يا جميل يا أسمر بقلم اماني عنان
المحتويات
اسالني انا ي خوي مرتي اقصد طليقتي كنت بعمل اللي يريحها وبعد كدا بقت تبجح فيا وكانت عيشتي كلها ند بالند وكأني متجوز واحد صاحبي
اتعدل جعفر في قعدته وبدأ يفكر قال بصوت واطي
انا طالع الغردقة بكره خد بالك من صفية ولو حصل اي حاجة خبرني ع طول
نوح اكيد تروح وتيجي بالسلامة
سافر جعفر وقعد يومين وفي التالت كان نوح وسمر مخططين هيعملوا ايه كويس
نوح ها جاهزة
سمر هصورهم الاول وانت تبعتهم
نوح وقف بعيد عن سمر وقال وهو بيرفع شفايفه وماتبعتيهمش انتي ليه كل حاجة نوح
سمر شدته من أيده عشان يفهم
انا لسه متطلقه جديد هيقول منفسنه من مراته فهمت
نوح فكر شويه وقال ماشي روحي انتي صوري وانا هبعتهم
سمر أما اشوف بقي هيعمل ايه اول مايشوف خيبة مراته
يتبع
سمر ماسكه التليفون وواقفه تصور في المطبخ وهي متكاده ومغلوله عماله تحقد علي مرات اخوها هي احلي مني ف ايه عشان تتجوز واحد زي جعفر طول بعرض وفلوس وانا اتجوز جميل المقشف وكمان مش عاجبه !
نوح بيشاور لها انجزي لصفية تنزل
سمر ههههه ماتخافش الهانم قالت ضهري واجعني من الحبل وطلعت علي شقتها
نوح حلو فين امك
سمر ليه
نوح عشان يبقي الكلام مؤثر ي غبية وينحرر جعفر شويه لما يشوف امك بتشتغل في البيت ومراته نايمه وسايبه المواعين في الحوض وبواقي الاكل علي الرخامة والدنيا مقلوبة كدا
سمر هي قالت لي تعبانه وانا لمحت لها أنها حامل ولازم ترتاح
نوح شاطرة في وشها قويها خليها تبعد اكتر عنه وتزود غضبه من غير ماتحس
سمر تعالي نصور امك كمان
نوح فين هي
سمر في الغيط بتجمع خط البامية
نوح طلع صورها وهي رابطة وسطها وبتجمع البامية مره قاعدة علي الارض من ۏجع رجلها ومره وهي شايله القفه
سمر كدا تمام يالا ابعت بقي ووريني رده اول ما يقرأ
تأليف أماني عنان
بعت الصور وقال له مراتك من ساعة مانت ساعدتها في الغسيل وهي نايمه ومش بتسأل في البيت ولا ف امك جعفر اتشحن للآخر واتصل بيها
التليفون بيرن وصفية نايمه تعبانه فعلا اول شهور الحمل اعياء وإرهاق عام للجسم ڠصب عنها
اتنرفز اكتر
جعفر شباب انا مسافر قنا الليلة
منصور ليه حصل حاجة
جعفر صفية تعبانه شويه
منصور والنبي انت مجلعها قوي ي جعفر
جعفر يظهر كدا
قبل الساعة اتناشر كان واقف قدام الباب
امه فتحت له
جعفر حمدالله ع السلامة مش قولت هتيجي يوم الجمعة لسه يومين
رد عليها بسؤال صفية فين
الام نايمة قال تعبانه
جعفر هي هتسوق فيها ولا ايه
الام معلهش ي ولدي خليها تاخد لها يومين
جعفر ماتستاهلش دي حتي مافكرتش تتصل تسأل عليا
طلع علي فوق بسرعة وهو مش مركز فتحت له الباب
صفية حمدالله ع السلامة
جعفر هتيجي منين السلامة مع واحده تنحه زيك
صفية ليه كدا
جعفر سايبه الموعينات مزبطه ليه ونايمه عايزا امي اللي تغسلهالك !
صفية وانت ايه عرفك
جعفر مالك انتي
صفية واضح أن في ناس كتير هنا پتكرهني وبتوقع بينا
جعفر ماتسبيش الموضوع المهم وتقولي كلام ماسخ مالوش لازمة
صفية وطي صوتك فرجت الناس عليا
جعفر شدها من أيدها جامد
صفية صړخت وحطت أيدها علي بطنها خاڤت منه فراحت زقاه جامد ودخل الشيطان اكتر وحس أنها واعره وقاصدة توقعه
جعفر انتي بتزقيني ي واكله ناسك والله مانتي بايته فيها
صفية وايه يعني هتخرجني من الجنة
جعفر اطلعي والله لاندمك علي كل كلمة قولتيها
أهله سمعوا صوتهم وكالعادة ماحدش طلع يحوش أو يصلح مابينهم وكأن مرات اخوهم عدوتهم
امه استهدي بالله ي ولدي
جعفر مسك القله اللي علي الارج وكسرها بيكيد فيها يالا ياك ماتدخليها تاني
صفية انت راجل مخك مش
سليم ابن امك
حماتها أمه ومالها أمه
اتحولت لفضيحه علني والناس كلها سمعت صوتهم
روحت صفية لامها تاني بعد تلت شهور من الرجعه الاولي بس المرة دي بقلب جامد لانها مش حاسه بالأمان مع الناس دي بكلامهم وقسوتهم حست انهم خطړ عليها وعلي ابنها
أماني عنان
صفية وهي مروحه خدت تليفونها معاها كان في أيدها رنت عليها اختها فوزية بالصدفه وكأنها حاسه بيها فتحت الخط و هي بټعيط
فوزية مالك ليه باكيه
صفية اتخانقت مع جعفر
فوزية تاني انتي لحقتي
صفية
انتي اللي بتقولي أكده امال امك واخوكي هيقولوا ايه !
