كاملة
اسكريبت كامل بقلم هاجر القاضي
المحتويات
بت عايزاك تجبيه عندك وهو موطي راسه وبيقولك يلا بينا نرجع
_تفتكري يا ماما ده هيحصل
كانت لسة هترد عليا سمعنا صوت خبط على الباب غطينا كلنا شعورنا وبعدها قومت فتحت
_عمو!
_ادخل ولا لأ يا بنت اخويا
وسعتله من قصاد الباب ودخلته قعد على الصالون
ابتسمتله
ثانية والقهوة بتاعتك تبقى عندك
_أنا مش جاي اتضايف يا هاجر
بصتله باستغراب فشاورلي اقعد فقعدت جنبه
_من أمتى وأحنا بنظلم يا هاجر من أمتى وأحنا بنيجي على خلق الله من أمتى وأحنا بنحرم الأب من ضناه بقى في ست محترمة تدخل جوزها القسم!
ابتسمت بسخرية
_قول كدا هو اللي بعتك!
قومت وقفت
_معلش يا عمو أنت عارف مقامك كبير عندي ازاي بس دي حياتي وأنا عارفة أنا بعمل إيه كويس هو بعتك عشان عارف غلاوتك عندي وأني مقدرش أكسرلك كلمة بس المرة دي لأ
قام وقف قصادي
_لما تبقي جبروت تبقى عارفة أنت بتعملي إيه كويس! لما تحرمي أب من عياله تبقى أنت الصح! لما تدخلي ابو عيالك الحبس وتألفي فيلم هابط تبقي دي حياة!
_أنت متعرفش هو عمل فيا إيه
رد عليا بصوت عالي
_عمل فيك إيه ها بقالك ٨ سنين متجوزاه مشوفناش من الراجل عيبة
_ده رماني أنا وعياله
_آه مش هو اللي أختار أرض البور خليها تجبله عيال بقى
مسك دراعي بحدة
_اسمعي يا بت أنت عياله هيشوفهم وقت ما يحب وإلا قسما عظما ما أنا داخلك بيت تاني ولا ليك عم وخليك في الدنيا دي لوحدك
_كدا يا عمو بقى تخلي واحد غريب يوقع بينا!
_هو موقعش بينا الراجل اتصل بيا وقالي كل حاجة حصلت قالي عندها كل حاجة الشقة بعفشها بالفلوس اللي كنت بديهالها مش هتنقص جنية أنا عايز أشوف عيالي وبس
_يعني هو عايز العيال
هز راسه بمعنى آهه
_وهو اللي سخنك عليا بالشكل ده
خدت نفس عميق ورنيت على زين وكلهم بيبصولي ومش فاهمين في إيه
_بعد أذنك يا زين تعالى دلوقتي أنا عند ماما
قولتله كدا ومدتهوش فرصة يرد قفلت السكة في وشه وأنا بفكر في اللي ناوية اعمله
فضلنا كلنا قاعدين مستنينه وأول ما وصل قام عمو فتحله الباب
_اتفضل يا زين
قربت منه بعصبية
_بقى أنت مسخن عليا عمي! خليت الراجل يقولي تعتبري أن ملكيش عم وخليك في الدنيا لوحدك!
_أنا مسخنتش حد على حد أنا حكيت كل اللي حصل
_أنت عايز إيه بالضبط
_عايز عيالي
بصتله بتحدي وبدأت أنده على يونس
_يا يونس
_أنت جيت أخيرا يا بابا
_جيت يا حبيب بابا أنا معاك أهو
_يونس
_نعم يا ماما
_اختار حد فينا
عمي قرب مني
_أنت مچنونة! إيه اللي بتقوليه للواد ده!
_محدش له دعوة ده ابني وأنا ادرى بمصلحته
_أنا ماشي يا حج
_لأ استنى عندك يا زين وخلينا نخلص خالص عشان أنا زهقت
وطيت ليونس وطبطبت على كتفه
_أختار يلا يا حبيبي
كانت الدموع مالية عنيه
_بس أنا بحبكم أنتوا الاتنين
_محدش بياخد كل حاجة في الدنيا دي يا يونس
زين شده من قصادي
_أنت مچنونة أنت شايفة بتقولي لعيل عنده ٧ سنين إيه!
