يا جميل يا أسمر بقلم اماني عنان

شاب واقف علي ناصية الشارع وبيعاكس بنت ماشيه ي جميل ي اسمر ممكن كلمة 
كملت في طريقها ومابصتش عليه قام متعصب 
انت مش هتبطل تعاكس في البنات ي ابني 
صاحبه التاني من حقه ماهو فاضي وبياخد فلوس علي الجاهز
نوح دا نق ولا تريقة
صاحبه نق طبعا هو انا اقدر اتريق عليك ياصاحبي
نوح اه بحسب
صاحبه ربنا يخليه جعفر
نوح بغل وايه يعني أما يصرف عليا مش انا راجل البيت في غيابه هو وعمار افندي اللي بيدرس في مصر دوري اهم منهم علي فكرة 
صاحبه الاول طبعا المهم المركب تمشي
صاحبه التاني يالا نكمل لعب
نوح لا الوقت اتأخر انا مروح وانت قفلتني اصلك
صاحبه الاول خدني معاك عايز ادخل البهايم في النور
نوح يالا بينا
صاحبه التاني قعد علي طوبة كبيرة وقال ماعرفش انت شايف نفسك علي ايه مطلق ولا شغلة ولا مشغله خيال ماته ومغرور
تأليف أماني عنان
في بيت بالطوب الاحمر علامة الغني والاستقرار في الصعيد بتدخل ام بجلابيه سوده وتقول في سعادة 
مبروك ياصفية جاكي عريس
صفية فتاة صعيدية حالمة ملامحها شرقية ذات بشړة خمرية وعيون بنية قامت مخضوضه عريس !!
الام ايوه واد من بيت عسران
صفية مين عمار
الام لا الكبير جعفر
صفية هو في كبير غير عمار ونوح
الام ايوا جعفر الكبير ومسافر للكويت هو اللي باني شقته لنفسه ومجهز أخته كمان
صفية والمفروض اعمل ايه يامه
الام تفرحي طبعا دا بيقولوا الفرح بعد شهرين عشان مسافر كمان ست شهور يلحق يقعد معاكي وتحبلي قبل مايسافر
صفية ايه الكلام دا دلوقتي
الام بتتكسفي ياك بنات اخر زمن ماهي معروفه جواز يعني عيال خلفة ومسؤولية
صفية مش لما ناخد علي بعض الاول
الام هناك في شقتكوا ماعندناش الكلام دا
صفية سكتت ورجعت تكمل طبيخ بعد ماخلصت الدبلوم قعدت في البيت تخدم امها وابوها واخوها العازب أما اختها فوزية فاتجوزت في مصر وارتاحت من تحكمات أهلها 
صفية بتفكر الجواز زي البطيخة وانا عارفه حظي عمري ماشتريت بطيخة حمرا
هههههه
امها حاطه ودنها ورا الباب وبتسمع الاتفاق
العريس لابس جلابية بيضا ومعاه عمه لأن أبوه مټوفي 
ابو العروسة اهلا وسهلا
جعفر اهلا بيك يا عم قولت ايه 
ابو العروسة انتوا ناس طيبين ونسبكم يشرفنا بس ادينا فرصة وهنرد عليكم
عم العريس 50 الف جنية عشا كويس
ابو العروسة أما نشور العروسة الاول
عم العريس هتوافق باذن الله وعشان يبقي الكلام واضح ومتفقين خمسين عشا وخمستاشر دهب قولت ايه 
ابو العروسة طب ثواني
أم العروسة بتشاور له
خرج يشوفها عايزا ايه 
ابو العروسة عايزا ايه ي كيدة دا وقته مش شايفاني قاعد وسط الرجالة
كيدة وايه حصل ماحدش نضرني المهم مشي الاتفاق خلينا نستر صفية زي فوزية ونخلص
ابو العروسة شاور بايده بمعني استني انتي وماتستعجليش ودخل يكلم الضيوف وقال هرد عليكم بعد يومين 
جعفر بسرعة ي عمي الله يكرمك عشان الإجازة قصيرة 
ابو العروسة خير ان شاء الله ماتقلقش 
أم صفية قعدت معاه وعماله تضغط عليه يوافق وهو مستني بنته تجيب الشاي وتيجي
اول ما دخلت ارتاح 
الاب اهي جت صاحبة الشأن
الام كشرت شويه وكملت بعد كلامي دا كله لسه مستني البت
الاب ايوا هو انتي اللي هتتجوزي ياك
صفية ههههه
الام هو كان حد شاورني لما هتشاورها
الاب تعالي ياصفية اقعدي بص لمراته الزمن اتغير ودا حقها
ايه رايك يابنتي في جغفر واد عسران 
صفية الصراحه انا ماشوفتهوش قبل كدا بس اسمع أنهم عيلة مرتاحه وسمعتهم كويسه
الاب يعني موافقة
صفية اللي تشوفه يابا انا مابعرفش اختار
الام علي خير بكرة ترد عليهم
الاب انا قولت يومين اتقلي شويه ي كيدة دي بتك برضو مش رميه
طبطب علي ضهر صفية قامت بايسه أيده ان شالله مانحرم منك يابا انت سندي وضهري كملت في سرها بيقولوا عن الصعيد إشاعة أن الراجل بيكره خلف البنات وانا من الصعيد اهو وبقول لكم أن الست هي اكتر مخلوق بيكره الست اللي زيها ودائما بتميل للجنس الآخر وتحب الولاد
الام ايوه أخدها عليك كمان
الاب ماتاخد مش ابوها لو ماخدتش عليا هتاخد علي م
الكحة قطعت الكلمة صدرة واجعة مريض ومش راضي يكشف دماغه قديمة فاكر أنه دور برد وهيروح لحاله 
تأليف أماني عنان
الام ماتروح المستوصف ولا المستشفي تطمن علي الكحة اللي طولت دي !
