سجينة الماضي بقلم هبة كاملة
بعته بمليون ونص لانه فى أول البلد ومساحته كبيره جبت نصيبك نص مليون بحق ربنا إنا شلت مصاريف المحامى مش هتفرق معايا
حورية _ البيت اللى فى البلد اللى كنا بنقول عليه القلعه
فارس _ أيوة هو ده واللى اشتراه عمله مصنع لتعبئة الخضروات والفاكهة
حورية _ انت بتقول أن نصيبى نص مليون صح
فارس _ أيوة و الله بحق ربنا البيت جاب مليون و نصف نصيبك نص مليون لأن خالك توفى قبل ما ابيع البيت
حورية _ القسمة كده فيها ظلم
فارس _ ظلم لمين افهم
حورية _ ظلم ليك انت واخواتك ازاى انا لوحدى اخد التلت وانت واخوك وأخواتك البنات الاتنين تأخدوا التالتين
فارس _ ده عدل ربنا واكيد ربنا سبحانه وتعالى له حكمه فى كده طلما النفوس راضية كل شيئ يهون
حورية_ لا أعتبر انى اختك والفلوس على بعضها وزاعها علينا
فارس _ لا مقدرش وبعدين
احنا مع بعض اللى يحتاج حاجة التانى يسنده
بسمه _ عوزة انام
حورية _ ادخلى نامى جوه
فارس _ شقتك دى
حورية _ جدو لما انا صممت اقعد لوحدى كان عاوز يبنيلى شقة فصدفة البنت اللى كانت هنا اقترحت انى اقعد فى شقة حمزة بما أنه مسافر ويبنى لحمزة شقة برة على الشارع
فارس _ هى الشقة ماشاء الله جميلة بس عوزة فرش ايه رأيك افرشها سجاد و اجيب اوضة نوم اطفال و شوفى عوزة ايه تانى
حورية _ عندك حق عاوزة خلاط ومكوى و ستاير و بس
فارس _ هاروح اجيبهم واجاى ايه رايك
حورية _ ماشى رغم انى مش مرتاحة للعيشه هنا حاسه انى غريبه الا ما فى حد بيسأل عليه انا و منصور غير صدفة بس
فارس _ طب و زوجك
حورية _ زوجى سلام يا زوجى دشافنى انا ومنصور بنشاور لتوكتوك يوصلنا للشغل ومدرسة منصور بص علينا ومشى مبتسم
فارس _ وديهم انتى معلش روحى اسهرى شوية
حورية _ محدش مقبل عليه زى ما اكون فيه مرض معدى
فارس _ مع الايام كل شيئ هيتغير للاحسن أن شاء الله
حورية _ معتقدش ربنا يهدى
فارس _ قعد هو ومرأته وولاده يومين ومشى فى اليوم التالت مع استأذنه من جدها انها تقوم بزيارتهم
وتمر الايام بسرعة بدون احداث تذكر الا نجاح منصور فى المدرسة ودخوله اولى اعدادي و استمرار حورية بالعمل ومر اكتر من سنتين
طلعت _ منصور تعالى عاوزك
منصور _ نعم خير
حورية _ انت بتعمل ايه يا عديم الرحمه فى حد يعمل في ولده كده شاورت لتوكتوك واخدت منصور على المستشفى
طلعت كلم ادهم يروح لحورية علشان خاف تقدم فيه بلاغ.. حورية مسكت الفون و كلمت فارس _السلام عليكم
فارس _ وعليكم السلام ماله صوتك
حورية _ عوزة شقة جنبكم اوضة وصاله وحمام ايجار تمليك مش مهم الاهم تكون جنبكم
فارس _ تعالى اقعدى معانا فى شقة حمدى هو سكن برة وشقته عارضها للايجار واعتبريها ورثك من امك ما امك ليها تلت البيت
حورية _ مش عوزة ورث ولا حاجة كل اللى يلزمنى مكان يتقفل عليه انا و الولد الغلبان ده
فارس _ هو حصل حاجه
حورية حكت له على اللى حصل لمنصور وفى الاخر قالت_ أنا فى المستشفى الولد مكسورله ضلعين ومخيط 17 غرزة فى دماغه وأربعة فى فكه غير كدمات فى جسمه كله