_مش أنت اللي عايز كدا هو أحنا وصلنا لكل ده بسبب مين ما هو بسببك
_أنا كل اللي طلبته أني اشوف عيالي
_أختار يا يونس يلا
بدأ يعيط
_يا ماما أنا بحبكم أنتوا الاتنين
_لو معملتش اللي بقولك عليه يبقى
كدا أنت مش بتحبني
_متسمعش كلامها يا يونس
_لو أختارته يبقى كدا أنت ملكش ماما وهبقى مۏت بالنسبالك
مسح دموعه
_هو
أنا كدا مش هشوف بابا تاني
_بعدين يا
بصيت على زين شوفته وهو بيقاوم عشان الدموع متنزلش من عينه
نزلت يونس على الأرض وخليت منة تدخله الأوضة
فضلت واقفة باصة لزين مستنياه يقولي يلا نرجع بس هو مقاليش كدا! بالعكس ده مسك نفسه وكأنه بيقولي أنه عمره ما يتكسر قدامي!
خدت نفس وعليت صوتي
_أظن أن كدا خلصنا يا زين
فتحت باب الشقة
_يلا اتفضل من غير مطرود ملكش حاجة عندنا وابنك واخترني
مردش عليا ومشي من سكات
_اتفو على دي تربية
غمضت عيني ورديت عليه بعند
_أنا مغلطتش في حاجة يا عمو
_لأ غلطتي والغلط راكبك من فوقك لتحتك أسوأ حاجة لما يتسلط على الإنسان نفسه وأنت لا حول ولا قوة إلا بالله
شاور على ماما
_شايفة أمك دي خربت بيتك من تاني زي ما خربت بيتك الأولاني وفرقتك عن اللي بتحبيه بحجة أنه الحب مش بيأكل عيش وفي الأخر طليقك الاولاني ربنا كرمه واتجوز وعاش عادي بعد ما اطلقتي مكانش قدامك غير أنك تبقى زوجة تانية والحمدلله الراجل طلع كويس ويعرف ربنا وعادل فضلت تزن على ودانك وتقولك خليه زي الخاتم في صباعك واسير تحت دراعك وفي الأخر إيه أطلقتي أمك دي مش ديمالك ما هي مش مخلدة في الأرض في الأخر أنت اللي هتبقي لوحدك
شاور على منة
_شايفة صاحبتك دي اللي قاعدة بترفعلك قواضي عليه وتقولك تدخليه القسم ازاي آخرها معاك لحد الساعة كام وتروح عشان جوزها وتسيبك ضيعتي راجل زي الفل بسبب شيطانك وشيطانهم وفرقتي أب عن عياله
بلع ريقه
_عارفة حتى عيالك مسيرهم يوم ويسبوكي ويروحوا ليه هو أنت فاكرة أن يونس هيسامحك ابنك عمره ما هينسى اليوم ده الله يسامحك يا شيخة ويهديك قبل فوات الآوان
قال كدا وبعدها مشي كنت محتارة جوايا جزء
_لسة تعبانة
بصتلها وهزيت راسي بمعنى آه
_حسبي الله ونعم الوكيل في كل من ينكد ويقهر بنتي كدا
_تفتكري يا ماما عمو صح
_عمو مين اللي صح هو عمك ديما كدا يحب ياخد اللقطة ويتقال عنه العاقل وبعدين يا عبيطة عيالك عمرهم ما يقدروا يسيبوك بقى هيسيبوا أمهم ويروحوا برجليهم لمرات أبوهم!
_معاك حق يا ماما
_تبديد عفش
_يعني إيه يا منة
_يعني ترفعي عليه قضية بأنه سرق العفش بتاعك
_بس هو مسرقش حاجة والعفش في البيت هناك عادي
_الموضوع بسيطة نسرقه أحنا
_أزاي يعني!
_أزاي دي سهلة وكدا كدا أنت قاعدة مع طنط فمحدش هيشك فيك
_أيوا وإيه الفايدة بردو مش فاهمة
ردت ماما
_يا بت ما ساعتها المحكمة هتحكم عليه أنه يجبلك عفشك والعفش اصلا معانا فساعتها هيتجبر أنه يجيب عفش جديد
كملت ماما بضحك
_ده غير التعويض اللي هيدفعه
ضحكت منة
_وساعتها هيجي يترجاك بأنك تتنازلي أو
كملت وأنا ببتسم
_أو يقولي نرجع
_منك لله حسبي الله ونعم الوكيل فيك
كانت إسراء بتقولي كدا بعد ما خرجنا من المحكمة
بصتلها من فوق لتحت ومردتش عليها فجت وقفت قصادي
_أنت إيه يا شيخة جبروت مش بتتهدي كل شوية
الواحد يقول أكيد هتسكت أكيد مش هتعمل حاجة أسوأ من اللي عملته
وكل مرة بتثبتيلي أني غلبانة قصادك
شاورت على زين
_عملك إيه هو عشان تبوظيله حياته بالشكل ده ها
زين مسكها
_
_لأ مش خلاص مش خلاص دي ست عاملة زي الحية دخلت حياتنا وخربتها من ساعة ما
عرفنها وأحنا مشوفناش يوم عدل
متابعة القراءة