فوزية بهزر معاكي ايه اللي حصل وفينه جوزك دلوقتي
صفية الخناقة كبيره والمخفي طردني
فوزية ي نهار ابيض الساعة اتناشر ازاي يطلعك دلوقتي
صفية مش جديدة عليه دا راجل وش من بره عيره متدين وأخلاق إنما في الحقيقة أنا بس اللي اعرفه كل راجل معاه سر عشرته زوجته بس اللي بتشوفها
فوزية ماتزعليش عشان الحمل شوية وهيجي يردك
صفية ادعيلي اعرف اتعامل مع امك
فوزية تعرفي اني بتخانق برضو بس مابرضاش اغضب اصلي هروح فين احنا غلابة قوي ي صفية ومالناش حد بعد ابونا بقينا زي العريانيين في ليل البرد ????
صفية عيطت ربنا موجود
فوزية انا هقفل عشان همام رجع هفتح له الباب ابقي طمنيني عليكي
صفية ماشي
فوزية متجوزه في مصر وجوزها عامل بسيط في مصنع أغذية بيعبي ويشيل كراتين شبسي وكرانشي فتحت له ودخل تعبان
فوزية حمدالله ع السلامة ي همام
همام الله يسلمك الاكل جاهز
فوزية ايوا ادخل استحمي واول ماتطلع هيكون جاهز
همام انا تعبان اووي ونفسي ارتاح
فوزية من ايه برضو حملت علي نفسك واشتغلت بزيادة النهاردة
همام قعد علي الكرسي وكمل كلامه حاسس اني مش مطول في الدنيا ي فوزية وخاېف اوي عليكي انتي والولاد
صحيح هما فين وقف مخضوض
فوزية اهدي بس مالك كدا مش طبيعي
همام دخل بسرعة علي اوضة عياله لمس وش بنته وغطاها وفي السرير التاني كان نايم سعد ابنهم
فوزية واقفه تبتسم علي الباب ربنا يخليك لينا ويحميك ي همام
همام خدها تحت دراعه ومشيوا
فوزية جهزت الاكل واتعشوا وناموا
خبطت صفية علي امها فتحت بعد عشر دقائق
كيدة بتي مالك
صفية اتعاركوا معايا من غير سبب يستاهل وجعفر مسك فيا وطردني
الام تتقطع يده منهم لله مستقويين نفسهم علي ايه
صفية مبسوطة من كلام امها وقلبها ارتاح حست انها اتغيرت وهتوقف جامبها ومادام امها معاها يبقي اكيد فضل هيساعدها ومش هيمشي ورا مراته كالعادة
بس سؤال هو ليه الست اللي جوزها بيمرمطها ويهنها بيطلع اخوها حنين وماشي ورا مراته
دخلت غيرت هدومها وامها نامت وقالت الصبح ابقي اقول لفضل زمانه نايم مع عياله اخوها متجوز وعنده بنت
عدي يوم واتنين وشهر وماحدش جه يصالحها وبدأت المعاملة في بيت اهلها تتغير كانوا فاكرين أنها هتغضب اسبوع ولا اتنين وتمشي خصوصا انها حامل
فضل مش بيوجه لها كلام ولا بيسال عنها علي طول مشغول أو طالع يقعد علي القهوة أما مراته فهي وش مشاكل وكل شويه خناقات صفية كمان شديدة ومابتسكتش بعد اول خناقة بيت مرات فضل وصفية استنت تشوف رد فعل اخوها وراجلها الوحيد لقته مع مراته
رجعت لوار ومشيت من قدام بيتهم كان بيت فضل في وش بيت ابو صفية
تاني يوم راحت مرات فضل بيت حماتها قابلتها صفية
ايه اللي
مرات فضل داخله بيت ام جوزي لا مالكيش مكان هنا اطلعي بره
مرات فضل مش كلمتك
كيدة في ايه
صفية امبارح ابنك نصرها عليا المفروض تخلي في وشها ډم وتقتصرني شويه
مرات فضل مش كفاية اهل جوزك مقتصرينك هبقي انا كمان !