الاب قومي انتي بس اغليلي ورقتين جوافه وانا هبقي كويس
كيدة ي بووي منك دا انا قربت اقول جاي بسبب طولت بالك اكشف واطمن
الاب حاضر لو مارتاحتش هبقي اروح 
أماني عنان 
في بيت جعفر أمه مستنياه علي ڼار
اول مالمحته 
ها وافقوا
جعفر عايزين يومين وهيبعتوا الرد
الام

سهله يومين مش كتير بعدها لو ماردوش تروح لفتحية بنت سعد اهي عروسة وعلي وش جواز
جعفر اتفائلي خير بس ياما وجهزيلي لقمة انا جعان
الام ليه هما ماعزموش عليكوا بالعشا 
جعفر عزموا طبعا بس قولنا واكلين مش من اولها كدا هنتقل عليهم
الام ماشي هحضرلك لحد ماتيجي مرتك وتريحني بقي انا شايله الشغل كله ع راسي بعد جواز اختك سمر
جعفر كلها شهرين وتكون عندك ابقي اعملي فيها اللي يريحك
الام هتبقي زي بتي بالظبط
جعفر سند راسه علي الكنبة ومدد رجليه وسرح في شغله والفيس بوك اللي عليه كل اسراره وخفاياه 
حضرت الام الاكل وكان نوح رجع من بره كلوا وبعد يومين جاهم الرد بالموافقة راح جعفر لبيت صفية واتعرفوا علي بعض وتاني يوم جابوا الدهب وبعد شهرين كان الفرح اشترت العروسة تلاتين عباية صيفي وشتوي اربعين فوطة وخمسة وعشرين مفرش كبير وعشرة اطفال بطانيتين ولحافين وتمن دفايات صرفت علي جهازها كتير بس جابت احسن سوار 
بعد الجواز بشهر لأن طبيعي الشهر الاول حلو بداية من الشهر التاني جعفر راجل له هيبه وسط أهله ووسط الناس الصورة الجميلة في عيون الكل حتي صفية ماكانتش شافت وشه التاني لسه جت أخته للمرة التانية تزورهم 
جعفر يالا عشان تنزلي تحت
صفية الساعة عشرة خلاص بقي مانا هنزل بكرة الساعة سبعة
جعفر سمر تحت عيب لازم تقعدي معاها
كشرت شوية يوه سمر بت مايعه محدده حواجبها وعامله شعرها تصرفاته مابتريحنيش
جعفر نعم !
صفية لا من غير عقد حواجب يالا ننزل
نزلوا وقعدوا والايام كانت بتعدي يوم حلو ويوم نكد لحد ماغضبت سمر وجت قعدت لها في البيت اللي تحت وهي شقتها فوق بس بتنزل طول النهار تحت 
صحيت صفية بدري كالعادة وهي نازلة سمعت صوت سمر بتضحك 
ههههه دا كلام تقوله ماتحترم نفسك
صفية ركزت اكتر الله ېخرب عقلك ي مجدي
صفية حطت أيدها علي قلبها يامصيبتي ودا مين مجدي دا هو مش جوزها اسمه احمد !!