فارس _ خليكى مكانك انا هاخد ناس والم كل عفشك وبالنسبه لزوجك هاجيبه متكتف علشان يطلقك
حورية _ لا انا هاخلعه بأمر الله
فارس _ وهاتعامل مع جدك ازاى
حورية _ محدش هيهتم أنه يسأل دول ناس غريبه اوى ولا يمكن انا اللى غريبه مش عارفه انا الصح ولا هما
فارس _ تمام هابعتلك بسمه تفضل معاكى وانا والشباب هنروح نجيب الحاجة
حورية _ اوضة النوم الكبيرة سيبها بتاعة جدى تجيب الاوضة التانية و العفش اللى انت جايبه من غير مشاكل
فارس _ حاضر من عينيه
بعد اربع ساعات وصل فارس هو والشباب لشقة حورية وفتح الباب يلا ياشباب عوزين نخلص
شادية _ الحق يا ابويه فى ناس بيسرقوا شقة المحروسه بنت المرحوم
الحاج محمد قام يجرى وادهم وراه وطلعت جه على الصوت هو وعمار
الحاج محمد _ مين انتم وعوزين ايه
فارس _ انا ابن خال حورية وجاى اخد الحاجة بتاعتها علشان هتقعد معانا فى بيت جدى اللى هو بتاع أبوية وعمتى بعد مۏت جدى الله يرحمه
ادهم _ لا كده كتير انا هاروح اجيبها من شعرها
فارس _ ليه كنت زوجها بعد الشړ ولا حاجة اخلصوا ياشباب
الحاج محمد _ مفيش حاجة طالعه من هنا
صدفة _ انت هتاخد حورية تعيش معاك يا استاذ
فارس _ أيوة بدل ماهى قاعدة غريبه فى وسط أهلها
صدفة _ ياريتنى كنت اقدر واحكم اروح معاها ربنا يسهلليها الحال
الحاج محمد _ دخل الحاجة يا ولدى بنت ابنى مش هتروح فى اى مكان الا مع زوجها
طلعت _ انتم شكلكم عوزين تتأدبوا وعاوز يمسك فى فارس
فارس زق ايده_ عوز تضربنى وتكسرى ضلعين واخيط 21 غرزة فى دماغى و فكى وتكسر اسنانى زى ابنك
طلعت لم أيده وبعد
فارس _ اختى جت عندكم من اربع سنين وست شهور حد فيكم يا رجالة سألها إذا كانت اتعشت ولا لاااا ومعاها تمن مواصلاتها للشغل ولا هتضر تمشى لشغلها وانت عامل راجل على طفل يتيم مرأتك شربته جميع الوان الزل والقهر وانت كمان كل
خيرية _ خليها ياولدى وانا هاخلى ادهم يطلقها وازوجها لفاروق ابنى
فارس _ اختى اكبر من أنها تربط اسمها باسم خيال المائته ابنك يلا ياشباب الظلم ظلمات يوم القيامه وانتم كلكم عالم ظالمه فى بعض وركب العربيه مع العفش ادهم باشا اختى هتخلعك بأمر الله وهتتزوج سيدك وسيد بلدك اطلع ياسطى
صدفة _ بالله عليك خلى حورية تفتكرنى وبلغها سلامى
فارس _ تمام و انا تحت امرك ربنا يرزقك بابن الحلال ويسعدك انتى الوحيده اللي طبطبت على اختى
صدفة _ بالعكس هى اللى شالت الغيامه من على عيون كل بنات العيله دلوقت مفيش زواج الا بالرضا و بأمرالله هنفضل نعافر علشان نشتغل و نثبت وجودنا
الحاج محمد _ انا فعلا راجل ظالم ازاى بنت ابنى تهرب منى
صدفة_ علشان ملقتش شويه حنية ولا رحمة كلكم عباس زوج أمها مع الاسف
خديجة _ عندك حق
خيرية _ عوزة ازوج ابنى فاروق لواحدة منكم يابنات
صدفة _ ابنك نص الطن ده عوز يروح ولا بلاش وسبتهم ودخلت اوضتها وقفلت الباب عليها تكلم صاحبتها جنة
جنة _ السلام عليكم فينك يا قدرى
صدفة _ وعليكم السلام قدرك قرفان من نفسه