كيدة بصت لمرات ابنها روحي علي بيتك ي سناء وخدي بالك من كلامك
مرات فضل مش هي دي الحقيقة ماحدش طايقها ولا سأل عنها
صفية مش كل الحموات زي امي ولا كل الرجالة زي اخويا
سناء الله اكبر
بصت صفية لامها لقتها ساكته هي كمان قامت داخله اوضتها وقالت
دي اوضتي هقفلها وهعيش لوحدي مش عايزا حاجة من حد لا شفقة ولا تلقيح كلام فهمتوا سيبوني في حالي الله لا يسئكم مانقصاش هم فوق همي كفاية الحمل وتعبه والغضوبة وحړقت قلبي
قفلت الباب وعيطت مش عارفه هتصرف منين بعد ما امها سابت الأرض لاخوها وضيعها صفية كدا بقت ست وحيدة وحامل ومش معاها ولا جنية غير دبلتها الدهب وحلقها
جه فضل عرقان ووشه احمر
كيدة مالك ي فضل فيك ايه
فضل مصېبة
سناء ابويا ماټ
فضل اتلهي أبوكي دا هيخلص علي البلد كلتها
كيدة انطق
فضل جعفر اا
يتبع
دخل اخو صفية مخضوض وبيتنفس بصعوبة من صډمته اول ماعرف ولما سألوه ايه اللي
حصل رد بصوت واطي
جعفر أتجوز !
كيدة ي مري كي يعمل أكده ومرته حبله دا بدل مايجي يصالحها
سناء لوت بوقها وسكتت فهمت أن قعدت صفية مطوله
فضل انا عرفت بالصدفة أصله اتجوز مطلقه من عيلة أبو فهيم والموضوع تم بسرعة
كيدة شالله مايوعي يفرح لا هو ولا أمه زي ماكسروا بتي وهدموا فرحتها
فضل فين صفية
كيدة جوا في اوضتها
فضل لازم تعرف عشان تشوف هتعمل ايه
كيدة هتعمل ايه في ايه مافيش عمل بعد اللي حصل هو كدا باع خلاص
سناء بصوت عالي لا بلاش ي اخويا مش لازم صفية
تعرف دي حبله والاخبار الوحشه غلط عليها
فتحت صفية وعيونها قوية أو بتتظاهر بالقوة قدام أهلها خير خاېفه عليا من ايه ي مرت اخوي
فضل جعفر أتجوز
صفية يالهووي ي خړاب بيتك ي صفية
قعدت علي الارض وفضلت ټعيط بحرقه ليه كدا يامه
والله ماعملت حاجة انا بټعذب علي ايه بس ياربي
حسبي الله ونعم الوكيل فيك ي جعفر ي ابن خضرة
كيدة قومي الأرض ساقعة عليكي ھتموتي هتضري نفسك لعله خير وانتي ماتدريش
بصت صفية لهم ودخلت اوضتها وهي حاطه أيدها علي بطنها
انت اللي طلعت بيك من الجوازة دي سندي اللي هيخاف عليا من غدر الناس وظلمهم
صح انت اللي هتبقي حنين عليا وتعوضني عن القسۏة دي
نامت ليلتها وكأنها نايمة في بركة مية كل شويه تتقلب في سريرها وجسمها بردان بتترعش وحزينه ضهرها بيوجعها من الحمل وتكوين الجنين الست لما بتكون حامل بتكون في أضعف حالاتها بتحتاج حب واهتمام ونضافة واكل وكل دا طبعا من اللي حواليها هي كفاية عليها شايله الطفل ف بطنها وبيتغذي منها لكن مين يفهم ومين يحس
ربنا موجود
كيدة قعدة مع فضل شوية بعد ماسناء مشيت قالت وهي محتاره
هنعمل ايه ي ولدي
فضل بقرف اسألي بتك قوليلها عملت ايه وليه أهل جوزها زعتوها أكده
كيدة مافيش كلمة تستاهل هما اللي ناس متكبره ومفتريه من بكره هروح افرج عليهم الناس
فضل دخن سېجارة ونفخ في الهوا لا مافيش مرواح هناك بلاش لتقابلي العروسة الجديدة وتشوفيها وهي صاحيه من شقة بتك
كيدة وه كمان علي عفش صفية
فضل ايوا
كيدة لازم تتصرف وتجيب حق اختك
فضل خد نفس تاني من السېجارة وقال بشويش قومي نامي ي ام فضل انا عارف هعمل ايه
كيدة هتعمل ايه
فضل مش دلوك
قامت بالعافية ومشيت لاوضتها يارب هون علينا الحمل زاد والهم كتر