سمر طب ثواني كدا
صفية اتمسمرت مكانها اطلع ولا انزل طب لو شافتني ماهي هتحطني في دماغها اكتر ولو قولت عنها حاجة وحشه ابقي خسړت حماتي ولو خسړت حماتي يبقي هخسر جوزي العيلة كلها هتشوفني وقاعه يارب انقذني انا عايزا اعيش واكون أسرة 
سمر لمحت صفية وهي طالعه علي السلم وقالت هتقول لاخويا وهتفضحني واكله ابوها دي انا لازم اتصرف 
ندهت عليها صفية
وقفت في نص السلم بقلق ارد ولا لا
سمر تعالي عايزاكي ماتخافيش
رجعت لها صفية

واول مانزلت راحت سمر مصوته يامه ياجعفر يانوح الحقوني
يالهوي ياناس يادي الفضايح الحقووني
يتبع 
صفية خاڤت من صويت سمر وسألتها انتي بتزعقي كدا ليه اهلك هيصحوا
سمر حطت التليفون النوكيا القديم اللي كانت بتتكلم منه في جيب عباية صفية وقالت بصوت عالي 
مايصحوا خليهم يتفرجوا علي مرات ابنهم الهانم اللي صاحيه بتتسحب وتكلم رجالة في التليفون
صفية مسكت التليفون وعايزا ترميه بعيد عنها شافها نوح وهو بيفتح باب اوضته اللي في الدور الأرضي
جعفر بفانيلة بيضا وبنطلون ترنج زيتي نزل يجري في ايه جري ايه 
سمر تعالي شوفي مراتك ي اخويا سمعتها بتتكلم في التليفون وبتضحك
صفية بصت لجعفر وقامت راميه التليفون انا ماعملتش حاجة دي كدابة
نوح بيتاوب انا شوفتك ي مرات اخويا والتليفون في جيبك
صفية لا دي هي اللي حطته في جيبي
سمر وقفت معوجه وقالت اول ماشفت امها صحيت قال علي راي المثل
كلم العايبة تلهيك والعيب اللي فيها تجيبه فيك 
صفية اخرسي قطع لسانك انا اشرف منك
ام جعفر اسكتوا ياواكلين ناسكوا هتفضحونا
جعفر هما ليه 
واختي مالها العيب كله علي مراتي العروسة اللي مالحقتش وراحه تدور علي حبها القديم
صفية مذهوله حب مين وعيب مين في حاجة غلط انا ماعملتش حاجة ي جعفر صدقني انت هتمشي وراها بسهوله كدا من غير ماتتأكد
والله العظيم العكس صحيح سمر هي اللي 
قاطعتها سمر بغلوشه انتي كدابة في كل كلمة هتقوليها
جعفر نزل بعصبية وتهور ومسك صفية ضربها علي وشها وشدها من شعرهه وهي بتصوت وتحلف والله مظلومه
جعفر بتهور وعفيه انتي عينك بجحة وقليتي بيا
صفية حد يلحقني حوشوه عني ياحماتي انا كنت نازله ااكل الطير والله
ياناس الظلم حرام ازاي هرجع لاهلي بعد شهرين جواز دا انا لسه مافرحتش بجهازي ????????
قفل جعفر الباب وسابها بره بعباية البيت تخبط علي الباب 
صفية ابوس ايدك ي جعفر ابويا تعبان ومش حمل پهدلة لو شافني راده دلوقتي هيجري له حاجة
سمر قولي الحقيقة 
ي حماتي اتقي الله فيا دا انا كنت بخدمكوا بعنيه 
سابوها زي الكلبة بره لحد مازهقت من الكلام والجيران بدأت تصحي وتبص عليها وتسأل هي لحقت عشان
يطردوها !!
ياتري عملت ايه 
شدت الطرحه علي شعرها وقامت علي بيت ابوها وهي تعبانه من العياط والضړب 
تأليف أماني عنان
بتدعي ربنا 

استرها معايا يارب انا ماليش غيرك وانت وحدك اللي مصدقني وعارف الحقيقة 
صعيدية في محنة
جوز سمر قاعد مع أبوه وعمال ينصحه يرجع مراته وهو مش موافق 
الاب يابني مالكش غير بيتك رجعها هتفضل في بيت اهلها لحد امتي 
جميل لا ماعيزهاش
الاب استغفر الله العظيم بالساهل كدا تخرب بيت واحده ست يكون في علمك دا مش بيتك انت دا بيتها وعيشتها
قام جميل من قدام أبوه عشان مايحسش أنه تلميذ ولسه بيتعلم وقال 
مش حاسس انها شريكتي والست اللي تتأمن علي عيالي واسمي
الاب ليه الكلام دا انت شوفت عليها حاجة 
جميل لا لو شوفت كنت طلقتها وخلصت
الاب ماتستعجلش ورجعها يمكن تكون اتغيرت ولو عليا مش مشكل هي مش مطالبة تخدمني
جميل علي الأقل تستهم بيك يابا
الاب يمكن ماعرفت غلطها بلاش تتركها اكتر من أكده
جميل هفكر واللي فيه الخير يقدمه ربنا
الاب انا ماليش غيرك وعايزك متهني
جميل رجع تحت رجل أبوه وقال بس انت جبت المفيد ي حج ولو علي هدمتنا ولقمتنا انا كفيل بيهم مش حرمه اللي هتجبرني علي العيشة يابا مقابل الخدمة !
