يا جميل يا أسمر بقلم اماني عنان
المحتويات
ولسانها طويل مش هتسيبني في حالي
نوح ومين قالك أننا هنسكت لها
سمر قعدت علي كرسي المطبخ البلاستيك تؤ تؤ امينه غير صفية خالص دي شايفه نفسها ومستقويه بأهلها وجعفر ماعندهوش نية يبقي مطلق للمرة التانية ويجي يقعد جانبك
نوح الله الله قصدك جانبنا هههه
سمر من بكره هطلع من القائمة وابقي مدام شلبي
نوح طب اتلمي بدل ماطيره
سمر حرام عليك ي نوح دا انا اختك يعني تفرحلي
نوح ماشي هنجوزك وبعديكي علي طول اتأهل انا كمان الوحدة وحشه
سمر اتفقنا
تاني يوم نزلت امينه بدري زي ماطلب منها جعفر فات عشر ايام وقرب يسافر لازم يطمن أنها كويسه مع أمه وكله تمام فضلت تنضف علي الماشي كدا مش بضمير
لحد ما بنت حنان رجعت علي أرضية اوضة حماتها بعد ماكنستها وقفت متنحه جت حنان
حبيبتي مالك انتي كويسه
البنت لا بطني بتوجعني ي ماما
حنان تعالي اعملك حاجة دافيه تهدي معدتك
ندهت امينه وهي واقفه بالمقشه علي فين
حنان بتعجب هعمل لبنتي حلبة ولا نعناع عشان بطنها بتوجعها
شاورت علي الترجيع بايدها طب وبالنسبة للقرف دا مين هينضفه !
حنان بلمت زي العيلة الصغيرة ومش عارفه ترد
امينه أقل حاجة يعني أن بنتك عملته حضرتك تنضفيه مش الخدامة الفلبينيه في البيت اللي هتلم وراكوا
حنان حاضر همسحه عندك حق ي بت الأصول
بتلقح عليها وهي ولا هنا
سمر واقفه وشايفه الحوار لطمت علي وشها وقالت ي واكله امك دا انتي قادره وماعندكيش خشا
كانت هتطلع لها بس توقعت ردها اكيد هتقول لها نضفيه انتي أولي ببت اختك اختارت توقف تتفرج في صمت
جابت حنان الشرشوبة ونضفت الترجيع بالميه بس واقفه امينه
اوووف لسه في زفاره في الاوضة حطي ميه باريل عشان تنضف
حنان يالا ي بنتي تعالي اعملك حلبة
امينه رمت المكنسة وطلعت علي فوق حست انها مهمشه ومكروهه من عمايلها واسلوبها الناشف
بعد شويه جه شلبي ومعاه عياله امهم مېته طلب ايد سمر من جعفر وقال هنشاورها رد نوح قال هي موافقة
بص له جعفر معلش ي خوي من بعد اذنك يعني أنا اخدت رأيها
جعفر حرك أيده علي ركبته وقال طيب علي بركة الله نقروا الفاتحه
امها قاعده معاهم راحت مزغرده مبسوطة أن بنتها هتتجوز وتمشي من البيت لانها بتاعت مشاكل وحوارات
شلبي مېته الفرح ي ابو نسب
جعفر الخميس الجاي باذن الله اكويس عشان احضر قبل سفري
شلبي هو قريب قوي بس مش مشكلة الشقة جاهزة مانقيصش بس غير مرتبة جديدة وحبة رفايع نكملها سوا بعدين
نوح الف مبروك ي صاحبي
شلبي قام يسلم عليهم وهو مبسوط ومتفائل مايعرفش المصېبة اللي
هياخدها هتعمل فيه ايه هو وعياله
مدة إجازة جعفر خلصت بسرعة وسافر علي شغله زي ماقولنا نقاش في الكويت
صنايعي
وفضلت امينه مع أهله مطلعه عينهم سمر اتجوزت شلبي وفجأة لقت نفسها مسؤوله عن تلت عيال هي مش امهم بتكلمهم عشان يساعدوها مافيش فايدة
سمر ممكن تنضفوا الصالة بلاش ترموا الفتافيت كدا انا ضهري اتقطم
الابن الكبير يبص لها ويقشر سوداني ويرمي في الأرض
سمر افهم من كدا أنه عند
البنت دا دورك في البيت ي مرات ابويا
سمر مسكت التليفون وكلمت نوح قالت له شكلي مش هعمر في البيت دا انا متبهدله مع عيال عمرها ماهتعتبرني امها في يوم من الايام وشلبي ډخله يدوب علي قد بوقهم المفتوح ليل ونهار ومابيتقفلش غير لما بيناموا مش عايز عيال تاني
نوح حاولي معاه بطريقة الستات هو انا اللي هقولك
سمر مافيش فايدة مش كل الرجالة سهله قدام الستات زي مانت فاكر
نوح سكت وفكر وبعدين
رد ماهو طلاق انسي انتي ماكملتيش شهرين
سمر أكده طب سلام ي واد ابوي
صفية عدت فترة حملها بصعوبة كانت بتاكل وتشرب من معاش امها القليل وبواقي فلوس بيع دبلتها جه ميعاد الولادة ومش معاها ولا جنية
