية اللى بيقول أنه جدى و عاوز يلم لحمه و خاېف عليه مسألش إذا كنت اكلت ولا لاااااا من اول امبارح ولاحتى هان عليه يطلع عشرة جنيه و يقولى خدى لو عاوزة تجيبى حاجة و النبى سبينى فى حالى وابعدى عنى لانى مش بقدر امسك لسانى لو اتعصبت ساعتها ممكن اقولك كلام يزعلك
منصور _ العلاج يا ابله
حورية _ هات عباية خفيفه لصدفة وتعالى ورايا
طلعت مسك منصور وقعد يضرب فيه بالرجول_ يا ابن ال....معملتش اللى امك قالت عليه ليه انا هاطردك للشارع
منصور _ اسف يابابا
طلعت _ انا مش ابوك
عزة _ ده ميدخلش عليه و كتبه اهة و مزقتها و رمتها و كمان هدومه اهة و رمتها و داست عليها بالشبشب
منصور _ فى عرضك يا ماما انا اسف هاسمع كلامك
طلعت _ مش عاوز اشوف وشك تانى غور فى داهية روح اقعد عند اخوالك بعيد عنى أو فى اى داهية
حورية _ تعالى يابنى اقعد معايا ايه الافتراه ده
عزة _ يا داهية خدى الداهية بالشفا على قلبك ويهنيكى بيه
منصور بيلم كتبه المقطعة وهدومه
حورية _ سيب كل حاجة ومسكته من أيده ومشت دخلت شقتها وقفلت الباب يخريبيت دى عيلة دى ناس غم
صدفة _ جسمى بدأ يحمر
حورية _ انتى بنت مجنونه كنتى هتولعى وتموتى كافرة ليه ارفضى وخلصت
صدفة _ عمتى خيرية عاملة زى الوسوسة واللى فى دماغها لازم تنفذه بالسياسة أو بالقوى ثم ما الحال من بعضه
حورية _ صح كلامك بس ورحمه أبويه لو ما طلقنى لاخلعه
صدفة _ انا جسمى بيوجعنى اوى وبكت كتير
حورية _ تعالى ادهنلك جسمك هتبقى كويسة بقولك عوزة اجيب كام غيار على شنطة هدومى اللى فوق ويمشى الحال
صدفة _ هابعت اجيب ام فيصل بتاعة الملابس عندها حاجات جميلة
حورية _ وعندها لبس اطفال كمان
صدفة أيوة وعندها كذا ماكنه وقماش لو حد عاوز يلبس تفصيل
حورية _ كده فل بتعطى قسط ولا فورى
صدفة _ على حسب رغبتك وفرق بسيط بين السعرين
حورية _ ناكل الاول وبعدين أبعدت منصور يجيبها
صدفة _ معايا رقمها هاكلمها تاجى بس فونى نسيته هناك
منصور _ هاروح اجيبه وجاى بسرعة
بعد الاكل جت ام فصيل وحورية اشترت هدوم واطقم سرير وفوط ولبس لمنصور كمان وكتير
فى المساء حورية كلمت جودى اللى عرفتها أنها قبضت المعاش وبعتتهلها على فودافون كاش و كمان قالت إنها جابت الملف بالتحويل واخلاء الطرف وبعتتهلوك بجواب مسجل بعلم الوصول
حورية _ اكيد هاستلمه بكرة ربنا ييسر امرك ويفرح قلبك ويهنيكى حبيبتي
جودى _ فى واحد جه سأل عليكى انتى وعمى عباس
حورية _ متعرفيش مين
جودى _ بيقولى أنه ابن خالك صابر على ما اعتقد
حورية _ خالى صابر ماټ من زمان اكيد ده فارس ايه فكره بيه
جودى _ معرفش هو عطى رقم فونه لماما وسأل على رقمك مرضتش اعطهوله و اخد فون ماما علشان يطمئن عليكى وبيقول هو عاوزاك فى حاجة مهمة
حورية _ لو كلم طنط سنية خليها تعطيه رقمى و انتى ارسلى رقمه واتساب
جودى _ حاضر انتى اخبارك ايه
حورية _ حكت ليها اخبارها وقفلت معاها