تأليف أماني عنان
فضل رمي السېجارة وداس عليها بشبشبه وهو بينفخ ومتغاظ قال والله لاحړق قلبك ي جعفر الكلب
أماني عنان
في شقة صفية دخل جعفر شايل العروسة بين أيده وهي ماسكه في رقبته وبتضحك
العروسة نزلني قبل ماتوقعني
جعفر بهزار ليه هي سوسن اللي شيلاكي
امينه هههههه له راجل وسيد الرجالة كمان
جعفر ايوا أكده لازم تثقي فيا وف قدراتي
امينه صوح انت جيبت عربية واحده بس ليه وانت جاي تاخدني
جعفر نزلها واستغرب من تدخلها في اتفاقات الرجالة أو الشكليات التافهه دي مالك انتي !! انتي عروسة ركزي في نفسك وجوزك بس
أمينة وه مش من حقي استفسر عموما ماتقلقش ناسي كتير ومعارفهم يامه قاموا بالواجب
بلع جعفر الكلام ڠصب عنه وډخلها اوضة النوم
أمينة هي نفس الاوضة بتاعت مرتك الأولي
جعفر بقولك ايه بلاش نحكي في المحكي وتعالي افرجك علي السرير
أمينة شدت أيدها ماهو قدامي اهه مش محتاج فرجه
جعفر قلع الشال وهو بيتكلم بصوت مش مسموع هي مالها كالحه أكده ولا كأنها اول مره تتجوز
أمينة اطلع عايزا اغير الفستان
جعفر ههههه غيري انا مش غريب
امينه لا بتكسف
جعفر بصي ي بت الناس انا أجلت سفري سبوعين مافيش غيرهم حاولي تنجزي قبل فوات الأوان
امينه ابتسمت وفهمت كلامه
العيلة تحت بلبس الفرح قاعدين في الصالة
بهية قاعدة مكشرة سالتها سمر بمكر شكلك مافرحناش لاخوكي ي بهية
بهية ها
نوح قومي ناكل حلويات ي واكله ناسك انتي
الام بيتي معانا الليلة وبكره روحي
بهية لا ماقدرش انا هروح عشان الولاد
سمر سبيها يامه عشان العرسان تاخد راحتها
بهية وايه علاقتي بيهم ربنا يسعدهم
سمر بضحك يارب عقبالي
بهية لسه عايزه تتجوزي ياك
سمر لا هقعد جارك
بهية بس انا متجوزة
سمر صوح ماباينش
بهية قصدك ايه
سمر قصدي جوزك ماباينش ماجاش معاكي ليه
بهية تعبان شويه فقولت اسيبه مع الولاد واجي لحالي عشان مايعملوش دوشة عند أهل العروسة
سمر امممم الف سلامة
بهية الله يسلمك
نوح خد سمر ودخلوا جابوا صنية جلاش وقعدوا ياكلوا سوا ويتكلموا عن اللي بيحصل
نوح اخوكي ماكدبش خبر واتجوز مرتاحه دلوك
سمر وانا ايه عرفني أنه سريعه كدا انا فكرته هيسافر ويرجع بعد سنتين يرد صفية وخلاص
نوح شكلنا هنوقع في شړ أعمالنا
سمر
بوقها مليان اكل بتشاور لا لا امينه غير أهلها كبار وعندهم كتير
نوح مش يمكن تكون دي المشكلة ي فالحة
سمر ازاي
نوح ناسها كبار يعني مطالبها كتير واخونا حيالله نقاش في الكويت هيكفيها ولا يكفينا
سمر بلاش تشائم يمكن العكس وأهلها يجيبوا لها ولنا ههههه
نوح نفسي اتفائل بس مش عارف
فوزية قاعدة مع جوزها بتشرب شاي في البلكونه وبيتكلموا شويه وحواليهم العيال
همام امتي دا حصل
فوزية من اسبوع تقريبا كلمتني صفية وبتعيط
همام تصدقي جعفر دا راجل ناقص ومايتحسبش علي الرجالة اصلا
فوزية نصيبها كدا مش كل الناس زيك ي ابو سعد الله يخليك لينا
همام الراجل اللي يعرف ربنا مايبهدلش
مرته دي امانه لو كرهه يفارقها بالمعروف وكل واحد يروح لحاله بس يديها حقها احتراما للعشرة وتنفيذا لكلام ربنا
فوزية مش عارفه راح صالحها ولا لسه رنيت علي صفية مافتحتش شوية كدا هكلم امي
همام وشويه ليه قومي دلوك اسألي عن اختك وخدي بحسها كفاية أننا متجوزين بعيد عن البلد مش عارفه تروحي لهم