امها هنعمل ايه دلوك وانتي مخرجه اخوكي برا مشكلتك
صفية بټعيط اه بطني ي أمه ماقدراش
امها هكلم واد أخويا ياجي معانا عند دكتورك مش هو كان بيكشفلك بسعر مخفض
صفية بتعاني ايوا اي حاجة المهم اخلص بمۏت
خدوها في عربية وراحوا للدكتور ام صفية الحقنا ي دكتور بتي بتولد جاها الطلق من العصر
الدكتور طلعوها علي السرير
كشف عليها وهو هادي لحد ما خلص قال للاسف الولادة صعب تكون طبيعي
امها مسكت ايد صفية وقالت انت خابر بحالتها ومشاكلها مع جوزها
حط السماعة ورجع علي مكتبة وقال ماقدرش اساعدكوا في دي الولادة القيصرية ب 3000جنية ومصاريف لازم يبقوا معاكوا نصهم علي الأقل
امها وابن خالها سندوها وطلعوا من العيادة ركبت العربية وكملت عياط وصويت
صفية الله يحرقك ي جعفر حسبي الله ونعم الوكيل فيك زي ما ذليتني وقهرتني بدل ما تبقي جانبي مستكتر عليا وعلي ولدك الجنية اللي هنتداوا بيه
ابن خالها وبعدين كدا خطړ علي صفية وابنها كمان
امها ماعرفش اعمل ايه احنا غلابة وماشين بستر ربنا
ابن خالها انا عندي حل
امها الحقني بيه الله يخليك
يتبع
صفية بتصرخ وروحها بتطلع بصت للسما وكلمت ربنا عديني منها يارب زي ماعديتني من أوجاع كتيره يارب ي جعفر ي ولد خضرة ترجعلي زي الكلب مكسور وباكي تبوس جزمتي ورأس ولدي
بيدخل ابن خالها ها فاقت
امها لا لساها نايمه بعد صړيخ طول الليل ربنا سهل وولدت علي خير طبيعي الدكتور قال صعب الطبيعي بس ماكنش قدامنا غير المستشفي الحكومي وأننا نحاول نولدها طبيعي اتعذبت ي قلب امها
ابن خالها قلبي معاكي ي صفية
امها خليك معاها علي ماروح اعمل لها كوباية حلبة دافيه
ابن خالها اكيد
اول مامشيت خالته قعد جانب منها ومسك أيدها براحه وبدأ يتكلم وكأن ماحدش سامعه
ابن خالها الحمد لله انك بخير مع كل صرخه ليكي كانت بتقطع في قلبي وكأني السبب ماعترفتش لكي بحبي ومسكت فيكي فرق السن خلاني اخاڤ اترفض واخسرك كصاحبه واخت ولما اتقدم الزفت جعفر خطڤك بسرعة وفجأة ډخلتي في دوامة الغضوبة والحمل انا الاحتياطي في حياتك ي صفية
انا الحب اللي مش هيكمل
انا اليد اللي هتسندك من غير ماتبان في الصورة انا العيل الصغير اللي حب بت خالته الكبيره وخجلان يصرح لها
تأليف أماني عنان
صفية سمعت الكلام وهي وسط النوم والصحيان بعد دقيقتين فتحت عيونها شافت دموع علي خد صادق ابن خالها بس المها كان اقوي
صفية اه نادم علي الدكتور ي صادق تحت بطني قايد ڼار
صادق جري حاضر حالا هيكون عندك
امينه قاعده في شقتها واتأخرت في النزول حماتها اتصلت بيها الساعة تمانية زي ماكانت متعوده مع صفية فاكره أن بعد سفر ابنها امينه هتخدمها
امينه كنسلت بهدوء ونامت هي العجوزة المعتقه دي هتقرفني ولا ايه
خضرة مافهمتش أنها كنسلت افتكرت الجرس انتهي رنت تاني فردت
امينه الو
حماتها مانزلتيش ليه ي بتي
لوت بوقها وقالت بتك ي اختي علي الحنيه وانتي عقربه ومش جايلي من وراكي غير الهم قبر يلم العفش كله
حماتها انتي تعبانه ولا حاجة
امينه لا ماتعبناش بس نعسانه ممكن انام ساعة وابقي انزل
حماتها اتكسفت ترفض وقالت لها ماشي بس ماتتاخريش عشان عندنا خبيز هعجنه
امينه حاضر
الساعة عدت حداشر وأمينه مانزلتش قامت خضرة عجنت وخبزت علي نفسها ولما صحي نوح وشافها اتعصب جدا انتي ازاي بتخبزي وحدك فينها مرت ولدك
امه نعسانه ونايمه
نوح مافيش عندنا الجلع ده انا هطلع اخبط عليها
طلع
نوح فردت عليه امينه من ورا الباب
مين
نوح انزلي اخبزي مع حماتك مايصحش أكده
امينه انت بتعلي صوتك عليا ليه
مابراحه
نوح هو تلكيك انجزي امي من طلعت الشمس وهي بتعجن وتخبز لحالها