جنة _ الصراحة هى معذورة والله من يوم العريس ماسرقنا و هى خاېفة من كل حاجة دى بتقوم بالليل بتاع عشره مرات تطمئن أن باب الشقة مقفول و كمان مصممة توصلنى للشغل و اخواتى للمدرسة
صدفة _ امك شكلها هتدخل مستشفى المجانين يا سواد السواد عليكى طب و الاخ اللى عاوز يتقدملك ايه ظروفه
جنة _ راح لخالى وخالى خاېف يتكلم مع أبويه و امى
صدفة _ سهلة العريس يشوفك ويتكلم معاكى عند خالك في شقة خالك و امك تأمن على شقتكم و خلصت
جنة _ يخربيت دماغك كلامك صح ابت عوزة حاجة
صدفة _ خلصت المصلحة هتقفلى يا حيوانه مش تسألى على اخبارى
جنة _ انا عارفه أن لا جديد
صدفة _ لا قلبى بيدق وجامد يارب فرحنى
جنة _ مين ياموكوسة د انتى من يوم ما حورية مشت محددين إقامتك
صدفة _ مصطفى ابن عمى عمار ولد مز اخر حاجة
جنة _ هو اتكلم معاكى
صدفة _ اعدمك لو حصل انا شكلى بقى وحش اوى بحب على نفسى علشان كده مقضيها نوم واحلام
جنة _ احلام سعيدة ياقلبى اهدئ كده و حاولى تتكلمى معاه لو إحساسه نفس احساسك خير وبركة لو لا اتزوجى بدرى أو فاروق ابن عمتك خيرية وعايشى اسود ايام حياتك
صدفة _ سود على دماغك انا هاعمل هبلة وهاتصرف مش هاقعد هاموت من حبه وهو عايش حياته
جنة _ ربنا معاكى انا هاتابع اخبار الحوادث اشوف لو نزل خبرك فيها
صدفة _ خبر خير ان شاء الله امشى ابت عوزة اكمل الحلم
جنة _ احلام سعيدة وقفلت الفون
حورية بعد ما استقرت وحولت منصور لمدرسة جنبها وهى كمان اشتغلت فى مستشفى خاص فى المركز اللى هى تبعه لا جدها ضغط على رئيس الوحده اللى حورية كانت شغاله فيها علشان ميوفقش يمضى على انتقالها للشغل فى المستشفى العام اللى فى المركز اللى تبعه نادت على بسمه تعالى اقعدى معايا
بسمه _ ما تيجى ننزل نجيب لبس للولاد
حورية _ هو فارس فين
بسمه _ قاعد بالولاد
حورية _ منصور تعالى اقعد مع عمك فارس لحد ما ننزل السوق
منصور _ اجى معاكى اشيلك الحاجة
حورية _ ذاكر جنب عمك فارس و لما تخلص خد هاتلك انت و الولاد حاجة حلوة
منصور _ حاضر ياابلة
حورية _ تعالى عوزة اتكلم مع فارس الاول
بسمه _ فارس حورية عوزاك
فارس _ خير تحت امرك
حورية _ عوزة محامى كويس علشان هارفع قضية خلع على ادهم
فارس _ ممدوح صاحبى محامى محترم و عنده خبره و ضمير
حورية _ كلمة ده تاريخ كتب الكتاب معرفش حاجة غير كده
فارس _ حاضر بكرة أوصله المكتب
حورية _ كلمه فون دلوقت
فارس _ حاضر استنى كلميه معايا
بسمه _ بقولك اعزمة على الغدا بكرة و يتكلم مع حورية
فارس _ تمام هاتوا طلبات البيت معاكم
بسمه _ حاضر يلا يابنتى قبل ما الولد يصحى
يستمر سير الحياة بدون احداث تذكر غير طلاق حورية من ادهم بالخلع وزواج صدفة من مصطفى ابن عمها عمار حيث
اتضح أنه كان بيحبها و شهد اخت مصطفى تزوجت ادهم أما خيرية فكل يوم بتندب حظ اولادها وتعرضهم على بنات العيلة و الجيران لعل اى بنت ترضى تتزوج من أحدهم
حورية _ يلا يا منصور بما انك اخدت الاعداديه
منصور _ متخفيش انا فعلا لازم اشتغل
