اسكريبت كامل بقلم هاجر القاضي

لأ وكانت ممثلة دور البراءة كويس لحد ما حملت ومن ساعتها وهي ركبانا وكأنها بتمن عليك بالعيل اللي من لحمك ودم ك
مسكت دموعها
_علطول بتقولي عليا أني أرض بور صح بس على الأقل أنا احسن منك آه والله أحسن منك وعمري ما افتريت على حد
كنت لسة هرد عليها بس سمعت صوت يونس وهو بينده على زين
_بابا وحشتني 
كان لسة زين هيرد عليه بس هو كان أسرع وساب أيد ماما وجري على زين الطريق كان سريع كل حاجة حصلت في لحظة في لحظة كان يونس غرقان في ډم ه في لحظة ابني راح مني 
_إن لله وإنا إليه راجعون
كان كل اللي في الشارع بيقول كدا كانوا بيقوللي أشد حيلي يعني إيه! أنا ابني م ما تش أكيد ابني مم اتش بصيت على زين لقيته بيشيله وهو بيعيط قومت من على الأرض بالعافية بس الأرض كانت مش عايزاني الدنيا بدأت تلف بيا وكأنها مش عايزاني وكأنها رافضة وجودي أخر حاجة حسيت بيها أيد إسراء اللي مسكتني
أخر مرة حسسته بحبي كأم أمتى! أخر مرة قعدت معاه وسمعته كانت أمتى! أنا جيت عليه خليته يعيش حياة متناسبش سنه شيلته هم أكبر من عمره ده أنا خيرته بيني وبين أبوه!
ضحكت بسخرية لما افتكرت وأنا بخيره بيني وبين زين أنا ساعتها قولتله محدش بياخد كل حاجة من الدنيا دي طب وأنا! كانت دماغي فين وأنا بحاول أخد كل حاجة من الدنيا حتى لو على حساب ناس تانية ج رحت ناس وأذي ت ناس واتبليت على ناس وكانت أخرتها إيه خسړت ابني!
 وبدأت اعيط عقلي مش قادر يصدق فكرة أنه مش موجود الجنان عندي أهون من أني أصدق أن ابني ماټ!
سمعت صوت زين برة فخرجت من اوضة يونس وروحتله
_فين ليل
_جوا نايمة يا زين
_حضري حاجاتها عشان هاخدها
_تاخدها فين!
_اخدها معايا 
_يعني إيه!
رد عليا بصوت عالي
_يعني مش هسيب بنتي تضيع مني بسببك وهاخدها ڠضب عنك
رددت كلامه
_تضيع منك بسببي!
_آه بسببك أنت المسؤولة الوحيدة عن اللي حصل ليونس
قعد بضعف
_حرمتيني منه وحرمتيه مني فضل شهر مش بيشوفني
غمض عينه بضعف
_وأول ما شافني جري عليا عشان وحشته
غمضت عيوني
_أنا مش السبب يا زين
زعق فيا
_لأ أنت السبب فوقي بقى من الوهم اللي أنت فيه والله ما مسامحك على إي حاجة عملتيها معايا وحق ابني أنا مش مسامح فيه
بدأت اعيط
_حرام عليك يا زين ارحمني
_وأنت كنت رحمتي مين عشان تطلبي الرحمة ده حتى ابنك راح بسببك
غمضت عيني
_خلاص يا زين خلاص 
_هو خلاص عشان الكلام مع أمثالك مفيش منه فايدة
قال كدا وبعدها دخل الأوضة اللي فيها ليل قعد فترة فيها وبعد شوية خرج كان شايل ليل وماسك شنطة فيها حاجتها 
وقفت قصاده
_أنت رايح فين أنت مش هتاخد بنتي مني
_لأ هاخدها ڠصب عنك
ماما ردت عليه
_أستهدى بالله يا بني وبعدين البت ٣ سنين يعني محتاجة أمها
_وهي اللي زي بنتك دي أم يا حاجة!
قال كدا وبعدها مشي مكنتش فاهمة إيه اللي بيحصل حواليا دماغي كانت واقفة ده أخد بنتي ومشي بجد! بيمنعني من بنتي! بس أنا منعته بردو من ابنه هو أنا السبب زي ما هو بيقول! الأفكار اللي في دماغي كانت كتيرة ومش راضية تسكت خبطت
راسي في الحيطة يمكن دماغي تهدى وقعدت على الأرض بضعف وبدأت أنهار لحد ما شوفت ماما بتقرب عليا بعدت عنها وكأني أتكهربت
_أنت السبب في اللي أنا فيه أنت السبب
شاورت على نفسها
_أنا يا
بنتي!
_آه أنت فضلتي تزني لحد ما أطلقت من الراجل الوحيد اللي حبيته وبعدها بدأتي تقنعيني بإي جوازة لحد ما وافقت على زين كنت بتقعدي تقوليلي اعمل إيه مع مراته بدل ما تهديني ولما أطلقت بدل ما تعقليني كنت بتشجعيني في الغلط وبتديني افكار كمان!
خبطت راسي في رجل ترابيزة السفرة
_واخرتها إيه! خسړت عيالي الأتنين
ابتسمت بسخرية على حياتي
_وزي ما أنت شايفة يا أمينة بقيت قاعدة في دار مسنين
_طب وليل فين يا طنط!
كانت بنت أمينة اللي بتسألني فرديت عليها بحسرة
_بقت پتكرهني شيفاني السبب في مرض أبوها ومۏت أخوها 
طبطبت على كتفها
_عشان كدا نصيحتي ليك اتقي الله في جوزك عشان هو راجل محترم واوعي تسمعي كلام حد اوعي تسمعي كلام المحامين ولا كلام أمك وأبوكي ولا كلام اصحابك ما أنا سمعت كلامهم وفي الأخر حصلي إيه كل واحد حياته مشيت وحياتي أنا اللي وقفت اوعي تطلقي من جوزك اللي باقي عليك والعند معاه هيقسي قلبه عليك أنا أهو عندي ٦٠ سنة بس لحد دلوقتي قلبي بيتقطع نفسي !
هزت راسها بمعنى حاضر وأنا ابتسمتلها ابتسمت لما لحقت انقذ حياة واحدة تانية من الفشل زي حياتي فهمت أنا ربنا مطول في عمري كل ده ليه يمكن تكون دي رسالتي في الدنيا واظن أني أديتها ودلوقتي أقدر أقابله وأنا مرتاحة.
هاجر_القاضي