امينه هي اللي عايزا أكده كان ممكن تستني لما اصحي وانا اعجن
نوح انتي كمان هتقفي تردي عليا والله انتي لو مرتي ماكنتي قاعدتي فيها
امينه أديك قولتها لما ابقي مرتك تبقي تتحكم فيا
نزل نوح دمه بيغلي واعصابه شايطه كلم جعفر فيديو علي طول وحكي له فقال إنه هيكلمها ويعقلها
لما كلمها جعفر عاندت شويه لكن لما حلف بالطلاق ي تنزل ياتمشي عدت الموقف ونزلت
امينه انا عايزا اعزل منهم اخوك بيكلمني وحش
جعفر مافيش الكلام ده انا اتجوزتك علي اساس بيت عيلة وهيفضل بيت عيلة
امينه عشان خاطرك كلامك يمشي علي رقبتي
جعفر تسلميلي ي ست العاقلين
امينه حاف أكده
جعفر قصدك ايه
امينه مافيش هدية لمرتك حبيبتك ولا حتي مصروف اجيب اي حاجة تلزمني
جعفر خدي
من امك الحجه
امينه كمان حتي دي مع امك !!
كني واحده من الشارع مش مرتك ليا حق عليك
جعفر طيب خلاص هبقي احولك 500اجنيه تجيبي اللي يعجبك
سكتت امينه وهي بتفكر ي خربيت اهلك شكلك بخيل ومعفن وهتقعدني تحت رحمة امك تلت اسنين علي ماترجع من سفرك
جه الدكتور وكتب لها مسكن وطمنهم الحمد لله الام والطفل بصحة كويسه هتسميه ايه
صفية بترفع رأسها للدكتور بتعب وقالت سيف أن شاء الله
الدكتور عال عال سيف اسم جميل هيكون راجل ربنا يحفظه
امها شكرا ي دكتور
الدكتور العفو تقدروا تمشوا كتبت لك علي غسول استخدميه يوميا والجيل دا لسقف فم الطفل
امها تمام انا هجيبهم ي دكتور
صادق عنك ي خالتي انا هشتريهم علي ماتجهزوا
امها طبطبت عليه وقالت بحزن الله يكرمك ي ا بني ويسترك
جهزوا وخدت كيدة حفيدها وبنتها وطلعت من المستشفي طول الطريق يكلموا الواد
سيف حبيبي سامع امك وحاسس بيها
امها كي يعني هو لسه مستغرب كان فين وبقي فين
جه صادق بالأدوية ومشيوا عرضت عليه تمنهم رفض وقال والله ابدا اعتبريهم نقطة سيف
صفية شكرا ي واد خالي دا العشم برضو
صادق تعيشي ي ام الصغير
صفية كلمتي أهل جعفر ي أمه
امها سكتت وبصت لصادق لانه كان واقف وهي بتكلم نوح وقفل ف وشها السكة
الام ايوا
صفية وقالوا ايه
الام هيثبتوه ي صفية ماتقلقيش عمه هيروح بكره يسجله
صفية مش بس اكده ويبعت لنا الشهادة عشان نطعم الواد وياخد حقه زيه زي كل عيال البلد
الام اه أن شاء الله
الام مش واثقه أنه هيثبته اصلا لكنه مش وقته دي نفسه ولو سمعت خبر وحش ممكن تسخن أو تدخل في صدمة
نوح قال لامه أن صفية ولدت
امه صح جابت ايه
واد
أمه يبقي احمد علي اسم ابوي الله يرحمه
نوح ماشي بكره اروح اثبته
أمه شكله ايه
نوح وه انتي هتحني من دلوك نسيتي جلعها عليكي وردها في الكلام
لوت بوقها وقالت ابذمتك صفية ولا المكلوبه الجديدة
سكت ودخل علي اوضته وهو بيقول كلام شديد مافيش زيارة ولا عقلك يوزك توديهه ماتنسيش أنها رافعه قضيه علي ولدك وبتاخد حقها تالت ومتلت كل شهر
الام اللي تشوفه صح هعمله
قعدت في الصالة مبسوطة وبتفكر ياتري شكله ايه طب ريحته قلبي هيطير ويروح يطل عليه
ثبت نوح المولود ورجع علي بيته مابعتش حاجة لصفية تتصرف هي مش واعرة وبترفع قضايا تحلهه
دخلت بعده سمر بهدومها وبتعيط
سمر شلبي طلقني ي نوح
نوح بس ماتعيطيش كي ده حصل
سمر اتخانقنا خڼاقه كبيرة واتمسك برأيه أنه مش عايز عيال قولت اله مش عايز عيال ولا ماعدش فيك تجيب عيال قطعت الخلف اصلك راح نازل فيا ضړب وطاردني
سمعتهم امينه وهي نازله علي السلم راحت ضحكت هههههه
خضرة طالعه من المطبخ في ايه
امينه مبروك اقصد يادي الخيبة بتك اطلقت بعد اربع شهور جواز
خضرة مش معقول قولي انك اتخانقتي وراجعه
سمر لا صدقي اطلقت وجيتك يامه امال هروح فين
خضرة لطمت علي رأسها يالهوي يانا ي مرك ي خضرة وحظ عيالك الشين
امينه مالحقتيش ي بخيته
نوح ماتتكلمي عدل ي مرا انتي !