حورية _ مش هتروح تشوف ابوك و جدك
منصور _ محدش منهم محتاجنى انا محتاج نفسى عاوز ادخل كليه الطب و اكون دكتور
حورية _ انا معاك لاخر يوم في عمري
حورية _ محدش له افضال عليك انت انسان كويس
فارس _ الاستاذ ممدوح المحامى طلب ايدك منى لتالت مرة
بسمه _ بالله عليكى وافقى
حورية _ اطمئن على منصور
فارس _ منصور هيفضل معانا فى شقتك والحمد لله هو ولد كويس ومحترم
منصور _ متخفيش عليه انا وسط ناس بتحبنى
حورية _ الظاهر مفيش مفر من الزواج قوله يجيب ورد احمر كتير وشيكولاته علبتين كبار
منصور _ علبه واحده كفايه الحياه غاليه
حورية _ اتنين واحدة ليكم وواحدة ليه لوحدى
بسمه_ انا هاجيب الشيكولاته ازارغد لولولولى لولولولى
بعد شهر كان هناك فى قاعة الأميرة تجلس حورية وجنبها ممدوح المحامى فى الكوشه
ممدوح جه يمسك أيدها
حورية _ بعد كتب الكتاب وسحبت أيدها من أيده
المأذون _مين وكيل العروسه
حورية _ اخوية فارس صابر غريب
الحاج محمد حط وشه فى الارض ونزلت دمعه حزن لبعد حورية عنه بعد عقد القرأن تم زفاف حورية وممدوح بدأو حياة جديدة سعيدة بعد رحلة من الشقاء والتعب الحاج محمد اخد صدفة ومصطفى وراح معاهم..حورية رحبت بيهم وقدمت ليهم واجب الضيافة
ممدوح _ منورين اهلا بيكم
الحاج محمد _ انا ليه عتاب عليكى يا بنت ابنى
حورية _ خير حقك على رأسى لو غلطانه
الحاج محمد _ ازاى توكلى ابن خالك وانا واعمامك وولادهم موجودين
حورية _ انا عمري ما حسيت انى واحده منكم انت حربتنى فى اكل عايشى لما بأمر منك مدير الرعاية رفض تحولنى لمستشفى جنبى هنا وبكدة اترفدت من شغلى وشغاله 12 ساعة في مستشفى خاصة علشان اقدر اعيش كنت فين لما جيت هنا من خمس سنين اللى ما رفعت سماعه الفون واطمنت عليه انا واليتيم الغلبان منصور
ممدوح _ أهدى دول ضيوفنا
حورية _ هو سؤال انت ضميرك مرتاح لما قطعت عيشى واترفدت من شغلى
مصطفى _ والله مااعرف انك ترفدتى من شغلك انا هاعمل محاوله وارجعك لشغلك
حورية _ متشكرة ونصيحه لله خلى علاقتك باخواتك واولاد عمك كويسه يمكن يطلع جيل يحب بعضه يحسوا بالدفا وهم جنب بعض مش زى انا عشت طول عمري بردانه محرومه من حنان وطبطبه اهلى
الحاج محمد وضع على الطربيزة الف جنيه وقام يمشى
صدفة _ ممكن اجاى ازورك تانى
حورية _ انتى اغلى الاحباب ياقلبى تعاللى على طول وانا وممدوح هناجى ونبات عندك كمان وبصت لممدوح
ممدوح _ استاذ مصطفى ممكن رقمك علشان نكون على تواصل مع بعض
مصطفى _ واخوات كمان
صدفة _ اشوفك على خير هو منصور كويس
حورية _ منصور فى أولى ثانوى عام وهيدخل كليه الطب بأمر الله وانا فى ضهره هو قاعد فى شقتى مع اخويه فارس فى نفس البيت
الحاج محمد بص فى الارض من الكسوف والكسره وخرج من عن حورية ندمان على حاجات كتير
حورية مسكت ايد ممدوح _صدفة هناجى نتغدا معاكى يوم الجمعة عوزة فطير
صدفة _ انا
حورية _ كويس كده اعمللى بساتا فلورا وكترى هاجيب منصور معايا
صدفة هزت دماغها من الفرحة دموعها نزلت
تمت
