خطيبه اخي بقلمي إيمان شلبي

ده عمره ما يكذب ابدا
مي بعصبيه ودموع 
ايوه بحبه كنت بحبه قبل ما اعرف حقيقته
كارلا باستغراب 
حقيقته !!
مي وهي بتبص قدامها وبتقول بهمس 
ايوه حقيقه أنه مريض نفسي ح حقيقه أنه كان متجوز واحده في السر وهو واهمني بالحب وهو معشمني حقيقه أنه مجرم ق قتلها عشان شك فيها حقيقه أنه عايز يتجوزني عشان ينتقم منها فيا حقيقه أنه هيخليني ضحيه مرضه انا مبكرهش في حياتي قده
كارلا وهي بتصرخ
في وشها 
انتي بتقولي ايه زين عمره ما يعمل كده ايه الكلام ده
مي بصراخ اكبر 
أنا كنت زيك كده لحد سمعته بودني وهو بيقول أنه هيخلص عليا
كارلا وهي بتهز رأسها بهستريه ودموع 
لا لا اخويا مش مجرم انتي ازاي تصدقي الكلام ده ازااااي
مي بتحدي
مؤنس بنفسه هو اللي اثبتلي
كارلا 
اااااه قولتي مؤنس 
وانتي بقي صدقتي الحيوان ده
مي بعصبيه 
ده اخوكي 
كارلا بزعيق 
مؤنس مش اخويا ولا عمره هيكون اخويا هو ابن مرات بابا وبس الحق علينا انا وزين لما اعتبرناه اخونا الحق علينا أننا دخلناه بيتنا وشغلناه معانا ومقولناش لحد أنه ابن مرات ابويا 
مؤنس ده أحقر بني آدم انا شوفته في حياتي هو والحربايه امه اللي رمته علينا عشان يوقعني ويتجوزني ويكوش علي فلوسي طول عمره بيكره زين عشان هو احسن منه 
طول عمره بيحقد عليه طول عمره بيحاول يوقعه ويكره الناس فيه 
هو اللي مريض مش زين سامعه زين مش مريض مؤنس هو اللي مريض 
وان كان علي الاثبات فهو ذكي فعلا يقدر يخليكي تصدقي لانه عنده برنامج تغير الاصوات ومحترف في الفوتوشوب
حقيقي مشفقه عليكي انك وقعتي في المصيده 
مشفقه علي زين أنه حب واحده زيك فورا صدقت أنه ممكن يعمل كده وسابته 
سابته بعد ما ضحي بكل حاجه عشانها بعد ما فتح قلبه اللي كان مقفول بخمسين قفل حقيقي أنا اتخدعت فيكي يامي كلنا اتخدعنا فيكي وفي حبك المزيف لزين انا مش عايزه اعرفك تاني واه صحيح 
زين كلمني قبل ما يكلمك قالي أنه هيسافر اسكندريه قالي أنه كان هيختفي من غير ما حد يعرف بس مهونتش عليه انا اللي اقنعته يكلمك للمره الأخيرة ويديكي فرصه للمره الأخيرة بس الظاهر انك مكنتيش تستحقي الفرصه ديه 
صدقيني زين أما بيقفل من شخص قلبه عمره ما يفتح تاني لو شافه بيموت قدامه
قالت كلامها وخرجت من الأوضه وسابت مي اللي كانت واقفه تسمعها بذهول وصدمه
فات ثانيه اتنين تلاته وهي مازالت واقفه بتعيد كلام كارلا في عقلها وفجاءه بصت قدامها وعيونها حمراء وكأنها كاسات من الدم وهي بتقول بشر 
نهايتك علي ايدي ياحقيييير 
بعد مرور ربع ساعه
كانت واقفه قدام باب الفيله بتاعه مؤنس اللي محدش يعرف مكانها غيرها هي وزين 
تفتكر اول مره راحت المكان ده أما زين كلمها عشان يستنجد بيها عشان تلحقه بعد
ما كان غايب عن الوعي بسبب الممنوعات اللي بياخدها ولأنها دكتوره طلب زين مساعدتها وطلب منها متقولش لحد عن اللي حصل خوفا علي سمعته
ثواني وفتح الباب وهو بيتطوح يمين وشمال وبيضحك
ببلاهه
مؤنس بضحكه خبيثه 
ميووووش و وانا اقول المكان منور ليه
مي وهي بتفرك ايديها بتوتر وخوف 
ا انا كنت عايزه اتكلم معاك
مؤنس وهو بيبعد عن الباب بيفسحلها طريق 
اتفضلي ياقمر
مي بخوف 
ل لا مش هينفع ا انا هستناك برا
مؤنس وهو بيشدها مره واحده لجوا وبيقول بخبث 
مش هينفع ليه بس تعالي
مي بخوف وهي بتزقه
انت اتجننت ابعد عني ياحيوان
مؤنس بحزن مصطنع 
كده يا ميوش كده تغلطي في اللي اكبر منك ربنا يسامحك
مي وهي بتترعش 
م مؤنس ا ارجوك ا ارجوك اعمل حاجه صح في حياتك ز ز زين فعلا مريض و ولا انت بتكذب عليا ق قولي الحقيقه ص صدقني و والله مش هقول لحد علي اي حاجه بس قولي الحقيقه
مؤنس ببرود 
هتفرق في ايه الحقيقه !