امينه مالكش فيه
نوح لا دا انتي ناقصه ربايه ومالكيش قعاد فيها يانا ي انتي في البيت ده
امينه بثقه يبقي انا اللي هضل ي راجل البيت
نوح طلع شدها من أيدها وعايز يرميها بره امه بتشد فيه تحوشه
سيبها يابني كفايه فضايح لحد أكده
نوح لازم تغور بوز الفقر دي
سحبت أيده وقالت مش انت اللي تمشيني لازم اسمعها من جوزي
نوح بس أكده ساهله
اتصل بجعفر فيديو وحكي له كل اللي حصل وكان متابع تصرفات مراته بس بيعدي عشان المشاكل لما
اتحط في الاختيار الصعب دا بص علي كل الموجودين وسكت
نوح لا ي واد ابوي لازم تقرر وتستحمل نتيجة اختيارك عايز مرتك تبقي ولا اخوك
جعفر
يتبع
امينه واقفه واثقه في انوثتها وسيطرتها علي جوزها مستنيه تسمع جعفر وهو بيطرد نوح من البيت نهائي عشان تتحكم هي في أمه واخته اللي اتطلقت للمرة التانية نوح كمان مستني ولما أخوه طول في السكوت قلق
عرق ووشه اتغير سأله تاني
نوح وه هو الرد صعب عليك أكده
جعفر لا مافيش بعد الاخ حاجة اسمعي كلام نوح ي امينه روحي لاهلك ولما ترجع هاجي اخدك
امينه هههههههه لما ترجع لا ي سبع خليك مرتاح انا وناسي هنعرف نتصرف
خدت بعضها ومشيت بتنفخ ڼار من كتر حړقت ډمها واول مارجعت بيتها أمها قوتها
امها الناس الوطية دي لازم تتأدب
امينه ابن خضرة فاكر اني هقعد حاطه ايدي علي خدي ومستنيه جنابه يعاود ايد ورا وايد قدام بعد مايحول كل قرش لامه والله دي رجالة اخر زمن بقت الست تعرف عن الرجولة اكتر منهم
امها انا هكلم المحامي بتاع العيلة يرفع عليه
قضية خلع
امينه اموافقه واخد كل حاجتي وقايمتي يتصرف ويقول إن اخواته ضړبوني وطردوني والشهود عليا
امها الايام بيننا ي عيلة نص كم
تأليف أماني عنان
رفعت امينه قضية خلع فعلا علي جعفر وكسبتها خدت قايمتها عشان كانت دي الجوازة التانية لها ماكنتش قائمة كبيرة خدت 50الف جنيه كل حقها
ورجعت ام جعفر وسمر وحدهم والمره دي نوح اللي قرر يتجوز بما أن مراته رافضه تعيش في الصعيد وتعاشر أهله خدت ابنها وسافرت علي مصر ودا كان سبب الطلاق الاول بجانب تصرفات أخته وأنه ودني ومالوش موقف حط عينه علي عروسة حلوة بنت الجيران ومستني يكلم اخوه عشان يخطبها له أو علي الأقل يبارك الجوازة بفلوسه تعلقه بالبنت دي حوله لانسان تاني هادي وحالم وبدأ يسحب نفسه من حوارات أخته وأمه واحده واحده
في بيت صفية كانت محتاجة شهادة الميلاد عشان تطعم ابنها قالت لامها كلميهم
امها ماحدش بيرد ونوح بيقفل السكه في وشي
صفية يعني ايه
امها يعني شكلهم زي ما قال فضل مش عايزين الواد
صفية
امها ماتروحي لجدته ومعاكي سيف يمكن قلبها يحن
صفية انتي فاكره نفسك في مسلسل الضوء الشارد يامه اخاڤ يطمعوا في الواد ويرموني
امها كي يعني دا لسه عمر سبوع
صفية وداد صاحبتي بتشتغل في الصحة هخليها تعملي كراسه له واطعمه بيها لحد ما ربنا يأمر ويفك كربنا من عنده
امها تفتكري ينفع
