نوفيلا إرث العادات بقلم ډفنا عمر كاملة
الفصل الأول
بزاوية هادئة من الغرفة التي غمرتها شمس الصباح المتسللة من بين شقوق النافذة الكبيرة خلفه جلس إبراهيم على أريكته وأمامه مصحفه المشرع على آيات سورة الكهف عيناه تتحرك فوق الكلمات القرآنية بخشوع يرتلها بخفوت محافظا علي قواعد تشكيل الحروف كما يجب ليختم قراءته طاويا المصحف هامسا بدعواته سرا ثم بسط سجادة صلاته ليقضي صلاة الشروق.
_ابراهيم هو الساعة كام
نظر لزوجته الراقدة فوق الفراش وتفاصيلها البارزة مع شعرها الثائر فوق وسادتها تسر عينه ليبتسم بمسحة حنان وهو يراها تحاول فصل جفنيها فتوصدها قبضة النوم فأخبرها لسه بدري ياحور يدوب صليت الشروق.
غمغمت بصوت ناعس مغموس بإغواء لذيذ وايه صحاك بدري كده يا هيما
توجه يرقد جوارها وهو يدس جسده تحت الغطاء
انهاردة الجمعة قلت اصلي الفجر واقرأ سورة الكهف واستني اصلي الشروق.. وواصل وهو يتثائب أنا هنام شوية وانتي صحيني قبل صلاة الجمعة.
همهمت بشيء غير مفهوم ليهتف حور ماتقومي تعمليلي لقمة صغيرة مع كوباية شاي.
تذمرت بوهن أبوس ايدك سبني انام يا ابراهيم عيالك طلعوا عيني على ما ناموا وانا لازم ارتاح عشان معركة كل يوم.
أعترض بقوله خليكي كده ظالمة عيالي ومحسساني انهم شياطين.
_ طب بس ما تغلطش في الشياطين.
رفع عاجبيه بدهشة ثم لكز جانب خصرها بقوة ناعمة حور اياكي تقولي علي ولادنا كده تاني.. آل شياطين آل..دول نعمة ربنا رزقنا بيها ربنا يحفظهم.
قاطعهم طرق الصغيران قبل دفعهما باب الغرفة واكبرهم يقول ماما انا جعان.
شهقت وهي تعتدل بنومتها كأنها ستبكي ألحقني يا ابراهيم.. وربنا ما قادرة افتح عيني.. يا ناس حرام عليكم ده انا بني آدمة.
ضحك وهو يهز رأسه ساخرا خلاص ياختي نامي انا هتصرف.. ثم شاكسها والله كتر خيرها شروق مرات اخويا هتفطرنا بعد الصلاة فطار ملوكي على السطح.
رفعت إحدى حاجبيها ورمقته بتحذير فغادر بعد أن شاغبها بحركات وجهه الضاحكة ثم تلحفت بالغطاء مستسلمة لنومها العزيز.
فوق سطح مسيج لبناية لا تزيد عن ثلاث طوابق أنتهت شروق بنشاط يميزها من تنظيفه حيث تقطن هي وزوجها وأطفالهما بالطابق الثاني وبالأسفل تسكن الحماة وبالأعلى إبراهيم شقيق زوجها الأصغر أعدت جلسة متواضعة وبسطت سجادة مناسبة فوق الأرض ثم هبطت تتفقد الصغار حيث يمكثون قبل أن تتوجه لمطبخها تعد للجميع إفطار صباحي شهي حتى يأتي تيمور بما أملته عليه.
أتى وسكب مشترياته فوق الطاولة القريبة وقال أهو يا ستي خلصت صلاة الجمعة وجبتلك عجينة الطعمية والفول وكرتونة بيض وحاجات سلطة ظبطينا بقى في فطار الأجازة المتين.
ابتسمت بوهج حاني لا يفارق محياها
عيوني بس شكلك نسيت البتنجان اللي طلبته حماتي بتحب البابا غنوج من إيدي.
_ لا جبته اهو مانسيتش حاجة.
هتفت وهي تلتقط الأكياس بهمة
طب روح للعيال واطلعوا للسطوح أنا خليته فلة.