مي بذهول 
هتفرق في ايه ! 
مؤنس انا واخوك بنحب بعض ليه عايز تفرقنا
مؤنس بشر 
عشان بكرهه
مي بلهفه 
يعني زين مظلوم !
مؤنس وهو بيضحك بقوه وبيهز رأسه 
وانتي شربتي المقلب وفرقتكم عن بعض
مي وهي بتضربه كف قوي صوت صداه رن في المكان
ياحيوووووان ياحقيييير ياحقيييير منك لله حرام عليك ليه عملت كده 
حرام عليييييك
كانت منهاره وهي بتهز في مؤنس بكل قوتها وهو بيضحك بقوه وفجأه رفع أيده وهو بيردلها القلم بقوه اكبر لدرجه وقعت علي الارض
قعد قدامها علي ركبته وهو بيجز علي أسنانه بعنف 
انا هوريكي مين الحقير ورحمه ابويا هندمك علي القلم هحرق قلب حبيب القلب عليكي
قال جملته وهو بيجرها علي الارض وهي بتحاول تفتح عيونها لكن مش قادره لحد ما غمضت عينيها واستسلمت وآخر حاجه فكراها أنه حطها في
اوضه ضلمه وخرج
باااك
سمعت صوت الباب بيتفتح اتنفضت من مكانها وهي بترفع رأسها تشوف مين واول ما شافت الشخص واللي كان مؤنس جسمها كله اترعش عيونها لمعت بالدموع وهي بتدعي أن زين يلحقها كان جواها امل أنه يكون موجود زي اي مره بتكون محتاجاه بيكون موجود من غير ما تتكلم
غمضت عينيها بأشمئزاز وقرف ومؤنس بيقعد علي ركبته قدامها وريحته كلها سجاير وقرف
مؤنس وهو بيشيل خصله من شعرها ورا ودنها وبيقول بهمس وخبث 
ازيك ياميووش ياتري زين اما يعرف انك هنا هيعمل ايه 
اممممم هيجي ويعمل بطل وينقذك من الاشرار بقي وكده 
ولا لا استني صحيح زين مش هنا ده سافر اسكندريه يعني مش هيقدر يلحقك
وضحك ببلاهه مره واحده وهو بيقول 
لا مش معقول هيطير ويجيلك علي هنا وينقذك مني
قرب أيده من وشها ولسه هيلمسه بعدت عنه وهي بتتحرك بعنف وبتصرخ في وشه
ابعد ايدك القذره ديه عني واه زين هيجي وينقذني منك وانا متاكده من كده
مؤنس وهو بيهز رأسه بسخريه 
ولو قولتلك اني كلمته وقولتله حبيبتك عندي وقالي مش فارق
مي بجنون 
كذاب كذاااب مش هصدقك تاني زين بيحبني زين هيجي وهتشووف
مؤنس وهو بيهز رأسه بأسف مصطنع 
مش هيقدر للاسف لا هو انا مقولتلكيش !!
مي بخوف 
ق قولتلي ايه !
مؤنس بضحك 
أنه حبيبك حاليا بين الحياه والموت ههههههههه
مي بدموع وهي بتهز رأسها 
لا لا لا انت كذاب لااا زين زين حبيبي زين
مؤنس وهو بيهمس في ودنها بنبره كلها شر 
حبيبك بيموووت
لا لااااااااااا لااااااااا زين زييييين
حبيبها قدامك بصحته ياجبان
ثانيه اتنين تلاته من الصمت ومؤنس
بيلف ببطئ بيحاول يكذب ودانه 
بلع ريقه بتوتر وهو شايف زين واقف قدامه بكل هيبه بالرغم من الخدوش والخرابيش اللي كانت في وشه إلا أنه كان واقف بكل قوه وكأن شيئ لم يكن !!!