الاب عجوز وحكيم سكت
جميل هروح اسقي الدرة وارجع اعملك احلي عشا تحب تأكل ايه 
الاب اي حاجة نعيش بيها وخلاص
جميل اختار ي حج ابنك طباخ بريمو اتعلمت في الجيش
الاب عارف ي واد مانا ياما كلت من يدك
جميل طب ايه رايك اشتري سمك مشوي واعمل حبة رز ونقضي اليوم عشان لو الري اخر لليل
الاب ماشي المهم تفكر في رجعة سمر قعدة البت في دار ابوها بعد الجواز عفشه 
جميل بص بعيونه العسلية ناحية الباب وخرج من غير كلام الأفكار معبيه رأسه 
قال بشويش 
مش حاسس انها ست صادقة اعمل ايه بس نظرة عيونها خبيثه اعوذ بالله من دي حرمه اوقات احس اني نايم جمب تعبان في جسم انسان 
أماني عنان
راحت صفية بيت اهلها خبطت عليهم فتحت امها واول ماشافتها شدتها لجوا بسرعة 
كيدة ايه اللي جابك بدري كدا
صفية بټعيط
كيدة في عروسة تطلع بدري كدا من بيت جوزها 
ساكته
كملت مش لابسه زين ليه دي هدوم تطلعي بيها 
صفية جعفر وأهله ضړبوني وطردوني يامه
ابوها بيكح وكان رايح يكشف وقع علي الباب جريت عليه راح بص لها بحنان سندته وفضلت تحكي له 
صفية ظلم والله يابا ماعملت حاجة سمر هي اللي كانت بتتكلم وخاڤت لاقول لحد فجابتها فيا
الاب انا واثق فيكي
امها لو اخوكي عرف حاجة هيقطم رقبتك
صفية فضل انسان المفروض يسمع مش تور يامه كل ماتتكلمي ټهدديني بيه
الام دا اخوكي وراجنا من بعد ايوكي
الاب اتكلم وهو بيكح اكتر ميه عايز ميه
جريوا هما الاتنين يجيبوا له ميه رجعوا لاقوه مېت
امها بصت لها بعيون واسعة وقالت ارتاحتي ي بوم
صفية مش حاسه ولا سامعة غير بالوحدة ابويا قوم يابوي الله يخليك ماتسبنيش لوحدي الناس وحشه وقاسېة هيدوسوا عليا من بعدك 
ماقامش ولا اتحرك 
صفية طب خلاص خدني معاك اموت بدل حياة ظالمة وماليش فيها حد
ام صفية كملت صويت وجم الناس عزوا وأهل جعفر عرفوا وكانوا في العزا
وقفوا جانب فضل وقالوا مش وقته
ام جعفر بتكلم سمر 
انتي سمعتيها بتقول ايه ي سمر 
سمر عيونها دارت في مكانها احم احم
سمعتها بتضحك وتقول وانا كمان
هي كمان ايه 
ماعرفش بس صوتها كان متغير وكنه راجل اللي علي الخط
اتأكدتي 
لا
امال ازاي تصوتي وتفضحيها من غير دليل
اهو اللي حصل يامه وبعدين جعفر خد التليفون وقال هيجيب الواد وبعدين يقعدهم في قعده 
الام يا مري انا ماعايزاش فضايح كفاية انتي 
سمر قصدك ايه يامه
ماقصديش 
لا تقصدي
نهايته لما يجي اخوكي خليه يرجعها وقولي انك سمعتي غلط واحتمال تكون مظلومه اصحلي مابينهم خلي ربنا يفك عقدتك ويهدي لك جوزك
سمر سكتت شويه وقالت حاضر اللي تطلبيه يامه
خدت قرار بينها وبين نفسها وقامت طالعه علي شقة اخوها وبعد ساعة نزلت كان جعفر جه كلمته 
سمر صفية عامله ايه 
جعفر محروقه
سمر ماكلمتهاش
جعفر لا ولا عزيتها
سمر ليه كدا مش يمكن مظلومه
قام من علي الكنبة فجأة وسأل 
يعني ايه يمكن هو انتي مش متأكدة 
سمر دراعي ياخوي
جعفر سابها انطقي هو الكلام دا فيه يمكن الله يحرقكك يابعيدة
سمر ماتغلطش فيا الحق عليا اني خاېفه عليك وعلي اسمك
جعفر مالكيش صالح بيا المهم متأكدة أنها كانت بتكلم راجل ولا لا
سمر لا مش انت بتسال ع الرقم
جعفر الخط مش متسجل وماعرفتش اوصل لصاحبه
سمر الحمد لله
جعفر قولتي ايه 
سمر بقول حرام تفضل في
بيت ابوها وحيدة بعد العزا بكفايه اسبوع اكتر من كدا الناس هتبدأ تتكلم عليكوا
جعفر فكر شويه وقرر يروح يجيبها في نفس الليلة 
رجعت معاه بسهوله امها مامسكتش فيها وفضل ابن أمه ماشي وراها وعمره ما هيفكر يعمل كرامة لأخته 
ډخلها الشقة

ونزل صحيح رجعت لكن لسه النفوس شايله 
صفية بتسمي اول ماحطت رجليها في الشقة لقت الدنيا مقلوبة
مش عارفه تسأل مين 
قعدت في الصالة لحد ماطلع جعفر وسألته
الشقة ۏسخة كدا ليه 
جعفر وهو داخل الحمام كنا بنسهروا فيها
صفية زعلت علي عزالها المتهان وفرشتها المتبهدلة يعني ماكانش فيه مكان تحت جايين تتجمعوا هنا 
اوووف وطبعا لازم اسمع واتكتم
دخلت اوضة النوم وكانت المفاجئة اللي ماحدش يقدر يستحملها
يتبع 
اول مافتحت صفية اوضة نومها اتخضت دخلت جري علي الدولاب فتحته وبصت فيه وندهت علي جوزها قبل مايقفل الحمام 
الحقني ياجعفر
رجع بسرعة ايه في ايه 
صفية انا اتسرقت فين فوطي اللي كانت مرصوصه هنا الرف متاخد منه اكتر من اربع علب فوط
فتحت دولاب هدومها وبصت بسرعة يانهار اسود حتي عباياتي ناقصة
راحت ناحية باب الشقة وبدأت تزعق انتوا ياناس ياللي هنا
جري جعفر وقفل بوقها وډخلها علي جوا وقال بحزم تحرمي عليا لو سړقتي امي واخواتي
صفية شيل ايدك من ع بوقي مش هي دي الحقيقة
جعفر هجيبلك غيرهم
صفية قعدت وهي بټعيط كلام ولا هتجيب ولا هتودي حرام عليكوا دا انا مافرحتش بحاجة وطردتوني بعد الفرح بشهرين وكمان خدتوا فرشي !