_ لوحدك يا شروق حور مرات اخويا مش ساعدتك فيه
_ أنت عارفها بتصحي متأخر شوية وانا صاحية من بدري ده غير فطار السطوح ده اقتراحي بصراحة ومش فارقة مين يعمله يا تيمور..ما عيالي هيلعبو فيه.
هز رأسه بتفهم معتمدا أن الأمر لن يسوء زوجته وفعلته بطيب خاطر..فربت على ظهرها ربنا يديكي الصحة ياحبيبتي.
_ تسلملي يارب روح بقا خليك مع الولاد احسن كانوا بيتخانقوا زي عوايدهم من شوية وانا هخلص وارن عليك تنزل تاخد مني الأكل.
_ ماشي.
ثم عاد مقتربا منها بمشاغبة بس على فكرة انتي ضحكتي عليا امبارح وضيعتي ليلة الخميس يا قاسېة.
ضحكت بطيف خجل أشعل وجنتاها رغم مرور عشر سنوات على زواجهما وقالت يا راجل لم نفسك ما انت عارف ازاي كنت مهدودة مع اختي في فرش شقتها وجيت مش شايفة قدامي.
غمزها بمكر يبقي تعوضيني الليلة أنا أجازة بكرة.
دفعته بقوة مزيفة وعبوس حاجبيها المنمقة جعلهما أكثر جمالا تيمور بلاش دلع ومسخرة على الصبح روح للعيال صوتهم طالع وخاېفة يأذوا بعض ونادي على مامتك و اخوك ومراته وعياله عشان الفطار يحلى في اللمة انا هعمل الطعمية المحشية اللي بيحبوها..
وواصلت بسخاء كرمها وياريت كمان تنادي عم علي يفطر معانا ينوبك ثواب.. يمكن ننسيه حزنه شوية بعد مۏت مراته الحاجة زينب الله يرحمها.
حدجها بتقدير شديد وبريق إعجاب وحب ثم انحني ولثم قمة رأسها أنتي ازاي جواكي الحنان ده كله يا شروق قلبك بيساع الغريب والقريب مابتتحمليش تشوفي حد زعلان أو وحيد حتى جارنا عم علي مش سايباه وبتراعيه وعيونك عليه.. نفسي اعرف عملت ايه في دنيتي عشان يرزقني بيكي يا ست الناس.
تفتحت براعم الزهور بقلبها وهو يسكب عليها مشاعره وإطراءه الذي لمسها لكنها غمغمت بمزاح تخفي به تأثرها شكل غزالتك رايقة وراضي عني انهاردة يا ابو العيال.
أجابها دون تردد دايما راضي عنك ربنا خليكي ليا يا شروق انتي اللي بتجمعينا ومخلية حياتنا دافية ومليانة ود..
تقسم انها لا تريد أكثر من هذا الآلق الراضي بعين زوجها تفعل كل شيء ولا تغيب تلك النظرة عنه تحبه وتعشق كل ما ينتمي إليه..ولن تقصر يوما معه ومع
من يحب.
______________
استدار الجميع حول أطباق الإفطار المتراصة أرضا عدا العم علي الذي أعرض عن الصعود معهم رغبة في النوم قليلا ووالدتهما التي تقضي مشوار هام مع إحدي جيرانها في الحي ولم تأتي بعد.
أما البقية بدؤا التهام الطعام بشهية واضحة و راحت الأيادي تتخطف أقراص الطعمية المحشية وقطع الطماطم المتبلة بخليط من الفلفل الأحمر المالح وإبراهيم يهتف بثناء واضح شروق أشطر واحدة تعمل فطار ملوكي زي ده يفتح النفس.
تيمور بفخر لزوجته وحياتك يا ابراهيم يا اخويا مراتي لو مسكت حبة مية بحسهم بقوا شهد من ايدها.
ضحكت بخجل بينما شعرت الزوجة الأخرى بغيرة طفيفة وفطرية لا تملك صدها وهي تشهد هذا الدلال لها..الجميع يقدرها..تعرف كيف تجتذبهم حولها وللحقيقة التي لا تنكرها هي تمتاز بتلك الروح التي تعطي دون حساب ونشاط بدني تحسدها عليه كأنها فراشة لا تكل أو تمل التحليق فتنال استحواذ الكل دون منازع..عكسها هي مجهودها فقط محصور بين جدران بيتها وطفليها الأشقياء
_ لأ بس أوعي وشك بقا ياعم الحج.. حور مراتي محدش يقدر ينافسها في الأكلات البحرية.