قامت طبطبت علي كتفه ودخلت تكلمهم
رنت تاني علي صفية ماردتش برضو كلمت امها
كيدة كيفك ي فوزية ايه عامله
فوزيه
كيدة ماتشغليش بالك انتي اخبار جوزك وأولادك ايه
فوزية كي يعني ماشغلش بالي طمنيني ي أمه الله يخليكي فينه صفية
كيدة قافله علي روحها من امبارح
فوزية اتعاركت هي وسناء تاني
كيدة لا جوزها اتجوز عليها
خبطت فوزية علي صدرها وقالت ي مصېبتي أكده من غير مقدمات ولا يحاولوا يصلحوها
كيدة اللي حصل اتفاجئنا كلنا امبارح
فوزية الله يحرقه مطرح ماهو قاعد
كيدة ادعي احنا ولايه بايدنا ايه غير الدعاء والحسبنه
فوزية ماتسكتوش لهم لازم حد يوقف لهم
كيدة مش عارفه فضل ناوي علي ايه في رأسه حاجة وهينفذها ربك يسترها
فوزية وصفية عامله ايه
كيدة مش مبطله عياط وندب جوا
فوزية عايزا اكلمها
كيدة هشوفها لك
خبطت امها علي صفية ي صفية افتحي كلمي فوزية عايزاكي ضروري ي صفية مش عايزا شفقة من حد قولت مره سيبوني في حالي كلكم
كيدة سمعتي بنفسك
فوزية طيب انا هقفل دلوقتي وبالليل هتصل بيكوا تكون بقت احسن
كبده ماشي مع سلامة الله
لوووووولووي دخلوا أهل امينه بالاكل والفاكهه وطلعوا علي فوق ماسابوش قشايه لحماتها
فتح لهم جعفر ودخلوا الحاجة علي المطبخ
ام العروسة مبارك ي عريس وينها امينه
قامت العروسة لابسه عباية سكري منقوشة بالدهبي ردت بسرعه انا اهو يامه نورتي
ام العروسة مبارك ي حبيبه
امينه تسلمي
جعفر امال فين باقي العيلة
ام العروسة ليه انت عايز الرجاله كلها تيجي الصباحيه ياك
جعفر يعني الأصول
قعدت حماته علي الانترية في الصالة وشاورت لمراتات ولادها التلاته طلعوا بره بعد مادخلوا الحاجة وقالت لجعفر عادتنا عيبه الراجل يروح يصبح علي بته أو خيته بعد الفرح بمدة هياجوا
جعفر بص لامينه كدا وقال بشويش انتوا مش قاعدين معانا في نفس البلد ولا ايه جبتوا العادات دي منين !!
ضحكت وقالت عدي اهلي كبار ودقه قديمه
جعفر ماشي امنور ي حماتي
سابهم براحتهم ودخل الحمام
امينه اتوحشتك قوي ي أمه
امها عامله ايه وهو عامل ايه معاكي زين والله لسه بقي نشوف الجيش اللي تحت
امها ولا حد يقدر يرفع عينه فيكي هما مايعرفوش انتي بنت مين عاد
امينه ايوا صوح عشتي يامه هو انا اسوي حاجة الا بيكم
تأليف أماني عنان
امها ماتسكتيش لحد من اولها أكده اللي هتعمليه النهارده هتفضلي تعمليه طول حياتك امعاهم واللي هتعديله غلطه بكره يدهسك ويبقي يقولك معلهش
الليل عتم علي القرية كلها والناس دخلت بيوتها مافيش غير فضل بره مراته افتكرته قاعد علي القهوة فراحت تنام أما أمه لا مستنياه وقلقانه
فضل يامه ليه فايقه
وقفت بتدعك في عيونها مستنياك
مسا الخير
صوت ست كبيرة بصت ام صفية كويس لقتها ام رمضان الدايه مساء النور
في ايه حصل حاجة ي ام رمضان
شدها فضل وقال بحدة صفية فين
كيدة شاورت علي اوضتها وهي مذهوله في اوضتها
فضل تعالي ي ام رمضان هتعملي اللي اتفقنا عليه ولا من شاف ولا من دري
ام رمضان فكرت كويس ي ولدي
فضل ايوا دا اسلم حل
ام رمضان وهي موافقه
فضل هتوافق ڠصب عنها
تعالي ورايا فتح الباب ودخل علي صفية وهي نايمه وقال
يتبع
صفية قامت مڤزوعة ايه ده ازاي تدخل عليا أكده ي فضل !