جعفر طول مانتي علي ذمتي فدي حاجتي لما تطلقي ابقي دوري علي قايمة وعزال
صفية فضلت ټعيط وجعفر دخل علي الحمام ولا كأن حصل حاجة الراجل بيعرف يفصل ويريح دماغه إنما الست لا بتفكر كتير وتزعل لحد ماوشها يدبل وجسمها يضعف 
تأليف أماني عنان قامت صفية بحزن تنضف وراهم مكان سهرة امبارح وهي بتحسبن فيهم وتقول 
يارب انا عايزا اعيش مستورة واخلف وابقي زي الناس احلامي بسيطة حققها لي يارب واهديلي جوزي 
تأليف أماني عنان 
جميل قرر يرجع مراته عشان يريح أبوه خصوصا بعد ماعرف أنها حامل بس كان متضرر ومش عايز الطفل اللي جاي دا يكون منها من ساعة مارجعت سمر بيتها وهي بتدلع ابو جميل كان تعبان وبينادي عليها وهي عامله مش سامعه
ابو جميل يا سمر
سمر بتغسل هدوم وبتتكلم براحه انت لسه متبت في الدنيا ماتموت بقي وتخلصني
داخل جميل من الارض لقي صوت خبط في اوضة أبوه
جميل مالك يابا
سنده ورجعه علي السرير والراجل من طيبته سكت طبطب علي ابنه وقال له كنت صح
جميل قصدك ايه 
دخلت سمر بتمسح أيدها في العباية الخضرا اللي لابساها وبتقول ايوا يابا معلش ماسمعتكش من صوت الغسالة
بص لها وسكت
جميل اعملي له كوباية عصير
سمر حاضر من عيني 
قدام ابنه حلوة ومن وراه بتعامل الراجل ببرود وتطنيش قعدت اسبوعين وبعد كدا جالها مغص جامد وجوزها مارضيش يكشف عليها جاب لها حبوب من الصيدلية للمغص وخلاص تاني يوم صړخت وكانت بتعض في الأرض 
سمر هاتولي دكتور حالا بمۏت مش قادره
جميل بره وابوه تعبان ونايم في سريره حاول يقوم ماعرفش
سمر اه بطني بتتقطع الم فظيع
مد الراجل أيده علي الكومودينو اللي جانبه وجاب التليفون واتصل بأبنه جه بسرعه وخدها للدكتور 
الدكتور لازم عملية حالا
جميل خير ي دكتور
الدكتور ربنا يعوض عليكوا الجنين ماټ ولو فضل اكتر من كدا هيسبب لها ټسمم ويأثر علي الرحم
جميل زعل ودموعه نزلت بس في قلبه كانت الناهيه مابينهم
سمر بټعيط وتتوجع لا سيبوه يعيش انا عايزا ابني
الدكتور فيها خطړ ع حياتك
جهزوا العملية وتمت علي خير الدكتور قال بأسف الانجاب هيكون صعب شويه ويفضل تستني عليها كمان سنة علي الأقل علي ما الرحم يسترد عافيته وتقدر تشيل جنين جديد 
الزوج بيسمع ويهز رأسه
خدوها ورجعوا علي البيت كان معاهم في المستشفي اخوها نوح وجعفر
سمر اه ضهري مش حاسه بيه
جعفر تعالي ماتمشيش انا هشيلك
جميل مد أيده جانب السرير وقال بتعجب وتشيلها ليه الكرسي المتحرك اهو
اطلعي 
نوح هم ورفعها علي الكرسي واول ما قعدت قامت لا لا ماقدراش بضغط علي بطني من تحت وبتوجع
جعفر استني جميل يشيلها وجميل عامل من بنها راح شايلها هو وطائر بيها وكأنها عصفورة بين أيده جعفر كان شهم وجسم كبير راجل طول بعرض يتخاف منه
صفية في بيتها وعرفت خبر سقوط سمر فرحت من جواها وقالت ربنا منتقم جبار
حماتها بتلبس ونازله تجري عشان تروح لبنتها 
جعفر هي كويسه دلوقتي يامه ممكن تروحي بكره
الام ليه هو انا غريبة دا انا امها المفروض تعرفوني وانتوا في المستشفي ابقي معاكوا
جعفر الموضوع جه واحنا في الغيط روحنا من برا برا
الام مين هيوديني 
نوح انا جاي معاكي
خدوا بعض وطلعوا
وفضل جعفر وصفية في البيت قلع الشال ودخل علي اوضة المعيشة 
صفية اعملك شاي
جعفر ياريت حاسس كن دماغي ھتنفجر