قالها ابرهيم ليدعم زوجته حين لاحظ غزو وجهها بغيرة مبررة ليهتف تيمور يبقا انت اللي جبته لنفسك الاسبوع الجاي هندبسك في عزومة فسفور عندك مانع يا مرات أخويا
شروق بصراحة انا نفسي فيها من ايدك.
ابتسمت بوميض فخر امتزج بالرضا لنيل الأهتمام منهم أخيرا بس كده عنية الخميس الجاي هتاكلوا من ايدي تشكيلة أسماك هتخليكم تنورا كده.
مازحها تيمور طبعا هننور مش فسفور..وأهم حاجة انك اختارتي الخميس وتبع قوله بغمزة مشاكسة لزوجته التي حدجته بعتاب ووئدت ضحكتها خوفا أن يلاحظ أحد مقصد زوجها العابث.
_ هتنزل الورشة انهاردة يا هيما
ابتلع لقيمة خبز بشربة ماء وقال أه والله.. في زبون لازم اسلمه انهاردة شباكين لمناور شقته واقفل حسابي معاه..أصله عريس وهيدخل قريب.
تدخلت باعتراض يرضيك كده ياتيمور يشتغل يوم الجمعة كمان أمال هيقعد معايا انا وعياله أمتى أنا نفسي نخرج لاي حتة بدال قعدة البيت دي.. ثم استشهدت بالأخرى صح ولا لأ يا شروق
ابتسمت الأخيرة عندك حق طبعا بس حرام لو في مصلحة يسيبها.. لو عايزين رأيي.. ابراهيم يسلم الزبون ده حاجته ويقفل الورشة ويكمل بقيت اليوم معاكي.
_ مراتي كلامها مظبوط يعني تشتغل نص يوم وترجع تخرج مراتك وعيالك يا هيما.
رد ااأخير والله أنا اصلا كنت هعمل كده..
تبع قوله وهو ينهض شكرا يا مرات اخويا علي الفطار المتين ده ثم نظر لأخيه يدوم عزك يا اخويا.
ربت علي طهره بقوة حانية تعيش ياهيما..روح الله يفتحها في وشك ويرزقك.
بتوقيت متأخر من الليل عاد بإحدى أيام عمله مر منهكا بشقة والدته التي عرج عليها أولا ليطمئن قبل صعوده منزله.
_ يا مساء العسل يا ديجا.
ضوت عين أمه خديجة متشبعة بطلته وخفة ظله التي تأسرها وهي ترحب بقدومه مساء الشربات يا ضي عيني..ثم تدللت عليه زعلانة منك يا واد يا ابراهيم.
_ ليه بس يا ست الكل
معدتش عليا امبارح زي عوايدك ونمت من غير ما تشوف امك طبعا حضڼ مراتك بينسيك الدنيا.
قهقهة متفهما غيرتها وهو يضم كتفيها بود وبعدين في الغيرة بتاعتك دي يا ديجا ثم تحدث بجدية موضحا والله يا ماما امبارح كنت تعبان اوي من شغلي وماصدقت شوفت سريري قدامي ونمت لدرجة مارضيتش اتعشى مع حور والعيال.
ومع كده حقك عليا
هصالحك باللي تطلبيه.
ابتسمت بفيض حنان يخصه أكثر من غيره مش عايزة اكتر من انك تطل عليا دايما يا ابراهيم.. انت عارف غلاوتك عندي حاجة تانية.
ربت على كتفيها عارف يا ديجا.
وقعت عينه علي قدميها المكشوفة له رجلك وارمة كده ليه يا ماما
_ أصلي طول اليوم كنت عند خالتك ثرايا تنجيد بنتها كان انهاردة وكنت معاها بجاملها وبساعد مع الكل في تحضير أكل الضيوف وشكل قعدتي علي كرسي وقت طويل تعبت رجلي.
استاء مغمغما وايه لازمة التعب يا أمي.. كنتي جاملي بمبلغ وخلاص.. ينفع رجلك تورم كده
هونت عليه الأمر يا ابني الواجب مش فلوس وبس..دي أول بنت خالتك ثرايا تجوزها وأنا كنت نادرة يوم تنجيدها اعمل أكل الضيوف بإيدي والبنات كانوا حواليا مش لوحدي يعني..