فضل خشي ي ام رمضان
صفية قعدت علي السرير ورجعت للحيطة وسندت بايدها لورا وبتسأل ام رمضان مين
فضل الداية
صفية ليه
فضل عشان تنزلي الجنين ماعيزنهوش لازم احرقهم كلياتهم بجاز ۏسخ دا لو كانوا مهتمين بعيال من أصله
صفية بتهزر صح
فضل شوفي شغلك ي ام رمضان
صړخت صفية
فيهم ووقفت علي السرير اياك تقربيلي ي ست انتي انتوا مجانين ولا كفرة عايزين تسقطوني ليه هو اللي في بطني دا مش ابن حلال من زوج وزوجه ازاي تفكروا أكده وازاي تتبعيه
ام رمضان هو قالي انك موافقه
صفية لا ماموفقاش واتفضلي اطلعي بره
فضل السکينة سرقاكي وهتندمي جوزك اتجوز غيرك وبيقضي شهر العسل وانتي قافله علي نفسك في اوضة قد العلبة وحامله همه وهم ولده
صفية انا مايفرقش معايا كل الكلام ده اللي يهمني هو ولدي أمانة ربنا ليا
ام رمضان بتقرب منها زعقت فيها
بعدي عني والله ابلغ عنك قبليه
مسكت أيدها وقالت بحنان ماتخافيش ي بتي مادام عايزه تحتفظي بجنينك مافيش قوة في الأرض هتوقف قدامك انتي الام اللي حملاه في بطنها وان
ضاقت عليكي الدنيا فرحمك لولدك براح
صفية تشكري ي خالة
فضل هتندمي ي صفية انا بقولك اهه
صفية مالكش صالح
فضل افتكري انك اللي خرجتيني برا حياتك
صفية وافتكر انت كمان انك عايز تغضب ربنا وتقتل روح بتتكون جوا اختك ي خال العيل
شاور بايده بعدم اكتراث وطلع من الاوضة
ام رمضان عن اذنك وربنا معاكي حملك تقيل قوووي
صفية يارب ادعيلي محتاجه الدعوات الصالحة يمكن ربنا يستجيب
ام رمضان أن شاء الله
جعفر عمال يخرج من اوضة يدخل في التانية ويقول لحماته اللي فضلت قاعدة يوم الصباحية طول النهار امنور ي حماتي
حماته دا نور ربنا ي ولدي
امينه اخواتي عاملين ايه
جعفر رد مكان حماته هيكونوا عاملين ايه ي بنتي انتي لساكي عروسة ماكملتيش يومين !
امها وايه فيها حنينه وقلبها علي أهلها
جعفر لا ولا حاجة طب استاذن انا بقي
امينه علي فين
جعفر هنزل عند امي
امينه بدري أكده مش تقعد في شقتك سبوع لاول
بص لامها وضحك سبوع اه مابينش
حماته بصت له بطرف عينه وسكتت
تأليف أماني عنان
نزل لامه وكان نوح بره وسمر قاعدة قدام التليفزيون وهو مش واخد باله اتكلم بشويش مافيش حل يفجر حماتي ونخلص
امه هههههه من اولها أكده
جعفر مش قوي بس هي باردة شويه قاعدة ومش راضية تنزل
امه معلهش يمكن متوحشه بنتها أو صعبان عليها بعدها
جعفر مسك طرف جلابيته وطلع علي الارض من الباب التاني وهو بيشتم يظهر أن النسوين كلهم زي بعض عقلهم فسافيسو خالص
سمر بتضحك
كلمتها امها انتي هنا ي مضړوبة
سمر لا دا شبحي
امها ماتقومي تتصرفي وتنزلي الوليه دي تكمل قعدتها عندنا لو عايزه تحكي أكده
سمر لا ماليش صالح انا يامه خليهم مع بعضيهم
امها علي رايك يصطفوا
جعفر ماشي يقطع في ورق الشجر وعمال يفكر والله شكلك اتسرعت ي جعفر ولبست في جوازة شينه
ام جموسة وبتها تلاجة ومش مربايه علي الأصول
خرجت ام رمضان وفضلت صفية لوحدها حزينة ومهمومه مستغربه من اللي بيحصل لها علي طرف لسانها تسأل ربنا
ليه كدا ي رب وتستغفر قبل ماتنطقها فجأة قررت
صفية انا لازم اخد حقي منهم واطلع عينهم مش ممكن ابقي لقمة طرية ياكلني ابن خضرة ويرميني من بكره هرفع عليه قضية نفقه بحكم اني مرته وحامل منه
وفعلا باعت دبلتها وحلقها وراحت لمحامي معرفه قريب من بيتهم ودار بينهم حوار
المحامي انا مقدر موقفك لكن يؤسفني اقولك معلومة قد تحزنك
صفية خير ي أستاذ والله انا ماناقصه
المحامي مادام جوزك مش موظف ومش معلوم راتبه فالمحكمة هتحكم لك ب 300 اجنيه بس
صفية بس ودول يعملوا ايه في الغلا ده
المحامي وقف من علي مكتبة وبص من الشباك شاف واحد معدي بجموسة وواحد تاني ماسك فاس قال لها لو مافيش امل للتفاهم الودي ارجعي للمحاكم
صفية مافيش هما ماصدقو زعطوني وجوزوه طوالي وانا راضية 300اجنيه احسن من عينهم
المحامي تمام اعمليلي توكيل وان
صفية تشكر ي ا رائف بس ممكن أسألك سؤال متأخر شويه
رائف اتفضلي
صفية أتعاب حضرتك كام
رائف خليها علي الله
صفية لا ابجد عشان اعمل حسابي بس
رائف ماتقلقيش انا مش عايز حاجة اعتبريها خدمة إنسانية
صفية ربنا يكرمك والله الناس الخيرة اللي زي حضرتك كدا اللي بتصبر الواحد علي مصايبه ويقول لسه في رحمة في قلوب بعض الخلق
رائف توكلي الله ولو في اي جديد هبعتلك فورا
صفية ان شالله تعيش
بعد مانزلت ام أمينة عدت علي حماتها واختها سمر في الصالة رمت عليهم السلام ومشيت
ام أمينة تصبحوا علي خير
خضرة ماتبيتي معانا الليلة
بصت لها من فوق لتحت ومشيت
سمر هي مالها دي !!