صدفة _ هاروح انام فى فرشتى والصبح اجاى أفطر معاكى
منصور _ هانام على الأرض يا ابله
حورية _ لا نام معايا على السرير لحد بكرة اجيبلك كنبة استديو بالليل تفردها تنام عليها
منصور _ بكى كتير انا من يوم ما امى ماټت و انا بنام فى الصالة على الأرض رغم أن الصاله فيها اربع كنبات بس ممنوع انام أو اقعد عليها
حورية _ خلاص يابنى انسى عاوزاك تنجح و تكون حاجة و انا ربنا يقدرنى و اقدر افضل واقفه جنبك
منصور _ انا هاشتغل فى الإجازة علشان مصاريف المدرسة و الدروس
حورية _لا مفيش غير المذاكرة وبس يلا ننام
صدفة _ روحت البيت
شادية _ هى عندها اكل ايه
صدفة _ فراخ وبانيه
خديجة _ انتى بتهرجى وليكى نفس
صدفة _ أيوة انا فرحانة انى مش مۏت ولسه عايشه وكمان ربنا انقذنى من الزواج من عقله الاصبع ابن
عمتك الحرباية
هيام _ انتى تخلعى وانا ادبس يارب تموتى انتى وعمتك
صدفة _ البت حورية دى دماغ هى اللى هتفركش العيلة بأمر الله
شادية _ وانتى فرحانة بكده دى بنت وش فقر
صدفة _ لية يا شادية بذمتك كان عجابك اتزوج عقله الاصبع د طوله 58 سم و وزنه 67 كيلو و ساقط اعداديه
هيام _ يخربيتك انتى شوفتى وزنه فين و لا مقاسه
صدفة _ خليت منصور يوزنه و يقيس طوله
خديجة _ ومنصور لسه عندها
صدفة _ أيوة وجابت له هدوم جديدة وهتجيب له كتب خارجية كمان
خديجة _ والله البنت دى شكلها كويسه ومش پتخاف من كلمه الحق شوفتى خلت عمتك ھتموت من الغيظ و بالادب
صباح جديد بعد الساعة العاشرة وصل ساعى البريد ومعاه الطرد الذى يحتوى على ملف الشغل وجواب بقبول انتقال حورية من المستشفى الى الوحده الصحيه واخلاء الطرف
حورية _ تشكر يا استاذ
واخدت الملف ودخلت وقفلت الباب خلفها...تانى يوم راحت مع منصور وهو رايح المدرسه إلى الوحده الصحيه اللى
حورية _ تعالى نشوف كنبتين مستعملين
منصور _ تعالى فى محل انا اشتغلت مع صاحبه شويه تعالى السلام عليكم يا عمى راضى
الحاج راضى _ وعليكم السلام مين منصور عامل ايه وفينك من يوم الست وش الفقر ما اخدتك وانت مختفى
منصور _ دى اختى وعورين الكنبتين دول
الحاج راضى _ بص على حورية لا دول ضعاف تعالى خد كنبتين استوديو و واحدة عربى خامه حلوة وسعرهم على ادكم
منصور بص لحورية _ايه رايك
حورية _ ماشى المهم يكون سعرهم كويس
الحاج راضى _ لو عجينك اجيب عربية توصلهم للبيت يكفى أن منصور شكله بقى حلو و مبسوط
حورية _ سعرهم كام هات من الاخر
الحاج راضى _ هاتى ....فيهم وعليهم الطربيزة والكرسى هديه منى لمنصور علشان يذاكر عليهم
تمر الايام بسرعة حورية كل يوم تروح شغلها مع منصور وهو رايح المدرسه وهو يخرج من المدرسة ينتظرها لحد ما تخلص شغلها ومشى على كده بدون تغير وفى البيت الكبير كل البنات رفضوا الزواج من بدرى وفاروق اولاد خيرية
يوم جديد يوم الجمعة حورية قامت على سماع طرقات على الباب
منصور _ افتح الباب يا أبلة