بأنامله ينشط كاحليها الناعمة بحركات مدروسة لتشعر ببعض الراحة وهي ترمقه من عليائها بحنان طاغي من يلومها إن أحتل هذا الأبن قلبها أكثر من اخيه.. سيل حنانه وتصرفاته معها تشبه تماما أبيه الراحل..كان هكذا معها.
_ أرتاحتي دلوقت يا أمي
تسائل بترقب لتتمتم بنظرة راضية إلهي يريح قلبك ويجبر خاطرك قادر يا كريم.. بقيت احسن ياحبيبي كفاية كده قوم اطلع لولادك ومراتك كل معاهم لقمة وريح جتتك اللي بتشقي بيها طول اليوم.
أطاعها وهو يفرغ الصحن الكبير من المياة في حوض المرحاض ويعيده لموضعه ثم غادرها لزوجته وطفليه.
_ عايزة اقولك حاجة يا أبراهيم هيما.
غمغم بخفوت وهو يصارع انسدال جفنيه
_ربنا يستر.. نعم.
_ كده برضو هو انا لسه قولت حاجة
_ أصل هيما دي بتبقي دايما مقدمة لحاجات مش لطيفة.
_ لا والله ابدا..ده طلب بسيط كده.
_ خير ياحور
_نفسي اشتري ديب فريزر التلاجة مش بتكفيني دلوقت وكمان غسالة أطباق وطقم صيني بدال اللي العيال كسروا نصوا.
تثائب مع قوله لو في فلوس هاتي كل ده يا حور هو انا حايشك..
ثم انتبه معتدلا في رقدته عايزة غسالة ايه ليه انتي اتكسحتي يا ماما هو غسيل المواعين كمان هنشتري له غسالة
تدللت عليه وهي تداعب أنفه بقرصة خفيفة اخص عليك يا هيما ده أنا بتبهدل خصوصا في الشتا من غسيلها فيها ايه لما تجبهالي يعني
تثائب ثانيا بإرهاق ربنا يسهل انتي كده عايزة مبلغ كبير تجيبي كل ده..ومش هينفع دلوقت.
كثفت جرعة دلالها عليه منا عشان كده عايزاك تزودلي المصروف شوية عشان ادخل جمعية مع جارتنا أول الشهر الجاي..
واستطردت واعمل حسابك هنزور ماما وبابا أخر الأسبوع.. اخواتي التؤام نجحوا بمجموع كبير في الإعدادية وعاملين حفلة على أدنا كده.. قلت ايه يا هيما ابراهيم رد عليا معقول نمت بالسرعة دي يا راجل
بدى امامها غارقا بنومه فلم يكن منها إلا أن تدعوا له بالعون والصحة والرزق الوفير..وذهبت تتفقد صغارها متوجسة سلفا مما يفعلونه مع صمتهم المريب هذا ..
_ طب بدال الجمعيات وۏجع القلب يا ابراهيم استنى اما تاخد نصيبك من إيجار الأرض بتاعة ماما
زي كل سنة..ده بيكون مبلغ محترم.
احتسى جرعة من قهوته وهو يجاور شقيقه فوق سطح بنياتهم قائلا لا يا تيمور الفلوس دي ليها عوزة تانية عندي أنا عايز اجمدها علي بعض بعيد عن ايد حور خالص أنت عارفها مصرفة شوية وانا نفسي اعمل حاجة لعيالي يستندوا عليها لما يكبروا.. خليها هي تتصرف بجمعيات من مصروف البيت هي حرة.
أومأ بتفهم براحتك يا هيما أنت أدرى بمراتك.
_ أنا مش بذم فيها والله ياتيمور بالعكس ده حقها هي يعني لو مش طلبت مني هتطلب من مين..بس زي ما قولت انا باصص لبعيد ومستقبل ولادنا.
_ عداك العيب ياهيما وعموما تفكيرك مش غلط أنا كمان المفروض افكر كده.
_ طبعا الزمن مش مضمون ويدوب نحاول نعمل لولادنا حاجة من دلوقت.
اهتز رنين هاتفه بغتة
ربت علي كتفه بقوة في رعاية الله يا اخويا.