أما عن مي رفعت راسها وهي بتتنفس بسرعه وكأنها كانت في أعماق البحر علي حافه الموت وخرجت في آخر لحظه
ازاي ازااااي
قالها مؤنس بجنون وهو شايف زين قدامه بعد ما اتبعتله صور أنه بيصارع الموت
قرب منه زين وهو بيشده من هدومه وبيجز علي أسنانه بعنف 
طول عمرك و
قال جملته وانهال عليه بالضرب ومؤنس بيحاول يردله الضرب لكن مقدرش
زين خلاص عشان خاطري
كان زين بيضرب فيه وهو مش حاسس بنفسه 
كان بيطلع كل غضبه فيه بيفتكر إحساسه لما قالتله مش عايزه اكمل معاملتها ليه ايديها اللي لبست فيها دبله مؤنس كل ده بسبب كذبه حقيره اخترعها هو عشان يفرق ما بينهم
فاق علي صوتها اللي من بعده دخل رماح ومجموعه من الظباط عشان يقبضوا علي مؤنس بتهمه قتل مراته اللي كان متجوزها في السر !
السبب اللي اخترعه عشان يفرق ما بينهم طلع هو اللي عامله بالفعل مع مراته
قرب منها ببطئ وقعد علي ركبته وفك ايديها ورجلها وهو بيسألها بهدوء 
انتي كويسه !
وعلي عكس توقعاته وهي بتتنفض بقوه 
انا لو كان جرالك حاجه كان ممكن اموت فيها ا انا اسفه س سامحني يازين انا اسفه
كانت متعلقه في رقبته وهو
مغمض عينه بقوه صدره بيطلع وبينزل بعنف في صراع بين قلبه وعقله
قلبه 
انت بتحبها سامحها
عقله 
بس هي صدقت مؤنس وسابتك
قلبه 
اي حد مكانها كان هيصدق مؤنس لعبها صح
عقله 
بس اللي بيحب حد مش بيصدق أنه ممكن يأذيه
قلبه

مي بتحبك وانت بتحبها وهي غلطت وعرفت غلطها سامحها عشان متندمش بعدين اللي بيحب بيسامح
انهي الصراع وهو بيضمها لقلبه بأقوي ما عنده لدرجه حست ضلوعها هتتكسر
مي بدموع 
سامحني
زين وهو بيمسح دموعها برقه 
متعيطيش انا مسامحك من زمان
ابعد عن اختي ياحيوووان
قالها رماح وهو بيقرب من زين وبيشده بغيظ وغيره
زين برفعه حاجب 
انت قد اللي عملته ده !
رماح بثقه 
اه ولو عايز اكتب عليها وانا اسمحلك غير كده نوووو
مي بمرح 
يادكرررري
رماح بغرور مصطنع 
ومش هجوزك اختي غير لما تجوزني اختك
زين وهو بيغمزله 
طب ايه رأيك نكتب الكتاب في نفس اليوم 
رماح بفرحه وهو بيسقف 
اشطا انا بحب كده انا رايح اجيب المأذون
زين بذهول 
هنا!
رماح بجنون 
اه انا قررت اصل اختك برا والحبايب كلهم متجمعين برا مفيش وقت للتفسير
قال جملته وخرج وزين ومي واقفين يضحكوا علي جنونه
قربت مي منه وهي بتلمس وشه بحزن 
ايه اللي حصل لوشك 
زين وهو بيتنهد 
كارلا كلمتني وحكتلي علي كل حاجه وانا كلمت مؤنس وهددته وانا معاه علي الفون انتي دخلتي وهو نسي يقفل السماعه وسمعت كل حاجه ركبت عربيه وسوقت بأقصي سرعه كان مؤنس شايل الفرامل ولولا ستر ربنا العربيه خبطت في شجره بس الاصابه مكانتش قويه ركبت عربيه وجيت علي هنا الحمد لله اني لحقتك
مي وهي بتسحب ايديه بين ايديها 
انا اسفه
زين وهو بيتنهد 
متتأسفيش يامي انتي ملكيش ذنب
مي 
بحبك
يابنت الجزمه ابعدي ده مش حلالك لما تكتبي الكتاب 
قالها
طارق وهو داخل الأوضه وبيحدفها بشبشب في وشها
مي وهي بتتفادي الشبشب وبتقول بتذمر 
يابا بحبه ياباااا
تمت 
إيمان_شلبي