خضرة كبري مخك ماتجبيش سيرة لاخوكي ماتعكريش فرحته
سمر واكله ناسها دي كنها قرفانه منينا
امها يمكن ماسمعتش
سمر ماسمعتش كي ي ام جعفر دي عينها في عينك وانتي بتتحدتي
امها انسي وتعالي نشوف المسلسل اهو احسن من الاشكال
دي
سمر هههههه ع قولك
دخل جعفر بردان من الباب اللي ناحية الأرض وبيسال
ها حماتي نزلت
امه ايوا
طلع جري علي فوق
سمر بتضحك والله لتوريه النجوم في عز الضهر شايفه ولدك مدلوق عليها كيف
امها بيهزر امعانا
سمر والنبي انتي طيبة وعندك لكل حاجة حل
دخل نوح من برا مبسوط
سمر خير مالك ي ولد ابوي
نوح ابسطي جاكي عريس
سمر لوووووولي
نوح مش لما تعرفيه الاول
امهم بټضرب كف بكف وتقول وهو بتهز رأسها ي خيبتك في ولادك ي خضرة هيموتوا علي الجواز وبعد شهرين يتطلقوا
سمر كشرت شاور لها نوح وقال سيبك منها تعالي بصي عليه من الشباك شلبي صاحبي
سمر وه الاقرع !
نوح ههههه هز رأسه وهو بيضحك ايوا قولتي ايه
سمر تنحت وقالت والله كنه عقاپ ربنا في
الدنيا ليا
تأليف أماني عنان
شلبي مستني تحت البيت وهو ماسك منديل وبيمسح قورته ومقدمة شعره
سمر بتريقه المنديل سايح في صحرا مش عارف الفرق بين قورته ورأسه ????????
همام بعد ماخلص ورديته بدري نص ساعة كان قوي وبيشيل كتير راح يفتح فيس وبعت لفوزية علي الفيس بوك
همام بتحبيني
فوزية خلصت شغل
همام ردي عليا وبلاش جو رد السؤال بسؤوال
فوزية اصلك غريب ماكيد بحبك امال اتجوزتك ليه وخلفت منك كمان
همام يعني لو مت هتتجوزي غيري ولا لا
فوزية بضحك طبعا ودي عايزا سؤال اشمعنا انتوا ي رجاله مابتربعنوش حتي وتتجوزوا بحجة العيال والونس !
همام بزعل أكده طب مش جاي
فوزية لا لا خلاص ماتخافش أن شاء الله أن ھموت قبليك بس انت شيل الافكار دي من راسك
همام ماشي العيال بيعملوا ايه
فوزية سعد بيكتب الواجب وبتك بتسرح للعروسة اللي جبتها لها امبارح
همام بيبتسم مبسوطة بيها حبيبتي ان شاء الله اعيش واشوفها هي عروسة واسلمها لعريسها بيدي
فوزية أن شاء الله بالا مستنينك
حل الليل في المصنع والعمال بتغير هدومها بعد الشغل المتعب طول اليوم كله لبس وراح علي الاتوبيس
السواق يالا نتوكل علي الله
قام واحد جانبه كرسي فاضي وقال لا لسه همام ماجاش
السوق مش المفروض متفقين كله يكون في الاتوبيس الساعة 12
العامل عمره ماعملها
عامل 2 يمكن في الحمام والحالة متعسرة معاه
هههههههه
السواق انزل شوفه المصنع بعيد عن المعمور وصعب يلاقي مواصله لو سبناه هنا
العامل حاضر حتي دا صعيدي يعني مايعرفش الطرق زين
عامل 2 كنك فيومي مانت بلدياته
وقف العامل الأول وڠضب ماقصدش حاجة شينه انا بقول أنه غريب وأولي بالاهتمام
السواق فضوها سيرة وانزل يالا
راح العامل يدور علي همام في الحمام مالقهوش رجع اوضة تغيير الهدوم واول مافتح الباب زعق الحقوني ي ناس الحقني ي ريس
يتبع
العمال كلها نزلت من الاتوبيس علي صړيخ صاحبهم واول ماوصلوا ضربوا كف بكف وقالوا
لا حول ولا قوة الا بالله
ريس العمال ازاي دا حصل
العامل دخلت عليه لقيته واقع علي الارض والتليفون في يده
الريس بلغوا البوليس يجي يعاين ليكون في شبهه جنائية
السواق مافتكرش
العامل صاحبه بيعدله ويعيط لا انا افتكر دا لسه في عز شبابه مالحقش يفرح بعياله
ريس العمال فيه أو مافيش الشرطة هي اللي هتحدد
وفعلا جه البوليس والاسعاف خدت الچثة علي المستشفي وطلع تقرير بسبب الۏفاة أزمة قلبية الكل كان مستغرب لكن قلبهم مقشعر من عظمة المشهد الراجل كان معاهم ووسطهم وفجأة اتخطف بدون اي مقدمات
السواق أمر الله
العمال ازاي بس دا كان كويس جدا واشتغل احسن واحد فينا !!