صاحت بسعادة طفولية ما أن رآته جالبا لها فاكهتها المفضلة رمان
قهقهة لها حبك للرمان ده مش طبيعي يا ديجا.
واستطرد بنبرة دافئة لسه طالع بشاير قلت هجيبلك منه وانا راجع..
طبطبت على كتفه بحنان ربنا ما يحرمني من حنيتك ابدا خليه للصبح شروق ولا حور يفصصوه وناكل كلنا سوا مع العيال.
_ لا لا انا مش طالع غير وانتي واكلة منه قدام عيني.
وشرع بالفعل بغسله وتقطيعه مع قوله المازح مرات اخويا بتضايق منه عشان بيسود ايدها وحور زيها خليني أنا اضحي بصوابعي عشان عيونك ياجميل.
ضحكت وهي تراقبه برضا حتى انتهى ومزجه بقليل من الماء المثلج والسكر ووضع لها طبق لتأكل منه بشهية ونهم والدته تعشق تلك الفاكهة لذا ما أن تظهر بالأسواق حتي يغرقها بها كل حين.
مكث يراقب التهامها لحبات الرمان ثم قال
_ تعرفي يا ماما..لما بعملك اي حاجة بتحبيها بحس اني مرتاح.. بخرج من بيتي مطمن إن لو ربنا أخد أمانته أي لحظة رضاكي عني هيشفعلي.
توقفت حبات الرمان بحلقها وسعلت بقوة ليفزع وهو يعاجلها بكاسة ماء أزاحتها عنها بضيق ايه اللي انت بتقوله ده يا ابراهيم كده تنكد عليا.
أدرك خطئه معتذرا أنا أسف مش قصدي والله ده مجرد كلام يعني.
_ كلام ماسخ.
ابتسم لها برجاء خلاص بقا يا ديجا حقك عليا.. ارجعي كلي.
_ مش واكلة نفسي اتسدت.
خلاص والله حقك عليا مش هقول كده تاني.
نظرت إليه وتجمعت الدموع بمقلتيها ليصيح معاتبا نفسه بصوت مسموع أنا طول عمري مدب والله متزعليش يا ماما انا قصدت اقولك برتاح لما بعملك حاجة بتحبيها.
وغمغمت يا حبيبي أنا عايشة بحسك انت واخوك.. كل طلعة شمس بدعي يحفظكم ليا انتم وعيالكم ومراتتكم..ولو حد هيفارق يبقي أنا
يا ابني.. أنا خلاص شبعت من الدنيا.. انما انتم لسه قدامكم ياما.. أوعي يا ابراهيم تتكلم بالطريقة دي تاني وتوجع قلبي.. أنت بالذات بخاف عليك أوي بسبب الموتوسيكل اللي بتركبه وتطير به علي الأسفلت..مش ناقصة أقلق عليك.
أبعد كفيها عن وجهه ولثمهما حاضر يا ماما هاخد بالي بعد كده.. ارجعي بقا كلي الرمان.
_ خلاص شبعت..خلي الباقي لعيالك انت وتيمور.
_ لا دول ليكي انا جبت لبيتي ولاخويا.
واكمل بمرح احتل نبرته وخلي الهوانم يفصصوه الصبح وايدهم تسود ماليش فيه..اهم حاجة دلعت ديجا حبيبتي وبس.
قهقهت بشدة وهي أكثر من تعلم كم تنزعج شروق وحور من تفريط حبات الرمان.
_ حرام عليكم بقا ارحموني انا تعبت ومش ملاحقة علي الپهدلة دي.
صادف صړاخها مجيئه عند درجات السلم فأسرع بالدخول صائحا جرى ايه يا حور صوتك عالي كده ليه انا سامعك من السلم تحت.
أخفت وجهها بين كفيها واڼفجرت في البكاء أدهشه رد فعلها لمجرد شقاوة الصغار فزفر ليهدأ وانحنى ليلتقط بعض الأشياء وأعادها لأماكنها ثم توجه نحوها انتي مچنونة يا بنتي بټعيطي عشان العيال بهدلو الشقة شوية هما لو مش هيلعبو في بيتهم يلعبوا فين يا حور.