صفية ايوا انا كلمتها قبل الولادة وسالت علي التطعيمات قالت الصحة بتشدد أن الطفل يطعم اهم حاجة وهي هتعمل كراسه عشان نبقي زي شهادة كدا والموضوع هيمشي
امها طيب هتصرفي منين ال 300اجنيه بتوعهم خلصوا واحنا لسه في أول الشهر الواد محتاج بامبرز ودوا الواد
صفية ربك يفرجها
امها حطت أيدها علي خدها وسكتت بعد شوية الباب خبط
فتحت كيدة مين
ام رمضان الداية انا
كيدة اهلا وسهلا ي ام رمضان
ام رمضان مسا الخير انا جايه اطل علي صفية واديها نقطة ولدها وهمشي ع طول زمانها تعبانه
صفية قامت مبسوطة ومش عارفه تخبي ابتسامتها ي اهلا تعالي ي خاله
ام رمضان لا اقعدي ارتاحي ودفي نفسك واخدي ال 200 اجنيه دول نقطة المحروس اسمه ايه
صفية كانت هتعيط وهي بتاخد الفلوس تبططبت عليها وقالت ربنا يريح قلبك ي بتي
صفية اسمه سيف
ام رمضان محفوظ من عند ربه أن شالله هو عوضك وسندك في الدنيا عن اذنكم فوتكم بعافية
صفية شكرا ي خالة نورتيني
كيده ماتقعدي كمان شويه مستعجله ليه
ام رمضان ي بخت من زار وخفف
صفية مع السلامة
اول ما امها قفلت الباب دخلت تضحك وتقول لصفية والله كن فيكي حاجة لله ي صفية
يالا هاتي اجيبلك الدوا
صفية خدي بس حافظي علي الفلوس يامه
امها حاضر
هو المطلوب اوبس مش هزود حاجة
صفية براوه عليكي ان شالله تعيشي يامه انتي حاجة حلوه في وسط كومة هم
فوزية عدت فترة الحداد مصډومة ومش مصدقه أن همام ماټ وساب لها عيلين بتحاول تقاوم السقوط بالعافية جه سعد الصغير وطبطب علي كتفها
سعد هو خلاص أكده يامه مش هنشوف ابويا تاني
فوزية بتمسح عيونها خلاص ي ولدي اللي بېموت مابيرجعش تاني لكن ممكن يجيك في الحلم أو تفرحه انت بالصلاة والدعاء له
سعد مش بسال عشاني انا خلاص بقيت راجل انا بسأل عشان فرحه اختي
فوزية خدته في حضنها ربنا موجود ياحبيبي ماتحملش هم حاجة
سعد انا عايز اشتغل في محل ابويا بعد المدرسة ممكن يامه
فوزية ياريت ينفع عمامك شداد ومتحكمين في كل حاجة
سعد
ازاي وهو دكان ابوي
فوزية هو صح حق ابوك بس باسم جدك يعني عمامك لهم فيه زي ماحنا لنا فيه
سعد ايوا عشان أكده
الباب خبط قامت فوزية تفتح راح سعد قال لها خليكي هفتح انا
سعد اهلا ي عمي
فوزية مين
سعد دا عمي الكبير يامه
فوزية اهلا وسهلا اتفضل ي حج
دخل راجل خمسيني لابس جلبية وعليها كفيه بيضا له شنب ولابس طقية علي شعره
يزيد فضلك ي ام سعد
فوزية تشرب حاجة
مسك أيدها واول مابصت له پغضب شال أيده لا اقعدي عايزك في كلمتين
فوزية اتفضل
الحج بيوصلك مصروفك كل شهر كامل مش أكده
فوزية بتسمي 700اجنيه من معرض ادوات منزليه كل شهر حق عيلين هما أصحاب المال من الأساس
الحج تؤ تؤ مابلاش الكلام اللي يزعل ده وندخل في الموضوع
فوزية ساكته فكمل كلامه
الحج الخميس الجاي هتكوني وفيتي عدتك وانا عايزك في الحلال قولتي ايه
فوزية وقفت فجأة انت بتقول ايه ي راجل ي مچنون انت !