حورية انا اللى هافتح و قامت فتحت الباب وجدت فارس ابن خالها و معاه مرأته و بنتين و ولد على أيد أمه
فارس _ السلام عليكم انا فارس ابن خالك صابر ودى مرأتى وولادى عرفانى ولا ارجع التوكتوك لسه واقف
منصور _ اتفضل يا عمى ادخل
شادية كانت واقفة فى البلكونه شافت فارس ومرأته حبت تعمل مشكلة _الحق يا سبعى الهانم مدخله رجالة اغراب عندها فى البيت
صدقة قامت من على السرير واقفة _حرام عليكى كده رمى المحصنات الغافلات وجرت وطرحتها فى أيدها على شقة حورية
ادهم قام يجرى و وراه جده والحاجة صالحه وهاشم وعمار وشادية على شقة حورية
حورية _ انا قلبى ھيموت من الفرحة أن حد سأل عنى
منصور دخل المطبخ طلع فراخ من الفريزر علشان يعمل اكل هو بيعرف يعمل اكل عزة كانت بتخليه يطبخ ويعمل كل الشغل
صدفة _ ولد يا منصور افتح بسرعة
منصور فتح_ اتفضلى ياابلة
صدفة _ هو انتم عندكم حد
حورية _ تعالى سلمى على ابن خالى ومرأته
صدفة _ ربنا ياخدك يا بعيدة هو لازم كل مصېبه يكون ليكى نصيب منها ازيكم يا جماعه منورين وسلمت عليهم
منصور _ تعالى يا أبلة صدفة نحضر الاكل
صدفة _ عامل أية ياواد شكلك نضفت وبقيت مز تتزوجنى
منصور _ افكر في موضوع الزواج ده بعدين دلوقت نحضر للناس الاكل
الباب خبط بطريقة غبية
صدفة _ الجماعة الدعوشيه وصلت ربنا يستر
حورية _ اتفضلوا ادخلوا
ادهم _ مين اللى عندك يا محترمه
حورية _ ده شيئ ما يخصكش اتفضلوا
الحاج محمد دخل _السلام عليكم وسلم
حورية _ ده بيكون ابن خالى ودى مرأته وولاده ودول أهل بابا الله يرحمه
ادهم _ وانا المفروض اكون زوجك صح ولا
حورية _ لا انت اكيد بتحلم الزواج اساسه الرضا والقبول وانا لا راضيه ولا موافقه انك تكون زوجى
ادهم _ انا زوجك ڠصب عنك
صدفة _ مش وقته ولا مكانه الكلام ده
شادية _ ومنين نعرف أن ده ابن خالك فعلا ما يمكن يكون الانتيم بتاعك
فارس _ عند هنا و تقفى يا حاجة ثم هو انتى مندوبه عن كل الرجاله دول هاتى يا بسمه الاوراق اللى معاكى وعاوز راجل اتكلم معاه مش حرمه
الحاج محمد _ امشى روحى من هنا
فارس _ دى شهادة ميلاد أبويه وكمان شهادة ميلاد عمتى ودى شهادة ميلادى وبطاقتى وكمان شهادة ۏفاة
حورية _ زيادة تأكيد دى بطاقة امى يلى المفروض تكونوا اهلى
الحاج محمد _ نورت يابنى تعالى البيت الكبير خدوا واجبكم
فارس _ واجب حضرتك وصل انا عند اختى على فكرة حورية راضعة
مع اختى الصغيرة يعنى اختى فى الرضاعة انا قاعد مع اختى الصغيرة
الحاج محمد _ منور يابنى واسفين للازعاج
صدفة _ الاكل جاهز اتفضلوا
الكل خرج وادهم بيكلم نفسه من هذا المشاغبة اللى قلبت حال البيت وناسه رأس على عقب
الحاج محمد _ طلقها يابنى الصراحة هى من حقها ترفضنا كلنا وتخرجنا بره حياتها هى لا شافت مننا لا حب ولا حتى معامله بالحسنه
ادهم _ هى رافضة فكرة الزواج منى اصلا
الحاج محمد _ لو على كلامها زواجك منها باطل طلقها