لم تجيله وشعر باهتزاز جسدها فأدرك ان بكائها يزداد أبعدها ليجفف دموعها قائلا مالك بس ياحور في حاجة معرفهاش مضايقاكي
_ زهقانة يا ابراهيم معرفش ليه حاسة بكآبة مسيطرة عليا بقالها كام يوم..وشقاوة العيال بتزود عصبيتي.. أنا مش مظبوطة خالص..مخڼوقة.
نظر حوله ليجد كم الخړاب الذي سببه الصغار بأرجاء الننزل منزوين بعيد خوفا من بطشه.. نكس يقيم خاطرا ما طرأ عليه ليقول لها
طب روحي البسي طقم مناسب عشان هاخدك لفة علي الموتوسيكل واشممك الهوا.
حدجته بذهول دلوقت ده انت جاي تعبان و .
_ مالكيش دعوة يلا اجهزي وانا هنزل العيال عند ماما لحد ما نرجع.
اتسعت ابتسامتها وأسرعت ترتدي بنطال وكنزة طويلة بينما هبط هو بأطفاله ليمكثا الليلة بأكملها عندها..فتخطيطه لإنعاش رووح زوجته لن يقتصر علي نزهتهما فوق دراجته البخارية.
شاركته بحماس ركوب الدراجة واصطحبها وهو يتعرج بعجلات دراجته بين السيارات حتى وصل لمنطقة هادئة نوعا ما فقالت والهواء يضرب وجهها بقوة وهي تشبث بخصره القوي هيما.. هو ينفع اعمل حاجة نفسي فيها
أجابها من خلف خوذة رأسه وعيناه ترصد الطريق أمامه باهتمام شديد حاجة إيه.
_ عايزة اعمل زي بطلة تايتانيك أما فردت دراعها في الهوا وحبيبها معاها
ضحك لقولها علي أساس اني جاك وانتي.. ايه مس فاكر اسم البطلة كان ايه.
_ روز يا ابراهيم..ها اعمل زيها بقىالشوارع فاضية حوالينا وبعيد عن بيتنا اصلا.
_ خاېف تقعي يا حور.
_ متخافش مش هقع.
أومأ لها لتحلق باسطة ذراعيها جوارها پجنون وهي تضحك والهواء مازال يلفحها كأنه يداعبها.. كم طاقت روحها لتلك النزهة معه.. لا تدري تحديدا سبب لاكتئابها وضيقها منذ أيام.. لكن يكفي حصولها علي تلك الجولة الليلية بعيدا عن تأيد الصغار وصخبهما.
أما هو فرغم أرهاق جسده وشوقه للنوم..كان أكثر من راضيا وهو يسمع ضحكتها هذه..ولا بأس لو تأخر بضعة ساعات عن ورشته صباحا.. مساعده هناك سيتولي الأمر.
نوفيلا_أرث_العادات
الفصل الثاني
نظر حوله ليجد كم الخړاب الذي سببه الصغار بأرجاء الننزل منزوين بعيد خوفا من بطشه.. نكس يقيم خاطرا ما طرأ عليه ليقول لها
طب روحي البسي طقم مناسب عشان هاخدك لفة علي الموتوسيكل واشممك الهوا.
حدجته بذهول دلوقت ده انت جاي تعبان و .
_ مالكيش دعوة يلا اجهزي وانا هنزل العيال عند ماما لحد ما نرجع.
اتسعت ابتسامتها وأسرعت ترتدي بنطال وكنزة طويلة بينما هبط هو بأطفاله ليمكثا الليلة بأكملها عندها..فتخطيطه لإنعاش رووح زوجته لن يقتصر علي نزهتهما فوق دراجته البخارية.
شاركته بحماس ركوب الدراجة واصطحبها وهو يتعرج بعجلات دراجته بين السيارات حتى وصل لمنطقة هادئة نوعا ما فقالت والهواء يضرب وجهها بقوة وهي تشبث بخصره القوي هيما.. هو ينفع اعمل حاجة نفسي فيها
أجابها من خلف خوذة رأسه وعيناه ترصد الطريق أمامه باهتمام شديد حاجة إيه.
_ عايزة اعمل زي بطلة تايتانيك أما فردت دراعها
ضحك لقولها علي أساس اني جاك وانتي.. ايه مش فاكر اسم البطلة كان ايه.
_ روز يا ابراهيم.. ها اعمل زيها بقىالشوارع فاضية حوالينا وبعيد عن بيتنا اصلا.