حط أيده علي كتف سعد وقال دا مش عشانك دا عشان عيال اخويا لازمهم راجل وبصراحه أكده انتي لسه صغيره وحلوه ومايصحش راجل غريب يخش عمارتنا
ويفضل خارج داخل علينا
فوزية عمارتكوا اه قولت لمراتك انك عايز تتجوزني
الحج لمس شنبه وقال بشويش ماهو هيكون جواز سري بيناتنا بس اكون معاكوا وقت مالظروف تسمح وبالنسبة للاجنيه هيزيدوا ويبقوا 1500قولتي ايه
فوزية بصت في وشه الرفيع المعضم وقالت اعوذ بالله والله لو كنوز الدنيا ماوافق ابدا
الحج أكده يبقي انتي اللي اختارتي الشقي لكي ولعيالك
فوزية وهو بيقفل الباب حسبي الله ونعم الوكيل في كل مفتري واكل حق يتيم أو طمعان في جمال حرمه
تأليف أماني عنان
سعد هو ينفع الكلام اللي عمي عايزه ده يامه
فوزيه كلام ايه مالكش صالح انت امشي علي اوضتك
سعد قولتلك انا مابقيتش صغير
فوزية صړخت امشي من وشي سيبوني لوحدي
صفية عايزا تروح تجيب القبض من المركز بعيد شوية عن قريتهم طلبت من امها تخلي سيف معاها
امها لا مابقدرش عليه زنان وبيفرك كتير
صفية واي فيها عشان خاطري يامه خديه ساعتين زمن علي ماجي
امها قولتلك لا عايزا اعمل وكل اختك زكية جاية هي وعيالها التوأم ودول اشقية ممكن يدهسوا ولدك من غير ماحد بالي
صفية حضنت ابنها وقالت لا وعلي ايه قال يدهسوه قال !!
في الصعيد اللي بتتجوز بعيد ممكن تقعد شهور واحيانا سنة علي ماتشوف أهلها بحكم البعد والمسافات حتي أهلها ممكن يعدي عليهم يوم واتنين ومايذكروش اسمها مادام مافيش مناسبة
خدت الطفل معاها وراحت طابور طويل وزحمة وهي تعبانه وعطشانه واقفه مستنيه الملاليم بتوع جعفر
ندهوا اسمها جريت خدت الفلوس وروحت ولما رجعت لقت سيف سخن مولع راحت بيه علي الدكتور وصرفت نص الفلوس علي علاجه امها عرفت وسكتت فضلت قاعده مع احفادها التوأم ومكبره دماغها
دخلت زكية ومعاها شنطة هدوم شتوي قامت صفية مبسوطة ياما انت كريم يارب ابني هيتكسي ويخف عني حمل اجيب له منين
زكية ايه عامله
صفية الحمد لله كويسه
زكية جبتلك كام ترنج لولدك أن شالله ياجوا علي مقاسه
صفية تسلمي وتعيشي
زكية ولدك كيفه دلوك
صفية بخير الحمد لله سخن من الشمس ومع الكمدات والخافض هيبقي كويس
زكية ربنا معاكي ويشفيه
صفية عامله ايه وعيالك فينهم
زكية اكويسه في نعمه ناموا الصبح شوفيهم مش عايزا حاجة
صفية لا شكرا خير ربنا كتير اصلا ماكانش له لزوم تتعبي نفسك
زكية دي حاجة بسيطة
طلعت زكية وقفلت صفية الباب دخلت غيرت الكمادة علي رأس سيف حطتها في الميه ورجعتها علي رأسه تاني وبعد كدا راحت تفتح الشنطة فضتها كلها علي الارض وقعدت تقلب في الهدوم وقامت معيطه
تفتكروا عيطت ليه
يتبع
فتحت صفية شنطة الهدوم الشتوي اللي جبتها اختها معاها هدية واول ماشافت الهدوم عيطت رفعت اول ترنج كان لونه اصفر واقع عليه شاي او حاجة سودا علي صدر التي شيرت من فوق سابته ومسكت واحد تاني لقته محروق من الدراع كل حاجة فيها قطع او لسع أو وساخه عيطت من قلة حيلتها وأنها مش هتقدر حتي ترجعهم لأختها الغريبة اللي المفروض تشتري للطفل ولو ترنج واحد بس يكون جديد ونضيف !