صفية من عينيه
جعفر تسلمي ي غالية
دخلت المطبخ حضرت الشاي وطلعت قعدت معاه 
صفية وهي عامله ايه
جعفر حزنانه طبعا دا اول فرحتها
صفية بكره ربنا يرزقها غيره أن شاء الله
جعفر

ماحسسش اكده جميل دمه بارد وكن قلبه طفي من ناحية اختي ومابقاش رايدها فعله متأخر ودي مش تصرفات راجل بيحب مراته وبيخاف عليها 
صفية ليه بتقول كدا 
التليفون رن بص له وارتبك اتحجج بيه وطلع علي برا 
جعفر الو
المتصلة وحشتني
جعفر بيتلفت وراه الاول قبل مايرد وانتي كمان عامله ايه 
المتصلة بخير الحمد لله مش هتيجي
جعفر ماكنت عندك امبارح هي سيرة
المتصلة هههههه مابزهقش منك حتي لو جيتني كل يوم
جعفر لا مش كدا لازم نلموا نفسنا شويه
المتصلة انا مش غريبة ومعايا حصانه من كلام الناس
جعفر بس امك مش ناسية اللي شافته ولو عرفت اني لسه بجيلك لوحدي هتفضحنا
المتصلة اتصرف ماليش فيه
جعفر اعقلي شويه وانا هتصرف
المتصلة حبيبي ي اخويا !!!
بعد ماقفل الخط سرح شويه في بهية اخته من الرضاعة اللي كان عايش معاها من بعد ماتجوزت بعشر سنين ايوه دا حقيقي من النقطة دي وشخصية جعفر الحقيقية هتبان علي أصلها في يوم دخلت امهم اوضة بهية بالصدفة ولقت عندها جعفر 
بهية ياخرابي
الام ي مراري ايه اللي بتعملوه دا
جعفر بيعدل هدومه ويتمالك أعصابه مافيش حاجة
الام ندهت علي باقي اخواته يشهدوا عليهم ياسمر ي نوح تعالوا شوفوا
سمر كانت لسه ماتجوزتش وشافت وسمعت كل حاجة
نوح استغفر الله العظيم يارب هتروحوا جهنم ي واكلين ناسكوا وانتي جوزك عدمتيه ولا ايه 
بهية وشها في الأرض
جعفر بيرد عنها كانت غلطة ساعة شيطان وراحت لحالها
امهم قعدت تلطم طب اقول ايه واعيد ايه افضح نفسي يعني
سمر خلاص يامه مامنوش عازه الكلام
نوح يالا ي اخويا ياكبير اطلع من هنا دلوقتي خلي الليلة دي تعدي
الام خدي ولادك اللي بتلعب برا دي وامشي علي بيت جوزك وماشوفش وشك هنا كله منك اخوكي لساته صغير يدوب 20سنة وانتي واعيه خافي من ربنا وعلي عيالك
وفعلا مشيت وفاتت علي الحاډثة دي اكتر من خمستاشر سنة هما نسيوها لكن جعفر وبهية مانسيوش ولسه مع بعض 
دخل البيت تاني وشغل التليفزيون وقعد
صفية كانت بترتب المضيفة لما ضهرها اتقطم بتخدمهم تحت وتطلع تعمل نفس الشغل فوق شغالة خدامه لاصغرهم قبل كبيرهم ومع ذلك في لحظة يقلبوا عليها ويغلطوا فيها 
ام سمر وصلت بيت بنتها وجميل كان مع الرجالة بيشرب شيشة قدام البيت 
نوح السلام عليكم خشي انتي يامه انا هقعد مع الرجالة
جميل وعليكم السلام ورحمة الله
لا هما خلاص قايمين كويس انكوا جيتوا
الام خير ي ولدي في حاجة 
جميل ساكت ووشه في الأرض
ادخلوا بس وجوا نتكلم
سمر بټعيط ونايمة ضهرها للباب
الام مالك ي بنتي سلامتك
سمر ابني ماټ يامه
نوح وحدي الله انتي مش اول واحده جنينها ېموت
سمر ونعم بالله
جميل واقف علي الباب ومتردد يتكلم
ام سمر وشوشة بنتها دا ماله دا كمان 
سمر من ساعة العملية وهو ساكت مابيتكلمش معايا خالص
الام قامت جابته تعالي ي جميل اقعد
ثابت مكانه واضطر ينطق
جميل انا عايز اقولك علي حاجة ي حماتي 
الام قول
جميل بس تفهميني ومن غير زعل
الام طبعا دا انت زي نوح
جميل ماتصعبيش عليا الموضوع اكتر انا ماقدرش اكتم في نفسي واعدي