_ خاېف تقعي يا حور.
_ متخافش مش هقع.
سكبت له القهوة والعبوس يتخلل قسمات وجهها ليمازحها ايه يابت مالك قلبتيها دراما كده ليه هو أنا مسافر ليبيا ده كلها أسبوع أو أسبوعين بالكتير هقضيهم في اسكندرية..ولا عايزاني
اقول للرزق لأ وبعدين أمي ومرات اخويا معاكي.. واخويا موحود وهيسد مكاني.. زعلانة ليه
_ لأن انت عمرك ما غبت عن بيتك يا ابراهيم انا مبعرفش انام غير ونفسك جنبي..وبعدين هي اسكندرية كلها مفيهاش حدادين يعني
أرتشف بعض قهوته وقال أكيد فيها طبعا بس في زبون جرب شغلي قبل كده وانبسط وهو اللي رشحني لصاحبه اللي عايزني اعمل شبابيك حديد لكل مناور العمارة بتاعته ده غير البوابة..وفي النهاية الرزق بينادي صاحبه ياحور. المفروض تدعيلي بالتيسير بدال ما انتي قالبة وشك كده.
حاولت أن تبتسم له يا هيما انا مش قالبة وشي. أنا بس مكنتش حابة إنك.
صمت وشعرت أنها ربما تبالغ في الأمر فلان صوتها وقالت طب هتجيبلي ايه وانت جاي عايزة شنطة هدايا كبيرة.
ضحك وهو يقر لها أهو كده انتي حور اللي اعرفها.. يلا بقا هقوم اجهز.
على طرف الفراش راحت تطالعه بنظرة شاخصة وهو يرتدي معطفه استعداد للرحيل لاحظ نظرتها هامسا خدي بالك علي نفسك وعلي العيال في غيابي. بلاش تتعصبي عليهم زي عوايدك واتحمليهم دول صغيرين أي حاجة يحتاجوها هاتيها أنا سايبلك فلوس كفاية ولو احتاجتي زيادة خدي من تيمور اخويا لحد ما ارجع.
نظرت إليه بحزن وهي تصارحه أبراهيم معرفش ليه خاېفة وحاسة في حاجة وحشة هتحصل.
ابتسم ليطمئنها قل لن يصيبنا إلا ما كتب الله لنا هو مولانا ۚ وعلى الله فليتوكل المؤمنون.
غمغمت بتسليم صدق الله العظيم.
_اطمني دي تهيئات المهم تاخدي بالك من الولاد. ولو حبيتي تروحي يومين عند أهلك مفيش مانع.. وأنا في أسرع وقت هرجعلكم اتفقنا.
هزت رأسها محاولة الابتسام وهي تودعه لكن ظلت تلك القبضة المبهمة تعتصر قلبها دون سبب.
بعين غائمة تراقب المارة من شرفة منزل تيمور تلك القبضة اللعېنة لم تعتقها منذ سفر زوجها حدثته قدر استطاعتها لكن مع عمله الشاق لا تتاح لها فرص كثيرة للحديث معه يتبادلا كلمات مقتضبة ليستأنف بعدها عمله بكد ليؤمن رزق وفير لعائلته الصغيرة.
_ يلا ياحور تعالي عملتلك حبة شاي هيعدلوا مزاجك.
بدت غير واعية لحضور شروق والشرود يبتلعها بطياته لتربت الأخيرة كتفها تناديها حور.
انتبهت أخيرا لتلتفت إليها بابتسامة شاحبة نعم.
رمقتها بشفقة حبيبتي مالك بس ليه قلقانة كده مش فهماكي.
_معرفش صدقيني مش فاهمة سبب قلقي وخۏفي.
ابتسمت الأخيرة بود يمكن عشان ابراهيم اول مرة يغيب أسبوعين عموما هانت ويرجع مش هو قالك انه قرب يخلص شغله
هزت رأسها بإيماءة لتستطرد شروق يبقي خلاص روقي وفرفشي كده فين حور المچنونة اللي بتصدع دماغي من الرغي بتاعها اكتر من ولادها.
منحتها ابتسامة قصيرة وتناولت من يديها كاسة شاي ساخنة وحاولت الانخراط معها بأحاديث كثيرة لكن ظل عقلها يعج بالخواطر الغير مريحة..