صفية فضلت تجمع بنطلون الأصفر علي اي تي شيرت الترنج الاسود لحد ماجمعت لسيف كام طقم نص نص بس اهو احسن من مافيش
صفية نص العمي ولا العمي كله ي ولدي
بكي الصغير علي فراشه قامت تجري اسم الله عليك يابا مالك
عايز تشوف اللبس الجديد لا ماينفعش تلبسه علي طول أكده هغسله الاول
سيف تعبان ومحتاج الدوا كل
ست ساعات عشان السخونية تنزل
تأليف أماني عنان
بعد يومين الولد بقي كويس الحمد لله والحياة مشيت لكن ببطء رهيب وملل حاسه انها قليلة الحيلة بس هتعمل ايه مش هتعرف تشتغل طول ما ابنها لسه رضيع محتاج لها وفي نفس الوقت حتي اللقمة اللي هتقويها عشان تعرف ترضعه مافيش عايشه علي القليل فول وطعمية وعدس ومكرونة اي حاجة سعرها مناسب تفضل تحسب اجيبها ولا لا عشر مرات قبل ماتاخد القرار وتجيبها في الوقت اللي جعفر كان بيبعت لامه فلوس ياكلوا احسن اكل ويلبسوا احسن لبس
خضرة واولادها قاعدين يتغدوا
سمر مش عايزا كتف يامه هاتيلي صدر
خضرة وانت ي نوح تأكل ايه
نوح اي حاجة كلها فراخ هههههه
سمر شاطر لفيني يامه هو هيحش وخلاص
خضرة يابوي منكم ناقر ونقير
نوح قدري
سمر بوقها مليان اكل وبتضحك
خضرة قولت لجعفر علي صفية عرف أن مرته خلفت
نوح حط الاكل علي الطبق وبلع ريقه بصعوبة وقال نسيت
أمه ودي حاجة تتنسي دلوك يقول بنخبي عليه الواد مولود اديله سبوعين اوداخل في شهر
نوح هقوله بعد الاكل
خضرة ماشي كلمه قدامي عشان عايزا اكلمه
نوح حاضر كملي اكلك طيب
خضرة اديني
بعد الاكل نوح رن علي جعفر ماسنجر وكلمه
الو
جعفر ازيك ي نوح ايه عامل
نوح الحمد
لله بخير
جعفر فينك مختفي ليه
نوح اليومين اللي فاتوا دول كانوا دوشة وانشغلت في تسجيل ولدك مبروك مجالك ياخوي
جعفر بتتكلم جد حمل صفية بت كيدة كمل
نوح ايوا وجابت احمد
جعفر الله اكبر احمد جعفر عسران
نوح ربنا يجعله صالح ا وبار بيك
جعفر اللهم امين وهي عامله ايه كنت شويه ولا لسه متفرعنه
نوح كلام صدق لسه ي والد ابوي مايقدر عليها غير ربنا
جعفر خلاص خليها لما تعرف أن الله حق وتتربي
نوح اللي تشوفه ي اخوي
جعفر امك كيفها وسمر
نوح بخير بيسلموا عليك خد امك معاك اهي
كلمتوا وبعد ماخلصوا كلام خد نوح التليفون وراح بعيد
سمر مال ولدك امشرق يامه بيقول سر عاد
خضرة يمكن أو بيستلف فلوس ههههه
سمر راحت وراه وسمعت كلامه
نوح بقولك ي جعفر
جعفر قول عيوني
نوح عشت ربنا يخليك ليا
جعفر قول قلقتني في حاجة
نوح ايوا انا عايز اتجوز
جعفر مافيش أمل ترجع مرتك
نوح هي مارضياش تعيش معانا وعايزا تسكن جامب امهه
جعفر ابراحتها فكر في نفسك ومالكش صالح بولدك انا متكفل بيه
نوح طب حيث كدا كنت محتاج منك 30 الف اجنية عشان اجيب اوضة نوم جديدة ودبلة وخاتم للعروسة
جعفر سكت شويه اممممم بص الدنيا ملخبطة اليومين دول خليها علي أول الشهر الجديد قولت ايه
نوح ماشي علي خير ان شاء الله
جعفر مين العروسة
نوح اسراء جارتنا
جعفر الحلوة ام عيون سودا دي
نوح احم مااغلب البنات عيونهم سود
جعفر لا البت ام حسنة تحت خشمها
نوح وه انت حافظ البنيه مش أكده ي خوي دي هتكون مرتي برضو
جعفر هههههه بتأكد بس انها هي يالا الف مبروك بت راجل ومؤدبة انا اختبرتها قبل أكده
نوح قصدك ايه
جعفر لا ماقصديش اتقدم انت وسيبك من اللي فات
بعد مرور ست شهور نوح كان اتجوز ومراته حامل كمان وسمر أتقدم لها عريس مخلف خمس بنات أربعة متجوزين وفاضل واحده هتعيش معاها ووافقت راحت بيت جوزها وفضلت خضرة اغلب الوقت لوحدها فقررت تروح تشوف حفيدها من غير ماتقول لحد اشترت له لبس داخلي وطقم خروج وراحت
صفية فتحت الباب واول ماشافت حماتها بكت
حماتها السلام عليكم ورحمة الله
صفية لسه فاكره تسألي عنينا
حماتها مش وقته عتاب ممكن اشوف احمد الاول
صفية خبطت علي صدرها وقالت يانهار اسود انتوا ثبتوا الواد احمد !