الام قول ي ابني بعد الشړ عنك مزنوق في فلوس ولا حاجة
جميل لا
سمر ماتقول وتخلصنا وقته الجلع ده
جميل 
يتبع 
واحد مراته تعبانه وهو لامم أصحابه تحت البيت وقاعد يشيش مشاعره باردة ويمكن عديم الشعور من الأساس لما دخل الاوضة قال لامها بصراحه 
جميل بنتكوا طالق
نوح مسكه من رقبته انت بتقول ايه ي مچنون انت
جميل بقولك اللي سمعته سمر ماتلزمنيش
امها ي ابني العيل اللي ماټ ده بكره ربنا يطعمكم غيره بلاش تتسرع وتهد بيتك
جميل بيزق ايد نوح ويعدل جلابيته بكفايه اكده ماطيقهاش والعيشة لازم تكون بالرضي
سمر ليه هو انا عملت لك حاجة 
جميل لا انا اللي ماستاهلكيش
رد الكلمة اللي بتتقال دائما عند الفراق انا اللي وحش وماستاهلش حبك وانتهينا خدوا بنتهم معاهم ورجعوا البيت الكبير سمر فضلت تتعالج في صمت واذاها خف شويه عن اللي حواليها وكل ماتدخل صفية عليها بصنية الاكل تبص لها وتسكت اما صفية فاكره ومش ناسية لما دعت عليها وهي غضبانه 
صفية يارب ياسمر ي بنت خضرة تترمي زي الكلبة وتشوفي حړقة قلبي وطردتي من بيتي دي قادر ي كريم
كانت صفية حزينة ومظلومه وسبحان الله ماكملتش تلت شهور وكانت
سمر في نفس حالها بل اكتر 
سمر عامله ايه ي صفية 
صفية في نعمة من ربنا
سمر زعلانه مني
صفية حطت الاكل ووقفت عند الباب مش وقته دلوقتي لما تشدي حيلك نتكلم
سمر لا اتكلمي يمكن ارتاح
صفية انتي عارفه انك غلطانه ويمكن تكوني انتي الوحيدة اللي عارفه سر غضوبتي ومشياني من البيت
سمر ڠصب عني
صفية معلش يعني مايخونش الا الخائڼ وانتي خنتي

جوزك واهلك
سكتت سمر وماعرفتش ترد وخرجت صفية بسرعة علي شقتها في الفترة دي ظهرت علي صفية اعراض الحمل دوخة وترجيع طلب جعفر تعمل تحليل وطلع موجب 
تأليف أماني عنان 
جعفر الف مبروك ي غالية
صفية تسلم وتعيش
خدي بالك من صحتك بقي وماتتعبيش نفسك عشان ربنا يتمم الحمل ع خير
صفية أن شاء الله ربك هو الحافظ
جعفر انا عايز اروح الغردقة اتفسح لي يومين قبل مارجع الكويت
صفية اجي معاك
جعفر ياريت ينفع انا طالع مع منصور ابن ابو بكر وأصحابه
صفية منصور اللي معاك في الشغل
جعفر ايوا نازل إجازة راخر
صفية زعلت وسكتت
جعفر ابقي كلمي نجاة مرته
صفية لا ماعرتاحلهاش
جعفر بيبلع ريقه براحه مع ضم شفايفه علي أسنانه جربي يمكن تبقوا أصحاب زي مانا وجوزها أصحاب
صفية حاضر عشان خاطرك كل حاجة ممكن
جعفر تسلميلي ي ام الغالي
صفية ياسلام ولو جت بت هترميها ياك
جعفر هههههه لا طبعا تشرف وانا هدلعها احلي دلع بس بقول واد ع اساس لغة القرآن بتخاطب الذكر والانثي احيانا بصيغة المذكر 
صفية ربنا يبارك فيك متدين وعارف شرع ربنا
جعفر بثقة الحمد لله
صفية بتقوم قعدها جعفر علي فين 
ريقي ناشف هقوم اعمل عصير او حاجة مسكره
جعفر عنك انتي الاول افرح امي بالحمل وبعد كدا طلباتك مجابة ي ام الغالية
ها زين اكده
صفية ههههه
أماني عنان
ام جعفر واخده ايد سمر وطالعة تشم هوا من الباب التاني للدوار الواسع بتاعهم له باب علي الشارع وباب علي أرضهم مزروعه قمح وجامب البيت علي طول فيها شجر فاكهه ولمونتين 
سمر انتي زعلانه عليا يامه ولا مني 
الام النصيب ي بتي هنعملوا ايه ادي الله وادي حكمته 
سمر ماعرفش ليه عمل كدا
الام مالوش عازه الكلام دلوقتي عشان مايزعلش