_وحشتيني يا ديجا.
رغم مزاحه الظاهري قالها بمسحة من الحنان استشعرته وافتقدته في غيابه لتصيح بلهفة
جاي امتي يانور عيني وحشني دخلتك عليا يا ابراهيم.
_ وانتي كمان يا ماما وحشتيني قريب هخلص شغلي واجي.
_طب لعلمك أخر مرة تشتغل في محافظة تانية حتي لو هتاخد مال قارون..انت فاهم
لم ترى ابتسامته الشاحبة وهو يمازحها للدرجة دي بتحبيني يا ديجا ومش قادرة على بعدي
صمتت وضيق خفي يجتاحها لا تعرف له سببا ربما حلم الأمس أزعجها..وربما دون ذلك.. لا تدري.
_ راضية عني يا أمي
قاطع سؤاله صمتها ليشعل المزيد من نيران الخۏف بقلبها ونبرته بدت غريبة عليها.
_ ما انت عارف يا ابني.. انت عين من عيوني واخوك عيني التانية.. راضية عنك وعنو ليوم الدين..
وصلها تنهيدته قبل أن يعود لمزاحه طب تحبي اجيبلك ايه معايا يا ديجا وانا جاي
_ تعالى بالسلامة.. هو ده اللي انا عايزاه..
_ حاضر يا ماما قريب جدا.
وصمت برهة. قبل أن يعاود غمغمته ماما ولادي اشقية اوي ومحدش بيتحمل شقاوتهم حتى حور نفسها بتتعب منهم تصوري رجعت يوم من شغلي لقيتها بټعيط بسببهم
وصمت مجددا ليستأنف خدي بالك عليهم واوعي يغيبو عن عينك ابدا.. حور كمان خدي بالك عليها مراتي زيهم طفلة بس طيبة..أنا عارف ان انتي وتيمور مش هتقصروا ابدا في غيابي.
لم تعد تتحمل تلك النبرة ومخاوفها تتفحل داخلها وټخنقها لتصيح بحدة جري ايه يا ابني بتتكلم كده ليه..هو أنا ناقصة قلق.. ثم صاحت بلهجة طغى عليها الكثير من القوة ابراهيم.. ارجع وسيب الشغلانة دي وانا هديك اللي كنت هتاخده منها مالكش دعوة.
_ ارجع فين يا ماما مستحيل اقدر امشي من غير ما اكمل شغلي وبعدين انا بكلمك عادي.. بوصيكي علي ولادي لحد ما ارجع فيها ايه دي.
_ فيها اني قلقانة يا ابني..وكلامك خوفني اكتر.
مازحها لتهدأ قولي بقى ان كل اللي همك الرمان اللي كنت بجيبهولك يا ديجا.
قالتها بعاطفة حقيقية أيوة يا ابني..أنا وحشني طعم الرمان من ايدك يا ابراهيم..ارجع عشان تفصصه وتأكلني بإيدك الشقيانة
سال الدفء من صوته حاضر يا ماما.. والله قريب هرجع وهبات معاكي كمان يومين اشبع منك.
_ وعد ولا اما تشوف مراتك هتنساني.
قهقهة بضحكة أثلجت صدرها هنرجع
للغيرة تاني.. وحياتك ما في بقلبي وعقلي غيرك يا ديجا.
واستأنف خاتما بقوله بعد أذنك يا ماما هروح انام عشان خلاص مش قادر وانا بصحي بدري.
_ نوم الهنا يا ضنايا.. لا إله إلا الله.
_ محمد رسول الله.
أغلقت وقبضة الضيق تشتد فاستعاذت من الشيطان وذهب لتصلي وتدعو له.. له وحده.
__________
_ أخيرا راجع يا هيما.
_ أيوة يا تيمور اخيرا انجزت شغلي والحمد لله واخد مبلغ محترم يعوض غيابي المهم زي ما فهمتك متقولش لحور او ماما إني جاي بكره..عايز اعملهم هما والولاد
قهقهة تيمور ماشي ياعم مش هقولها..المهم جبتلي اللي وصيتك ولا ظبطت مراتك وصيغتها ونسيت اخوك
ضحك بدوره صيغتها ايه بس ده حتة سلسلة صغيرة كانت طالباها مني وطبعا