صاحبه كان قلبه حاسس سبحان الله النفس اللي ھتموت وتفارق بتحس
السواق دا لو كان عمله كويس أو خاېف علي غالي
صاحبه اكيد مراته وعياله ربنا يتولاهم اسمع أن أعمامهم وحشين وبص عليهم لأنهم كانوا واقفين بيطلعوا تصاريح الډفن
السواق مراته عملت ايه لما عرفت الخبر
صاحبه محجوزة في المستشفي خلينا نطمن عليها
صاحبه شاب تلاتيني والسواق كبير في السن اول ماوصلوا لباب الاوضة وقف لهم اخو المېت الصغير سعيكم مشكور ي رجالة
السواق الست ام سعد عامله ايه
اخوه ربنا يتولانا برحمته
صاحبه وشوش السواق الراجل ده جلياط وقاصد يحرجنا يالا بينا
السواق واجب مانسبهمش دول مالهمش مصدر دخل غيره
صاحبه لا عنده محل وأخواته بيتصرفوا فيه وشقه ملك
السواق عشان كدا
صاحبه ماتسبقش الأحداث ي راجل ي طيب ربنا يتولاهم برحمته وكرمه
تأليف أماني عنان
السواق ربك موجود وعالم بنفوس عباده
صاحبه كل نفسا ذائقة المۏت ربنا يثبتك ي همام اطمن عيالك في رقبتي
خلصوا إجراءات الډفن واهل فوزية عرفوا جه اخوها فضل بس يحضر العزاء وبعد تالت يوم مشي كانت أخته بدأت تفوق وتتقبل نصيبها وقسمتها في الحياة مۏت جوزها وترك بنت وولد صغار في رقبتها
أماني عنان
ام جعفر بتتصل
علي تليفونه بعد العشا قام من سريره ورد
جعفر الو ايوا ي حجه في حاجة
امه اختك جت من السفر تعالي سلم عليها وعلي عيالها
جعفر اختي مين
امه اختك اللي مسافره هتكون مين حنان بت ابوك
جعفر سكت شويه وافتكر شجرة العائلة الكبيرة صح دا انا ليا اخت من الاب متجوزة في الاردن
صحيت امينه تدعك في عيونها ايه في ايه
جعفر قومي اختي تحت ولازم تستقبليها
امينه وه مانا لسه مسلمه علي بهيه هي سيرة وسمر كدا كدا تحت
جعفر لا دي اخت تالته من الاب كانت مسافره ولسه راجعه هتسلم وتقعد يومين وتروح شقتها في المركز مش مطوله
امينه بصوت نعسان بكره بكره النهار له عنين
جعفر دلوك فزي واسمعي كلام راجلك
قامت متضرره لبست ونزلت وراه سلمت عليهم وقعدوا في اوضة الانتريه وسمر بتخدمهم واول مازهقت من العروسة الجديدة اللي فاكره
أنها ضيفه ندهت عليها
سمر امينه
بصت لها من تحت لفوق فشاورت لها طلعت
امينه نعم
سمر شيفاكي قاعده ومريحه يعني ماتقومي تعملي شاي ولا عصير كفايه اني حضرت الاكل
امينه وايه يعني هو مين اللي كل مش اختك وعيالها
سمر عضدت علي سنانها وقالت انتي مرات اخويا يعني دا بيتك ولازم تشيليه
امينه وانتي بيتك فين
سمر وشها جاب الوان وسكتت كملت امينه بشويش لما ت م ش ي هبقي اخدمهم انتي ماتشلتيش
رجعت قعدت مع الضيوف تاني بمنتهي الهدوء اتسحب نوح وراح
نوح سألها ايه فيكي
سمر لسه شلبي رايدني
نوح ايوا ي بت ابوي مانا قولت له ادينا فرصة نفكر
سمر اموافقه
نوح بجد
سمر ايوا قول له يجي بكره وحدد فرحنا قريب مش بعيد
نوح ماتقلقيش كدا كدا مابيدوش فرصة تعارف للمطلقة ماعرفش ليه
سمر مش وقت عمق واستفسارات احسن خليني امشي من البيت دا اتخنقت منه بتتكلم وتمسك رقبتها
نوح مش معقول سمر ضعيفه كدا مين حط عليكي ي تري
سمر المحروسة الجديدة شكل نابها ازرق
متابعة القراءة