سمر قصدك ايه انتي علي طول كلامك غامض أكده
الام المفروض توعيه من نفسك بس مادام ده ماحصلش يبقي قلته احسن
جعفر جاي يجري زي العيل الصغير ياما
باركيلي ي ام جعفر
الام خير ايه حصل
سمر فرحنا
جعفر صفية حامل
الام سابت ايد سمر و زغرطة لوووووولووي الف مبروك ي حبيبي
سمر سكتت شويه وبصت لهم في زعل بس لحقت نفسها قبل ماحد يلاحظ وقالت الف مبروك ربنا يتمم بخير
جعفر تعيشي ي سمر
تعالي يامه عايزك
سحب أمه وساب سمر من غير مايقصد لوحدها 
جعفر صفية عايزا حاجة مسكره ايه عندنا حلو
الام بتعد علي أيدها في عسل ابيض وعسل اسود وحلاوة طحينية
جعفر سكتها تؤتؤ حلو اقصد كنافة هريسة أكده
الام لا مافيش
جعفر طب انا هروح اجيب
الام ماشي
جت سمر وحطت أيدها علي دقنها وقالت وهي بتلوي بوقها كن ولدك جن بخبر حمل مرته ي مه
الام هههههه لا هو بس مبسوط شويه
طبطبت عليها وقالت ربنا يرضيكي ي بتي انا طالعه اشوف صفية 
سمر اه وماله 
بصت في الدور الارضي مالقيتش غير صوت الفراخ نفخت بزهق ودخلت علي التليفون ورجعت تتكلم فيه عمال علي بطال
طلعت ام جعفر علي شقة صفية
صفية اهلا وسهلا
حماتها مبروك الحمل
صفية الله يبارك فيكي
حماتها عندك شاي 
صفية ضهرها ۏاجعها ودايخه ومع ذلك قالت ايوا 
حماتها هتستني اما اقولك اعمليلي مثلا !!
صفية لا طبعا من عنيا
بعد ماخلصت وحطت الشاي جه جفعر بسرعة ومعاه تلت علب حلويات
حطهم علي الترابيزة وفتحهم الا ونوح وسمر طالعين شافوا اخوهم اللي بيسافر وبيصرف عليهم تحت رجل مراته ومدلوق عليها وقفوا مذهولين من دلعه لها وكرمه معاها
جعفر بصي ي ستي دي علبة هريسة ودي مشكل فيها كل الانواع والتالته دي مشبك اتوحمي براحتك
صفية شالله يخليك يارب
سمر دخلت مبروك ي صفية
صفية في سرها هي ليلة سوده انا عارفه كنها ضرتي مش اخت جوزي
ردت الله يبارك فيكي ي سمر تعالي اتفضلوا
دخلت وقالت بببرود اكيد هنتفضل
جعفر هقوم احطلكوا طبق
سمر عنك انت انا هحضر
جعفر ماشي بس خلي الهريسه كلها لصفية عشان بتحبها وهاتي باقي الحلويات
نوح بارك لها وقعد جانب أمه وسمر جابت الاطباق وطالعه من المطبخ 
صفية بصت علي الاطباق وضحكت
جعفر بص لقي الهريسة متقسمه علي الاطباق كلها غمز لصفية تسكت وفعلا كلوا ونزلوا وماحدش اتكلم إنما صفية عرفت انها متراقبة ومحطوته تحت المجهر 
تاني يوم قبل سفر جعفر نوح بيلعب
كورة في الشارع وسمر في البيت وأمهم في السوق بصت لقت اخوها طالع بطبق الغسيل ع فوق استخبت وهي بتندب حظها 
الله يحرقك ي جميل ياللي ماعرفتش تكون نص جعفر لافي المصاريف ولا في المعاملة
فكرت شويه وراحت مطلعه التليفون ومصوره اخوها وهو بيعصر وينشر وبعتتهم علي ماسنجر نوح 
خلص كورة وفتح تليفونه وشاف الصور ي نهار ابيض كمان
سمر ولسه شكل بنت كيدة بلفت اخونا
نوح لا ودا ينفع دا هو

اللي بيصرف علي البيت
سمر طب اتصرف حل الربطة دي شويه خلينا نطمن
نوح فكري في حل علي ماجيلك
سمر ماشي 
تأليف أماني عنان
قفل نوح التليفون وهو بيغلي مش عارف يتصرف ازاي
نوح رجع لقي جعفر قاعد في الصالة وماسك تليفونه قعد يتكلم معاه كلام من بعيد عن أن الراجل لازم مايدلعش مراته زيادة عن اللزوم عشان هتشوف نفسها عليه ومش هيعرف يحكمها 
جعفر مش كل الستات زي بعض
نوح