فارس _ الحمد لله
صدفة _ هامشى ابت
بسمه _ انتى شكلك غير الغفر اللى كانوا هنا
صدفة _ كلنا هذا الرجل بس انا علشان حبيت حورية فاتغيرت هارجع تانى ياقمر
فارس _ ايه ظروفك وازاى تتزوجى من غير ما اعرف
بسمه _ احنا اسفين والله حقك علينا
فارس _ اسف اتأخرت عليكى معلش انا لسه عارف عنوانك من عباس و وصانى اطمئن عليكى وحكى ليه أنه غيبك عن الوعى و خلاكى تمضى على موافقة الزواج دون وعى منك
حورية _ معقولة ضميره استيقظ بسرعة كده غريبه
فارس _ ربنا اخد حقك وهو مسافر بيجرى ورا القطار ومسك فى باب عربته أيده فلتت وقع تحت القطبان حصله بتر فى أيده و قدمه
حورية _ سبحان الله فعلا صدقت يا ربى عندما انزلت فى كتابك الكريم أما اليتيم فلا تقهر وهو زلنى وقهرنى كتير رجله اليمنى وأيده اليمن دول كان بيضربنى بيهم لما امى بتكون فى الشغل وبعد ما هى ماټت
فارس _ اسف ليكى وهو بعت فيديو بتفصيل يوم كتب كتابك كان مسجلة علشان يبقى يبتزا زوجك كل فترة وياخد منه فلوس وقال ممكن ده يخليكى تقدرى تطلقى لو عاوزه
حورية _ الحمد لله على كل حال انت سبحانك كريم وحليم عليه يارب
فارس _ هو طالب منك السماح
حورية _ لما جروحى تشفى الاول ابقى افكر فى السماح
منصور _ الاكل تمام هادخل اذاكر
حورية _ انت عندك درس دلوقت مرحتش ليه
منصور _ مش مهم علشان متبقيش لوحدك
حورية _ خد اركب توكتوك و رواح درسك وتعالى ذاكر عوزة نجاح و تفوق فاهم
منصور _ حاضر وخرج
خيرية _ انتى يا بنت البندر هى حصلت تجيبى ناس اغراب لحد هنا مين دول وعوزين ايه
بسمه _ مين دى وازاى بتتكلم كده
حورية _ دى اخت بابا الله يرحمه وعاملة نفسها الوصى على الكل ولما لقتها بتخبط جامد على الباب قامت فتحت خير ياحاجة وقافلة نص الباب بايدها
خيرية _ مين اللى عندك دخلينى
حورية _ ملكيش صالح خليكى فى حالك
خيرية _ تعالى يا ابو فاروق علمها الادب
حورية _ والله انت اللى عوزة تتعلمى الأصول وان لكل بيت حرمه ثم انتى داخلك ايه ارجوكى ابعدى عنى الا اقسم بالله اخليكى ولا بلاش اتفضلى امشى
فارس _ خير يا حاجة انا بأكون ابن خالها ودى مرأتى
خيرية _ هلت الانوار
بسمه _ اتفضلى ياحاجة ادخلى ومسكتها من أيدها دخلتها جواه
خيرية _ انتم مين
بسمه _ حرام عليكى لما تزعقى والناس تتفرج وتعملى سمعه لبنت اخوكى من لا شيئ
خيرية _ ماهى فركشة زواجة ابنى وخلت البنات ترد عليه
فارس _ النصيب هو اللى بيكمل الزواج او اى شيئ مش بكلام اختى
حورية _ انا فى حالى بقالى شهرين ما لمحتش حد من العيلة الكريمة ابعدوا عنى الا وربنا امشى اروح اى مكان لا حد يعرفنى فيه
خيرية _ هامشي ورايا حاجات كتير
فارس _ دول ناس صعب اوى
حورية _ مش اصعب من
فارس _ اقولك ياستى بيت جدك كان أبويه مأجرة بعقد ايجار لمدة 20 سنه والمده خلصت واستلمت البيت والحمد لله بعد الاستلام بشهر البيت دخل كردون المباني
متابعة القراءة