انا قولت لنوح هسميه سيف ليه كدا حرام عليكوا هو مش انا أمه اللي حملت فيه تسع شهور وسهرت وتعبت جانبه من حقي اختار اسمه علي الأقل
دخلت حماتها البيت وطبطبت عليها ماتزعليش يبقي في الشهادة احمد وانتي نادمي عليه سيف
سمعت صوته بيعيط مشيت ورا الصوت ودخلت شالته وباسته
حبيب قلب جدتك خد
صفية ايه دا
دي نقطة متأخرة بس لابد منها 100 جنيه ولبس وفاكهه
صفية تشكري
حماتها انا لازم امشي ماحدش يعرف اني هنا
صفية البيت مفتوح لك في أي وقت
حماتها دا العشم ي أصيلة ي بت الأصول
في بيت جوز سمر مقتدر وعنده فلوس كتير ومجتهد في شغله كل يوم يصحي من الفجر ياخد عربيته ويعدي علي عمال أرضه ويتابع جمع المحاصيل بنفسه وبعد كدا يروح السوق عنده محل ملابس اطفال كبير وكله اولاد بس بما أنه مالوش اولاد فبيفرح لما يلبس الشباب من عنده ويدخلوا ويخرجوا علي محله حاجة
كدا في نفسه مابيتكلمش عنها ولا بيقول لحد عليها بعد جواز سمر بشهر قابلة سلفتها صدفة وهي طالعة تنشر الغسيل
سمر ايه عاملة
سلفتها احسن منك
سمر حطت سبت الغسيل ووقفت لها مالك ي مرا انتي
سلفتها مالي عنديكم وهناخده قريب
سمر بتقولي اكده ليه
سلفتها طلبت من جوزك اللي هو عم ولادي يشغل ولدي الكبير معاه قال مابحبش الوسائط في الشغل وان الواد يدلع علي حس فلوس عمه اوماله مش كله ليه في الاخر
سمر قصدك ايه دي فلوس جوزي وبناته مالك انتي
سلفتها هههههه ليه هو انتي ماتعرفيش أن اللي ماجابش واد اخواته وولادهم بيورثوا فيه
سمر حطت أيدها علي وسطها وردت ومين قال إنه ماجابش العمر لسه قدامنا كبير والايام مابيننا ماتستعجليش علي رزقك
سلفتها اتغاظت ونزلت من غير ماترد ولا كلمة جت تنكد عليها راح اتحرق ډمها هي
سمر في سرها والله كن عندك حق انا ياللي اتجوزت تلت مرات وماحبلتش هعرف اخلف ولو صرصار حتي ! يالا اديني بكيدها وخلاص عشان تبعد عن طريقي مانقصاش عقارب ياربي في كل جوازة عفريت
بنت جوزها بتكنس الشقة وبتساعدها في شغل البيت الحياة كويسه سلبياتها سلفتها وولادها التلاتة فقرا وعاطلين وعينهم علي فلوس عمهم من غير وجه حق كلهم طمع ومركزين اوي في كل كبيرة وصغيرة تحصل عنده ومنتظرين خبر مۏته
صفية مش لاقية تاكل
بالمعني الحرفي للكلمة واي كلام تاني او شعارات مش هتعبر عن حالها هي وابنها كلمت امها أنها لازم تشتغل لكن هتسيب ابنها مع مين قالت لها خديه معاكي
راحت صفية تشتغل في حضانة لاول مره تقرر تكسب لقمتها بنفسها وبتعبها قبل كدا كانت متستته في عز ابوها أو في بيت جوزها فجأة إرادة ربنا أنها تتبهدل وتضطر تعتمد علي نفسها كان المدير متعصب شويه وشديد مالوش دعوة بظروف أو غيره اهم حاجة عنده الشغل يمشي صح
الصبح دخلت صفية مسحت الحمام ونضفته وملت الجردل عشان لو المية قطعت الاطفال تلاقي مية
المدرسة بتنادي عليها صفية
جت تجري وسايبه سيف علي المرجيحه دلوقتي بقي عمره سنتين ولسه عند جدته ام أمه
المدرسة محمد عايز يروح الحمام وديه
صفية حاضر تعالي ي حبيبي
خلص الطفل حمامه وهي ساعدته يلبس واتاكدت أنه اتشطف وخرجت اتفضلي ي أبلة الاستاذ محمد خلص حمامه
المدرسة تمام نص ساعة والحصة تخلص وتدخلي تكنسي الفصل
صفية
المدرسة 1 ونص
صفية ياه كل دا حضانه والنبي وقت طويل علي العيال
المدرسة قفلت الباب ودخلت تكمل شرح طلعت صفية تدور علي ابنها مالقتهوش علي المرجيحه والبوابة مفتوحه
صفية يانهار اسود ومنيل ابني ابني راح فين
يتبع
لما خرجت صفية ومالقيتش ابنها صړخت وجريت علي بره سندت علي البوابة وطارت كل اللي في تفكيرها ابني اتخطف واللي خدته اكيد مالحقتش تبعد انا ما اتأخرتش
سيف ي
متابعة القراءة
